Phŭn Blŭng 16
16
Klơi a pơpôn Ismael
1Plai Sarai bơnai Abram, ñu bĭ pơpôn nă br̂ơi Abram ôh. Ñu hmâo đahmơi hlŭn ha r̂ăng sô̆n-sat Êjĭp, a iâo ƀŏ ñu Haga. 2Nŭn Sarai pơhiăp hr̂ŏm Abram: «Ep wŏ! Yêhôwa bơgăn lôi kâo, bĭ br̂ơi kâo hmâo nă ôh. Nĭng nŭn yơh, br̂ơi ih nao jĕ jiăm hr̂ŏm hlŭn kâo wŏ. Ai-ñu, kâo ti hmâo nă yua mơ̆ng ñu mơ̆n thâo.» Nŭn Abram hmĭ tui pơhiăp Sarai bơnai ñu. 3Pah anŭn Abram dŏ tăm lŏn-ia Kanan pluh thŭn boih,#An Phŭn 12:4. nŭn Sarai bơnai Abram tô̆ Haga sô̆n-sat Êjĭp hlŭn ñu, br̂ơi ñu nao ngă bơnai Abram kơi ñu. 4Jr̂ŏng nŭn Abram nao jĕ jiăm hr̂ŏm Haga, nŭn Haga dŏ năp. Tơl Haga ƀôh laĭ ñu dŏ năp, nŭn ñu hmâo bŭt pơmat Sarai khua ñu. 5Jr̂ŏng nŭn Sarai pơhiăp hr̂ŏm Abram: «R̂ai mơ̆ng ih yơh, kâo mơ̆ng kơnap hla ne! Kâo br̂ơi đahmơi hlŭn kâo, br̂ơi ih weng, tơl ñu ƀôh laĭ ñu dŏ năp boih, nŭn ñu hmâo bŭt pơmat kâo. Dueh mơ̆ng Yêhôwa tr̂ĕ br̂ơi kơđi ih hr̂ŏm kâo wŏ!» 6Jr̂ŏng nŭn Abram pơhiăp til glaĭ: «Nêne hlŭn ih dŏ tăm ngan ih boih, glăng ih hăt ngă hr̂ŏm ñu, tui ih ƀôh laĭ djơ̆.» Jr̂ŏng nŭn Sarai bơjăm bơjuă ngă pơkơnap Haga, nŭn Haga đuĕ hĕ mơ̆ng ñu.
7Jr̂ŏng nŭn ling-jang Yêhôwa ƀôh Haga jĕ hơlâo ia mơ̆ng čol dơdang, hơlâo ia nŭn jĕ glan a nao pơ čol Sơ. 8Nŭn ling-jang laĭ: «Ơ Haga hlŭn Sarai, hiư̆m, ih r̂ai mơ̆ng pă? Pơ pă ih ti nao?» Haga til glaĭ: «Kâo đuĕ mơ̆ng Sarai khua kâo.» 9Ling-jang Yêhôwa til glaĭ: «Wŏt glaĭ pơ khua ih wŏ, jr̂ŏng nŭn pơtr̂ŭn pô ih dŏ yô̆ ñu.»#16:9 Pơtr̂ŭn pô ih dŏ yô̆ ñu Hêbrơ laĭ «Tô̆ klơi ñu bơjăm bơjuă ngă pơkơnap ih mơ̆ng ngan ñu.» 10Ling-jang Yêhôwa pơhiăp dŏng: «Kâo ti ngă br̂ơi djuoi ih lal đĭ lô-lĭn, tơl a bĭ anăm yap, yua djuoi ih lô jat.» 11Ling-jang Yêhôwa pơhiăp dŏng:
«Nêne! Ih dŏ năp boih,
Ih ti pơpôn r̂ai nă đahkơi,
Ih ti iâo ƀŏ ñu “Ismael,”#16:11 Ƀŏ Ismael tui tam Hêbrơ čiăng laĭ «Ơi Adai hmĭ.»
Yua Yêhôwa hmĭ klơi kơnap-tap ih boih.
12Nă ne hla ti lie glai,
Ngan ñu hăt sem kơđi tơgr̂ư̆ mơnuih,
Wŏt tơgr̂ư̆ ngan mơnuih hăt sem glaĭ kơđi mơ̆ng ñu mơ̆n.
Ñu ti dŏ gah ia-wang bih lŏn-ia yŏng dơi ñu.»
13Pah anŭn Haga iâo ƀŏ Yêhôwa pô pơhiăp hr̂ŏm ñu: «Ih “El-rô-i”» (čiăng laĭ “Yang ƀôh kâo”#16:13 Yang ƀôh kâo lơ «Yang pơƀôh br̂ơi kâo ƀôh.»), yua Haga laĭ, «Hiư̆m, tr̂uh r̂ai pơ ane, kâo ƀôh dơdi mơ̆n ah, Pô ƀôh kâo?»#16:13 Kâo ƀôh dơdi mơ̆n ah Pô ƀôh kâo? Lơ «Kâo ƀôh dơdi mơ̆n ah dơdơi mơ̆ng ñu ƀôh kâo?» Lơ «Kâo dŏ dĭp mơ̆n ah dơdơi mơ̆ng kâo ƀôh Pô ƀôh kâo?» 14Yua nŭn yơh r̂ăng mơ̆ng iâo ia kuai nŭn laĭ, “Ia kuai Lahai-rô-i” (čiăng laĭ “Pô Dŏ Dĭp ƀôh kâo”). Ia kuai nŭn dŏ plah-wah plơi Kađeh mơ̆ng plơi Ƀaret.
15Nĭng nŭn yơh, Haga pơpôn nă đahkơi ha r̂ăng br̂ơi Abram, jr̂ŏng nŭn Abram iâo ƀŏ nă Haga pơpôn nŭn “Ismael.”#An Kal 4:22-23. 16Pah Haga pơpôn Ismael br̂ơi Abram, nŭn Abram ñu hmâo ayŭ 86 thŭn boih.
Избрани в момента:
Phŭn Blŭng 16: JKB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2024, Wycliffe Bible Translators, Inc.
Phŭn Blŭng 16
16
Klơi a pơpôn Ismael
1Plai Sarai bơnai Abram, ñu bĭ pơpôn nă br̂ơi Abram ôh. Ñu hmâo đahmơi hlŭn ha r̂ăng sô̆n-sat Êjĭp, a iâo ƀŏ ñu Haga. 2Nŭn Sarai pơhiăp hr̂ŏm Abram: «Ep wŏ! Yêhôwa bơgăn lôi kâo, bĭ br̂ơi kâo hmâo nă ôh. Nĭng nŭn yơh, br̂ơi ih nao jĕ jiăm hr̂ŏm hlŭn kâo wŏ. Ai-ñu, kâo ti hmâo nă yua mơ̆ng ñu mơ̆n thâo.» Nŭn Abram hmĭ tui pơhiăp Sarai bơnai ñu. 3Pah anŭn Abram dŏ tăm lŏn-ia Kanan pluh thŭn boih,#An Phŭn 12:4. nŭn Sarai bơnai Abram tô̆ Haga sô̆n-sat Êjĭp hlŭn ñu, br̂ơi ñu nao ngă bơnai Abram kơi ñu. 4Jr̂ŏng nŭn Abram nao jĕ jiăm hr̂ŏm Haga, nŭn Haga dŏ năp. Tơl Haga ƀôh laĭ ñu dŏ năp, nŭn ñu hmâo bŭt pơmat Sarai khua ñu. 5Jr̂ŏng nŭn Sarai pơhiăp hr̂ŏm Abram: «R̂ai mơ̆ng ih yơh, kâo mơ̆ng kơnap hla ne! Kâo br̂ơi đahmơi hlŭn kâo, br̂ơi ih weng, tơl ñu ƀôh laĭ ñu dŏ năp boih, nŭn ñu hmâo bŭt pơmat kâo. Dueh mơ̆ng Yêhôwa tr̂ĕ br̂ơi kơđi ih hr̂ŏm kâo wŏ!» 6Jr̂ŏng nŭn Abram pơhiăp til glaĭ: «Nêne hlŭn ih dŏ tăm ngan ih boih, glăng ih hăt ngă hr̂ŏm ñu, tui ih ƀôh laĭ djơ̆.» Jr̂ŏng nŭn Sarai bơjăm bơjuă ngă pơkơnap Haga, nŭn Haga đuĕ hĕ mơ̆ng ñu.
7Jr̂ŏng nŭn ling-jang Yêhôwa ƀôh Haga jĕ hơlâo ia mơ̆ng čol dơdang, hơlâo ia nŭn jĕ glan a nao pơ čol Sơ. 8Nŭn ling-jang laĭ: «Ơ Haga hlŭn Sarai, hiư̆m, ih r̂ai mơ̆ng pă? Pơ pă ih ti nao?» Haga til glaĭ: «Kâo đuĕ mơ̆ng Sarai khua kâo.» 9Ling-jang Yêhôwa til glaĭ: «Wŏt glaĭ pơ khua ih wŏ, jr̂ŏng nŭn pơtr̂ŭn pô ih dŏ yô̆ ñu.»#16:9 Pơtr̂ŭn pô ih dŏ yô̆ ñu Hêbrơ laĭ «Tô̆ klơi ñu bơjăm bơjuă ngă pơkơnap ih mơ̆ng ngan ñu.» 10Ling-jang Yêhôwa pơhiăp dŏng: «Kâo ti ngă br̂ơi djuoi ih lal đĭ lô-lĭn, tơl a bĭ anăm yap, yua djuoi ih lô jat.» 11Ling-jang Yêhôwa pơhiăp dŏng:
«Nêne! Ih dŏ năp boih,
Ih ti pơpôn r̂ai nă đahkơi,
Ih ti iâo ƀŏ ñu “Ismael,”#16:11 Ƀŏ Ismael tui tam Hêbrơ čiăng laĭ «Ơi Adai hmĭ.»
Yua Yêhôwa hmĭ klơi kơnap-tap ih boih.
12Nă ne hla ti lie glai,
Ngan ñu hăt sem kơđi tơgr̂ư̆ mơnuih,
Wŏt tơgr̂ư̆ ngan mơnuih hăt sem glaĭ kơđi mơ̆ng ñu mơ̆n.
Ñu ti dŏ gah ia-wang bih lŏn-ia yŏng dơi ñu.»
13Pah anŭn Haga iâo ƀŏ Yêhôwa pô pơhiăp hr̂ŏm ñu: «Ih “El-rô-i”» (čiăng laĭ “Yang ƀôh kâo”#16:13 Yang ƀôh kâo lơ «Yang pơƀôh br̂ơi kâo ƀôh.»), yua Haga laĭ, «Hiư̆m, tr̂uh r̂ai pơ ane, kâo ƀôh dơdi mơ̆n ah, Pô ƀôh kâo?»#16:13 Kâo ƀôh dơdi mơ̆n ah Pô ƀôh kâo? Lơ «Kâo ƀôh dơdi mơ̆n ah dơdơi mơ̆ng ñu ƀôh kâo?» Lơ «Kâo dŏ dĭp mơ̆n ah dơdơi mơ̆ng kâo ƀôh Pô ƀôh kâo?» 14Yua nŭn yơh r̂ăng mơ̆ng iâo ia kuai nŭn laĭ, “Ia kuai Lahai-rô-i” (čiăng laĭ “Pô Dŏ Dĭp ƀôh kâo”). Ia kuai nŭn dŏ plah-wah plơi Kađeh mơ̆ng plơi Ƀaret.
15Nĭng nŭn yơh, Haga pơpôn nă đahkơi ha r̂ăng br̂ơi Abram, jr̂ŏng nŭn Abram iâo ƀŏ nă Haga pơpôn nŭn “Ismael.”#An Kal 4:22-23. 16Pah Haga pơpôn Ismael br̂ơi Abram, nŭn Abram ñu hmâo ayŭ 86 thŭn boih.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2024, Wycliffe Bible Translators, Inc.