Kejadian 3
3
Tukwak ninye arye, malye winiprik yupu
1Ura, Weik Deiyoknye Allah, el si Yahweh arye, talye buru tam ulamuk ning, ayala-ayala weik kwepdeiamuk bukni, kwatima ara, pia malye una ap, tenepce arye, duknubuka winina ap, pia weik winilamuk. Sik kam ulamik ning, aning-aning yuk ning nirya ara, mitik anun uka. Akwatima ara, akil dam yayukce, akil ati tenepce arye, nyabuk. “Allah arye, ‘Na wa wipsa noutamak ara, yo duk yala nirya kum dinamlyame,’ dipkoprob nyabuk do, kum do?” nyabuka tenepce arye, tilila yupu nyabuk. 2Nyabukba, akil arye, tamubuka nyabuk. “Kume, awa noutamak tikuk yo ara, yo duk dakuka diptinimnye.
3Bukni, Allah arye, dipkoprob nyapdeipsuka ara, ‘Na wa noutamak koprop tikuk yo ara, el duk dakuka, kum diptume. Tonda, ayo talina babye, kum winiptume. Aning ara meme. Winiprumunyopura, dipkoprob dipnamdume,’ nyapdeisuke,” Hawa arye, akwatima ati nyabuk. 4Nyabukba, akwatima arye, akil ati tamubuka nyabuk. “Kume, anggun dipkoprob kum dipnamdume. 5Ura, Allah el kele. Ayo duk dakuka dipminyopura, anggun kanye tenen ning ap, anggun asing ap, dirina upliba, laipsilyopura, Allah elda, ‘Malye ning ani, teleb ning ani’ tenen, moubuka kel kibuka ulye touk, anggun babye upnamdume. Adeiyok ati, ‘Dina meme,’ nyapsuke,” kwatima arye, akil Hawa ati, nyabuk.
6Nyabukba akil arye, ayo duk ati dinmokce, utenebuk. ‘Se, ayo duk ara, urasin pia telebe. Tonda, ayo duk diptinyopura, pia telebe. Tonda ayo duk dipnyopura, kel bikna weik deiyok ning deipnutue,’ tenebuk. Utenebuka ati, ayo duk dakuka, mitik anun dobuka dibukce, el ap neika ulamdiknye Adam ati, bokuka arebukba, el babye dibuk. 7Sik bitinye diprikopura, adiparyuk sik kanye boprikce, asing eipdarikce, ‘Se, nun bitinye ara, talye nong bananguk unmaname’ tenen, bita bikdikce, alye dakdarik. Alye dakdarikura, pala yo bok dakukapdikce, ‘Nun nong bol lelipdopnunam’ tenen, sik baju ongona ati wiprikce, lelipdoprik.
8Aminyan ara, inipnamoka ati, keting yiriplobuk talak ara, Allah el si Yahweh arye, el kwepdeiamuk wa noutamak banmokba, Adam ap, el kil Hawa ap lelim kekeprikce, ‘Se, Allah arye, eipsilyak’ tenen, ilil ubukba, awa noutamak yo kan-kan duknupdik. 9Duknuprik bukni, Allah el si Yahweh arye, Adam ati, “Anda danaka unmalam do?” nyabuka yukubuk. 10Yukubukba, Adam arye, tamubuka nyabuk. “Kume, an banmalamba, lelim kekepmance, na nong banang unmance, ilil upmanila ati, duknupmane,” nyabuk.
11Nyabukba, Allah arye, “Yatanye birye, ‘An nong banang unmalame,’ nyapmakilba, bikdanmalam do? Narye, ‘Ayo tonok ara, yo duk dakuka kum dinamlyame,’ nyapkise yo duk ara, akunum dakuka dipmalam do?” nyabuk. 12Nyabukura, Adam arye, “Ance arepnulumba, amutuku na ap neika unyam kil ara, elce ayo duk arepmanuba, mitik anun dipmanue,” nyabuk. 13Nyabukopura, Allah el si Yahweh arye, Hawa ati nyabuk. “Anda yata deiyok ati malye winipmalam do?” nyabuka wenebukba, akil arye, “Kume, kwatima arye, yupu tenepce arye, nyapmanilamba, mangkau arye, diba tenepmanurye, ayo duk dakuka dipmanue,” nyabuk.
14Ati ara, Allah el si Yahweh arye, akwatima ati nyabuka wenebuk. “Ninye weilamak ning ap, talye buru mutuku balamle ning ap, ayala-ayala weik daunyak bukni, anda weik ikin ning bobuka, an nong deice deipkine. Wini talak arye, dipdongobuka, doyanamle talak noutamak nirya, kam unalam talak nirya ara, an mun deice arye tuku deice banmaminyeba, kal-kal alamle tuku, buta ara, an si bam bol pum bisik pia wekenamkile. 15Winilaminyeba, narye nyapdeipniba, an ap, akil ap, ‘Pia lik,’ tenilanamdume. Elce deipliba, dadeipdanin banamak mapu ap, ance deipminyeba, dadeipdanin balamica ani, banamak mapu ap, doyanamle talak noutamak nirya, ‘Pia lik,’ tenilanamake. Ninye nirya arye, an kisok teikuka onamkiake. Ance ninye yan dumu kisok si tobuka onamlame,” nyabuk.
16Nyabukopura, Allah arye, akil ati nyabuka wenebuk. “An ap, yuk kilapu nirya ap ati, mapu delin talak ara, uk weik anun ton tabakuka, anggun nong deice delinamsine. Winipnyopura, kilapu arye, mapu delilamak talak nirya ara, weika arye uk dipliba, malye kanye bobuka ulamunce, mapu delinamlume. An ap, yuk kilapu nirya ap, anggun akanye yapu ati, ‘Ninye dopsitinge’ tenen, kanye talima uk disiliba, pia patasiliba unamlume. Sal ara, anggun kilapu ara, anggun akanye yapu deice tam uk ukirye, talibsikiba, anggunda amu tamuk unamlume,” Allah arye, Hawa ati nyabuka wenebuk.
17Nyabukopura, Adam ati ayupu nyabuka wenebuk. “Ayo tonok ati, ‘Ayo duk dakuka dina meme,’ nyapkise bukni, an kil arye, nyapmaku yupu kekepmomce, ayo duk akunum dipmaruma ati ara, ayupu nyabuka wenepkene. Ance malye winipluma ati ara, narye nyapdeipniba, tukwak mutuku im sirya, mutuku sirya nirya supkina ati, ikin weik unamle. Kanye imun kanye bobuka, ikin pil weik donalama deice aryuk, tuku noutam arye panamle ninguk dinamlulume. 18Tukwak mutuku nirya arye, tace ning tirmangka kweiyang-kweiyang ap, kirikna ap, aning-aning weik panamle. Wa wiaminyeba, beteklirye papnamle ninguk libuka dinalame.
19Wini talak arye, dipdongobuka daulaminya ani, dipminyeba tuku dongopnamkiyak bukni, kam unamlam talak nirya ara, ikin pil weik aryuk dolaminya ani, kwisi meka panamkilya deice aryuk, din ning libuka dinalame. Ura, an kwepdeipkese talak ara, talye mikuka, kel-kel alamuk tuku butbuta arye, dobuka kwepdeipkisa ati, anda talye mikuka kel-kel alamle tuku butbuta atonun ulyama anya arye, dipminyeba, tuku pum weipkicopura, tamubuka tonap, talye tuku pumuk daunalame,” Allah arye, Adam ati nyabuka wenebuk.
20Ura, Adam arye, el kil si ati, Hawa nyabuka si dobuk. Hawa nyabuka deiyok ara, ‘Akil arye deipliba, dadeipdanin balamica ani, aminyan upnamak ninye nirya ara, sik deiyok kilina kil, el uka,’ tenebukce, el si ati Hawa nyabuk.#3:20 Hawa – Ibrani yupu deice ara, Hawa yupu deiyok ara, ‘Kam una,’ tenena ati, ayupu nyanyake. 21Atalak ara, Allah el si Yahweh arye, awamuk kam ning obuka bola koplobukce, abola arye baju wibukce, Adam ap, Hawa ap ati arebukba, sik ongoprik.
22Atalak aryuk, Weik Deiyoknye Allah, el si Yahweh arye, nyabuk. “Nunce, ‘Malye ning ani, teleb ning ani,’ tenebuka moubuka kel kinyap touk, Adam akunum tenipmala anya arye, nun mitik anun unyaba atonun akunum uple. Ati, talye namin kibibyopura, aminyan ara, Kam Una Deiyok yo duk ton dakuka diplyopura, pia kam unamle. Aning ara, kum winiptua ati, yupu seknune,” Allah arye tenebukce nyabuk.
23Ati ara, Allah el si Yahweh arye, Adam ap, Hawa ap ati, ‘Amutuku pia kum unamdak’ tenen, Eden mutuku wa noutamak arye dobuka, bai tam yakdonokuk. Ara, ‘Tukwak arye dobuka kwepdeiamsinye anya arye, talye tukwak mutuku noutam aryuk pia pil donamle’ tenen, Eden mutuku arye bai tam yakdonokuk. 24Bai tam yakdonokukce, im deice ulye ning, el si ara Kerubim dobuka, Eden mutuku bukni, keting yangan tam deibukba, anye birye uku buk diliba dirina weik ulamle touk, dirina weik ulamuk parang ya dobuka, yu weik ulamukce, kalikilamuk. Ara, ‘Ninye tukwak ninye arye, Kam Una Deiyok yo duk dolona ati, amutuku bisik yacak’ tenen, abisik kalikilamuk.
Избрани в момента:
Kejadian 3: EIPA
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2023, Wycliffe Bible Translators, Inc. All rights reserved.
Kejadian 3
3
Tukwak ninye arye, malye winiprik yupu
1Ura, Weik Deiyoknye Allah, el si Yahweh arye, talye buru tam ulamuk ning, ayala-ayala weik kwepdeiamuk bukni, kwatima ara, pia malye una ap, tenepce arye, duknubuka winina ap, pia weik winilamuk. Sik kam ulamik ning, aning-aning yuk ning nirya ara, mitik anun uka. Akwatima ara, akil dam yayukce, akil ati tenepce arye, nyabuk. “Allah arye, ‘Na wa wipsa noutamak ara, yo duk yala nirya kum dinamlyame,’ dipkoprob nyabuk do, kum do?” nyabuka tenepce arye, tilila yupu nyabuk. 2Nyabukba, akil arye, tamubuka nyabuk. “Kume, awa noutamak tikuk yo ara, yo duk dakuka diptinimnye.
3Bukni, Allah arye, dipkoprob nyapdeipsuka ara, ‘Na wa noutamak koprop tikuk yo ara, el duk dakuka, kum diptume. Tonda, ayo talina babye, kum winiptume. Aning ara meme. Winiprumunyopura, dipkoprob dipnamdume,’ nyapdeisuke,” Hawa arye, akwatima ati nyabuk. 4Nyabukba, akwatima arye, akil ati tamubuka nyabuk. “Kume, anggun dipkoprob kum dipnamdume. 5Ura, Allah el kele. Ayo duk dakuka dipminyopura, anggun kanye tenen ning ap, anggun asing ap, dirina upliba, laipsilyopura, Allah elda, ‘Malye ning ani, teleb ning ani’ tenen, moubuka kel kibuka ulye touk, anggun babye upnamdume. Adeiyok ati, ‘Dina meme,’ nyapsuke,” kwatima arye, akil Hawa ati, nyabuk.
6Nyabukba akil arye, ayo duk ati dinmokce, utenebuk. ‘Se, ayo duk ara, urasin pia telebe. Tonda, ayo duk diptinyopura, pia telebe. Tonda ayo duk dipnyopura, kel bikna weik deiyok ning deipnutue,’ tenebuk. Utenebuka ati, ayo duk dakuka, mitik anun dobuka dibukce, el ap neika ulamdiknye Adam ati, bokuka arebukba, el babye dibuk. 7Sik bitinye diprikopura, adiparyuk sik kanye boprikce, asing eipdarikce, ‘Se, nun bitinye ara, talye nong bananguk unmaname’ tenen, bita bikdikce, alye dakdarik. Alye dakdarikura, pala yo bok dakukapdikce, ‘Nun nong bol lelipdopnunam’ tenen, sik baju ongona ati wiprikce, lelipdoprik.
8Aminyan ara, inipnamoka ati, keting yiriplobuk talak ara, Allah el si Yahweh arye, el kwepdeiamuk wa noutamak banmokba, Adam ap, el kil Hawa ap lelim kekeprikce, ‘Se, Allah arye, eipsilyak’ tenen, ilil ubukba, awa noutamak yo kan-kan duknupdik. 9Duknuprik bukni, Allah el si Yahweh arye, Adam ati, “Anda danaka unmalam do?” nyabuka yukubuk. 10Yukubukba, Adam arye, tamubuka nyabuk. “Kume, an banmalamba, lelim kekepmance, na nong banang unmance, ilil upmanila ati, duknupmane,” nyabuk.
11Nyabukba, Allah arye, “Yatanye birye, ‘An nong banang unmalame,’ nyapmakilba, bikdanmalam do? Narye, ‘Ayo tonok ara, yo duk dakuka kum dinamlyame,’ nyapkise yo duk ara, akunum dakuka dipmalam do?” nyabuk. 12Nyabukura, Adam arye, “Ance arepnulumba, amutuku na ap neika unyam kil ara, elce ayo duk arepmanuba, mitik anun dipmanue,” nyabuk. 13Nyabukopura, Allah el si Yahweh arye, Hawa ati nyabuk. “Anda yata deiyok ati malye winipmalam do?” nyabuka wenebukba, akil arye, “Kume, kwatima arye, yupu tenepce arye, nyapmanilamba, mangkau arye, diba tenepmanurye, ayo duk dakuka dipmanue,” nyabuk.
14Ati ara, Allah el si Yahweh arye, akwatima ati nyabuka wenebuk. “Ninye weilamak ning ap, talye buru mutuku balamle ning ap, ayala-ayala weik daunyak bukni, anda weik ikin ning bobuka, an nong deice deipkine. Wini talak arye, dipdongobuka, doyanamle talak noutamak nirya, kam unalam talak nirya ara, an mun deice arye tuku deice banmaminyeba, kal-kal alamle tuku, buta ara, an si bam bol pum bisik pia wekenamkile. 15Winilaminyeba, narye nyapdeipniba, an ap, akil ap, ‘Pia lik,’ tenilanamdume. Elce deipliba, dadeipdanin banamak mapu ap, ance deipminyeba, dadeipdanin balamica ani, banamak mapu ap, doyanamle talak noutamak nirya, ‘Pia lik,’ tenilanamake. Ninye nirya arye, an kisok teikuka onamkiake. Ance ninye yan dumu kisok si tobuka onamlame,” nyabuk.
16Nyabukopura, Allah arye, akil ati nyabuka wenebuk. “An ap, yuk kilapu nirya ap ati, mapu delin talak ara, uk weik anun ton tabakuka, anggun nong deice delinamsine. Winipnyopura, kilapu arye, mapu delilamak talak nirya ara, weika arye uk dipliba, malye kanye bobuka ulamunce, mapu delinamlume. An ap, yuk kilapu nirya ap, anggun akanye yapu ati, ‘Ninye dopsitinge’ tenen, kanye talima uk disiliba, pia patasiliba unamlume. Sal ara, anggun kilapu ara, anggun akanye yapu deice tam uk ukirye, talibsikiba, anggunda amu tamuk unamlume,” Allah arye, Hawa ati nyabuka wenebuk.
17Nyabukopura, Adam ati ayupu nyabuka wenebuk. “Ayo tonok ati, ‘Ayo duk dakuka dina meme,’ nyapkise bukni, an kil arye, nyapmaku yupu kekepmomce, ayo duk akunum dipmaruma ati ara, ayupu nyabuka wenepkene. Ance malye winipluma ati ara, narye nyapdeipniba, tukwak mutuku im sirya, mutuku sirya nirya supkina ati, ikin weik unamle. Kanye imun kanye bobuka, ikin pil weik donalama deice aryuk, tuku noutam arye panamle ninguk dinamlulume. 18Tukwak mutuku nirya arye, tace ning tirmangka kweiyang-kweiyang ap, kirikna ap, aning-aning weik panamle. Wa wiaminyeba, beteklirye papnamle ninguk libuka dinalame.
19Wini talak arye, dipdongobuka daulaminya ani, dipminyeba tuku dongopnamkiyak bukni, kam unamlam talak nirya ara, ikin pil weik aryuk dolaminya ani, kwisi meka panamkilya deice aryuk, din ning libuka dinalame. Ura, an kwepdeipkese talak ara, talye mikuka, kel-kel alamuk tuku butbuta arye, dobuka kwepdeipkisa ati, anda talye mikuka kel-kel alamle tuku butbuta atonun ulyama anya arye, dipminyeba, tuku pum weipkicopura, tamubuka tonap, talye tuku pumuk daunalame,” Allah arye, Adam ati nyabuka wenebuk.
20Ura, Adam arye, el kil si ati, Hawa nyabuka si dobuk. Hawa nyabuka deiyok ara, ‘Akil arye deipliba, dadeipdanin balamica ani, aminyan upnamak ninye nirya ara, sik deiyok kilina kil, el uka,’ tenebukce, el si ati Hawa nyabuk.#3:20 Hawa – Ibrani yupu deice ara, Hawa yupu deiyok ara, ‘Kam una,’ tenena ati, ayupu nyanyake. 21Atalak ara, Allah el si Yahweh arye, awamuk kam ning obuka bola koplobukce, abola arye baju wibukce, Adam ap, Hawa ap ati arebukba, sik ongoprik.
22Atalak aryuk, Weik Deiyoknye Allah, el si Yahweh arye, nyabuk. “Nunce, ‘Malye ning ani, teleb ning ani,’ tenebuka moubuka kel kinyap touk, Adam akunum tenipmala anya arye, nun mitik anun unyaba atonun akunum uple. Ati, talye namin kibibyopura, aminyan ara, Kam Una Deiyok yo duk ton dakuka diplyopura, pia kam unamle. Aning ara, kum winiptua ati, yupu seknune,” Allah arye tenebukce nyabuk.
23Ati ara, Allah el si Yahweh arye, Adam ap, Hawa ap ati, ‘Amutuku pia kum unamdak’ tenen, Eden mutuku wa noutamak arye dobuka, bai tam yakdonokuk. Ara, ‘Tukwak arye dobuka kwepdeiamsinye anya arye, talye tukwak mutuku noutam aryuk pia pil donamle’ tenen, Eden mutuku arye bai tam yakdonokuk. 24Bai tam yakdonokukce, im deice ulye ning, el si ara Kerubim dobuka, Eden mutuku bukni, keting yangan tam deibukba, anye birye uku buk diliba dirina weik ulamle touk, dirina weik ulamuk parang ya dobuka, yu weik ulamukce, kalikilamuk. Ara, ‘Ninye tukwak ninye arye, Kam Una Deiyok yo duk dolona ati, amutuku bisik yacak’ tenen, abisik kalikilamuk.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2023, Wycliffe Bible Translators, Inc. All rights reserved.