Jean 19
19
1Vane Pilate amatôma migode gôébongo Jésus na gôémôbita na mibitô mievongo. 2Migode mimavutéga ngundu éamingoo géôkanéga gépôkôdô sokumaka. Amagégudéga gô môtsé aJésus. Amamôaatéda dôta ngoyi épipani éatsoo gamaata oma avôni. 3Migode ahmawesea na vandé Jésus gôémôkômbôa mbe: Samba. Samba, môtômine Ajuif. Na amamôbômôa ébôdé.
4Pilate amoomba ékusa gô ebedi gôévovo n’Ajuif mbe: Nôvenga, nanôkusédéa angô na va mbadi. Mavooe vane nôngookô gavovi me mbe me tsiena ta n’oési ôvo gôndé mômôgôô nône mbe ayôhu. 5Jésus amakusa gô eba aPilate amaata gépôkôdô samingoo na ngoyi éatsoo. Pilate amavovo mbe: Nôeni mômane, angôô. 6Ivô vameena tsesu yadeekedi adigondoku na migode miaô eena Jésus, amaadôngana mbe: Komedani angô va gésumu sowa. Komedani angô va gésumuge. Pilate amavovo n’ahngô mbe: Bongokoni angô. Komedani angô anyene va gésumuge. Géé gôndé me, tseena ébégô éeyôhéda angô. 7Ajuif amanigôa mbe: We tôndéké na ébégôe gô matendeo masô. Gô ébégôe éne môma ayôhu te yôhgu. Ebégôe te éne émeendangô mbe: Me te Muana ANzambé.
8Vamookô Pilate nane, amatsôpu na gomo. 9Pilate amanika éengéa na gô eba ôtsundédu oma na ameevôa Jésus mbe: ?Omaviga gôni? Ivô Jésus asimôsiié. 10Pilate amavovo na Jésus mbe: Ewe ôpipa me. ?Osasiia gôvovo me-a? ?Osamenya mbe me nandé n’enyanga gôégônzeegeda na gôéénda éwe ôkomedu va gésumu-a? 11Jésus amanigôa angô mbe: Mbeka Nzambé agôétsa ényanga éviga g’ôba, éwe mbe ôsoongôa étôma me. T’ebandô ône akabi me na gô mogo moo, ébévee éedi éotéa n’ene éoo. 12Gô mavoviame mane Pilate amabuta mônongo gôénzeegeda Jésus. Ivô Ajuif asisingé. Amamôsongeda mbe: Ti éwe ôkô ônzeegedi mômôgôô nône, éwe ôsaba n’evamba na César, môtômine atsenge andé gô Rome. One avovo mbe: Me te Kumu, angô te môdudeone amôtômine atsenge andé gô Rome.
13Vamookô Pilate mavoviame mane amakeda Jésus na gô mbadi. Amuene Pilate amadigaa gô gédigaa samôkitsine amisoso gémabaka gô tungu ééndô mbe komu émeendô na mataé gô tsina. (G’ôgi ahébreu mbe Gabbatha.) 14Te ndéô ématsakama kômbéne, suetine éaPâque madeo ésibandôu. Pilate amavovo na Ajuif mbe: Nôeni môtômine wanyô. 15Ajuif amaadôngana mbe: Awaaké. Awaaké. Komeda angô va gésumuge. Pilate ameevôa ahngô mbe: ?Na gô pie nônyôngéô mbe nakomeda môtômine wanyô va gésumuge-a? Tsesu yadeekedi adigondoku amabika n’edi mbe: We tôsaba na atômi abaé. Môtômine wasô te César gô Rome. 16Vane Pilate amadeekeda ahngô Jésus gôémôkomeda va gésumu sowa.
Jésus amakomedu va gésumu sowa
(Bono na Matt. 27:32–44, Marc 15:21–32, Luc 23:26–43)
Amabongo Jésus. 17Jésus amapénda gô mbôka atsua gésumuge géngakomedu angô. Amakea na gô tungu ééndô mbe kokoh amôtsé. (G’ôgi ahébreu te Golgotha.) 18Gô tungu nene, migode mimakomeda Jésus va gésumuge. Amabôkéda dôta avo amôgôô abaé gô ésumue éaô. Amatemeda ahngô, Jésus va gatse, amôgôôe abaé ane amabaka gésa na gésa.
19Pilate ameetsa môtôma mbe: Tendani saté sokadô mbe, Oô te Jésus môsi Nazareth môtômine aAjuif. Vumbani angô va ngongo agésumuge. 20Ajuif ayekani amatanga éne ématenduni va ngongo agésumuge. Tungune émakomedu Jésus ésitongonéké na gô môsenge. Matendeome mamatenduku g’ôgi aHébreu na g’ôgi aLatin na g’ôgi aGrec. 21Vane Ajuif tsesuye yadeekedi adigondoku, amavovo na Pilate mbe: Nôtôa matendeome mabeenda mbe: Odôô te môtômine aAjuif. Tendaka mbe: Odôô avovi mbe: Me te môtômine aAjuif. 22Pilate amakina mbe: Ti éne étendi me, namani éétenda.
23Migodemie, n’emana ékomeda Jésus va gésumuge, amabongo maduanime medi. Amamakabana dikabô dinayi ngu na ahngô migode minayi. Amabongo dôta na ngoyine éedi épôni ésibaké na diôbô, émagomu nvetso môtie bandôa gô makôdô ngu na gô môngônga. 24Migodemie minayi mimavovo anguene na anguene mbe: Tômbiakakani ngoyi nene. Tôtsévéni na nzéké gôésevoa ône angamidiiani. Gô ébégôe éne gômeenanô éne émeevéda Matendeo MaNzambé mbe:
Amakaba va gatse aô maduanime mami
Amatséva na nzékéne gôédiia ngoyine éami.
Te éne émeenda migodemie.
25Avo agetoe amatema va tsina agésumuge gémabôkédu Jésus. Môvo môgeto te yeedi, môvo dôta te mônône ayeedi. Môvo te Marie môgaya aClopas, na mavo Marie te môsi Magdala. 26Jésus ameena yeedi na va kôbangô edi ameena môneengine amootéa Jésus ényôngéô. Amavovo na yeedi mbe: Môgeto, muanee woo te angôô. Na amamôtubéda môneengine. 27Vane Jésus amavovo na môneengine mbe: Oeni, yoo angôô. Bandôa nyoone Marie, yeene aJésus amadigaa gô eba amôneengi nône.
Jésus amawa
(Bono na Matt. 27:45–56, Marc 15:33–41, Luc 23:44–49)
28Va mbenene vane, Jésus asibômu mbe mabégô metso magôgi na amaadôngana mbe: Nookô sôé. G’ôgie ône ômeenanô éne émeevéda Matendeo MaNzambé. 29Va kôbangô eesumue gômabaka tsôva éameba manganye. Migodemie mimabongo sômage géndé g’ebuyô géviva meba na amagétsuéta gô mebame manganye. Amakata sangô gô péndé éagéétété gééndô mbe hysope. Amabôgôa sangô na va mônya aJésus mbe aviva sangô. 30Vamamanangô éviva mebame manganye mane, Jésus amayusuméda évovo mbe: Eetso édugi. Amatsokodono na amawa.
Môgôde amatuma Jésus va tsungune
31Gôndé Ajuif nyee edunda te nyee ôvôni. One aPâque ootéa éneegedu, t’ebandô Ajuif asinyôngéô mbe nzumbiye ditatô didigaa v’esumue éaô nyee edunda. Avo amakea gôéduka Pilate mbe: Bôkôéda makôdôme maane andé gô ésumue buta mbe ayavôga éwa. Potoéda nzumbiye dine. 32Migode amakea gôébôkôa makôdôme mamôgôôe abaé amakomedu kukepo na Jésus gésa na gésa. 33Vamatsigahngô va gésumuge gémabaka Jésus amadenga mbe amani éwa. T’ebandô asimôbôkôé makôdôme. 34Môgodene amatuma Jésus va tsungune n’ekongo éedi. Tsina na tsina gômakusa nzina na meba gésangana. 35One anônigôa tsangône édué, ameena yangô ti na miso medi. Ene énigôa angô anye asapata. Asabômu mbe mane mavovo angô te mapie. Buta mbe n’anye muetso nôétsa Nzambé mitémamie, gémôtsumé paga. 36Gômabuéa mabégôme mane, gômeenanô mane mameevéda Matendeo MaNzambé mbe: Gôndé angô gôsangabôkôu ta na gépa gévo. 37Matendeo MaNzambé mameevéda dôta mbe: Oma angabono ône amatumahngô. Ebégôe éne émeenanô.
Jésus amagunyu gô ngii
(Bono na Matt. 27:57–61, Marc 15:42–47, Luc 23:50–56)
38Va mbenene vane Joseph môsi Arimathée amakea na gôndé Pilate angô mbe: Navigi gôénduka Jésus ayôhyiôni, nakepotoo nzumbine va gésumu. Tambô Joseph amabaka môvo môneengi aJésus. Ivô amookô peeye yAjuif gomo na amamôneegedaka te v’esooe, gémômeme v’ekanga. Pilate amamôsingéa. Joseph amakea gôépotoo nzumbine. 39Nicodème dôta, ône amakea na mbeego gôévovo na Jésus na pitsi, amakea na Joseph. Nicodème amadipa nzumbine na mikanda miavembo na ameetéa môyombo. 40Ameenda adipa, eetéa, adipa, eetéa gamabaka gésima sAjuif gôényepeda nzumbiye yaô. 41Vabambani na tungune émabôkédu Jésus va gésumuge, vamabaka tsaga éasuadô. Gô tsaga nene gômabaka ngii éeduku éamôdungutu émabaka madeo ésigunyu môma. 42Gômabambana nyoone na nyee edunda Ajuif, asikee na nzumbine na gôdagôda. Amasuméa vumbaga yangô gô ngii nene éamôdungutu.
Избрани в момента:
Jean 19: TSV
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Alliance Biblique du Gabon (Bible Society in Gabon) 1983
Jean 19
19
1Vane Pilate amatôma migode gôébongo Jésus na gôémôbita na mibitô mievongo. 2Migode mimavutéga ngundu éamingoo géôkanéga gépôkôdô sokumaka. Amagégudéga gô môtsé aJésus. Amamôaatéda dôta ngoyi épipani éatsoo gamaata oma avôni. 3Migode ahmawesea na vandé Jésus gôémôkômbôa mbe: Samba. Samba, môtômine Ajuif. Na amamôbômôa ébôdé.
4Pilate amoomba ékusa gô ebedi gôévovo n’Ajuif mbe: Nôvenga, nanôkusédéa angô na va mbadi. Mavooe vane nôngookô gavovi me mbe me tsiena ta n’oési ôvo gôndé mômôgôô nône mbe ayôhu. 5Jésus amakusa gô eba aPilate amaata gépôkôdô samingoo na ngoyi éatsoo. Pilate amavovo mbe: Nôeni mômane, angôô. 6Ivô vameena tsesu yadeekedi adigondoku na migode miaô eena Jésus, amaadôngana mbe: Komedani angô va gésumu sowa. Komedani angô va gésumuge. Pilate amavovo n’ahngô mbe: Bongokoni angô. Komedani angô anyene va gésumuge. Géé gôndé me, tseena ébégô éeyôhéda angô. 7Ajuif amanigôa mbe: We tôndéké na ébégôe gô matendeo masô. Gô ébégôe éne môma ayôhu te yôhgu. Ebégôe te éne émeendangô mbe: Me te Muana ANzambé.
8Vamookô Pilate nane, amatsôpu na gomo. 9Pilate amanika éengéa na gô eba ôtsundédu oma na ameevôa Jésus mbe: ?Omaviga gôni? Ivô Jésus asimôsiié. 10Pilate amavovo na Jésus mbe: Ewe ôpipa me. ?Osasiia gôvovo me-a? ?Osamenya mbe me nandé n’enyanga gôégônzeegeda na gôéénda éwe ôkomedu va gésumu-a? 11Jésus amanigôa angô mbe: Mbeka Nzambé agôétsa ényanga éviga g’ôba, éwe mbe ôsoongôa étôma me. T’ebandô ône akabi me na gô mogo moo, ébévee éedi éotéa n’ene éoo. 12Gô mavoviame mane Pilate amabuta mônongo gôénzeegeda Jésus. Ivô Ajuif asisingé. Amamôsongeda mbe: Ti éwe ôkô ônzeegedi mômôgôô nône, éwe ôsaba n’evamba na César, môtômine atsenge andé gô Rome. One avovo mbe: Me te Kumu, angô te môdudeone amôtômine atsenge andé gô Rome.
13Vamookô Pilate mavoviame mane amakeda Jésus na gô mbadi. Amuene Pilate amadigaa gô gédigaa samôkitsine amisoso gémabaka gô tungu ééndô mbe komu émeendô na mataé gô tsina. (G’ôgi ahébreu mbe Gabbatha.) 14Te ndéô ématsakama kômbéne, suetine éaPâque madeo ésibandôu. Pilate amavovo na Ajuif mbe: Nôeni môtômine wanyô. 15Ajuif amaadôngana mbe: Awaaké. Awaaké. Komeda angô va gésumuge. Pilate ameevôa ahngô mbe: ?Na gô pie nônyôngéô mbe nakomeda môtômine wanyô va gésumuge-a? Tsesu yadeekedi adigondoku amabika n’edi mbe: We tôsaba na atômi abaé. Môtômine wasô te César gô Rome. 16Vane Pilate amadeekeda ahngô Jésus gôémôkomeda va gésumu sowa.
Jésus amakomedu va gésumu sowa
(Bono na Matt. 27:32–44, Marc 15:21–32, Luc 23:26–43)
Amabongo Jésus. 17Jésus amapénda gô mbôka atsua gésumuge géngakomedu angô. Amakea na gô tungu ééndô mbe kokoh amôtsé. (G’ôgi ahébreu te Golgotha.) 18Gô tungu nene, migode mimakomeda Jésus va gésumuge. Amabôkéda dôta avo amôgôô abaé gô ésumue éaô. Amatemeda ahngô, Jésus va gatse, amôgôôe abaé ane amabaka gésa na gésa.
19Pilate ameetsa môtôma mbe: Tendani saté sokadô mbe, Oô te Jésus môsi Nazareth môtômine aAjuif. Vumbani angô va ngongo agésumuge. 20Ajuif ayekani amatanga éne ématenduni va ngongo agésumuge. Tungune émakomedu Jésus ésitongonéké na gô môsenge. Matendeome mamatenduku g’ôgi aHébreu na g’ôgi aLatin na g’ôgi aGrec. 21Vane Ajuif tsesuye yadeekedi adigondoku, amavovo na Pilate mbe: Nôtôa matendeome mabeenda mbe: Odôô te môtômine aAjuif. Tendaka mbe: Odôô avovi mbe: Me te môtômine aAjuif. 22Pilate amakina mbe: Ti éne étendi me, namani éétenda.
23Migodemie, n’emana ékomeda Jésus va gésumuge, amabongo maduanime medi. Amamakabana dikabô dinayi ngu na ahngô migode minayi. Amabongo dôta na ngoyine éedi épôni ésibaké na diôbô, émagomu nvetso môtie bandôa gô makôdô ngu na gô môngônga. 24Migodemie minayi mimavovo anguene na anguene mbe: Tômbiakakani ngoyi nene. Tôtsévéni na nzéké gôésevoa ône angamidiiani. Gô ébégôe éne gômeenanô éne émeevéda Matendeo MaNzambé mbe:
Amakaba va gatse aô maduanime mami
Amatséva na nzékéne gôédiia ngoyine éami.
Te éne émeenda migodemie.
25Avo agetoe amatema va tsina agésumuge gémabôkédu Jésus. Môvo môgeto te yeedi, môvo dôta te mônône ayeedi. Môvo te Marie môgaya aClopas, na mavo Marie te môsi Magdala. 26Jésus ameena yeedi na va kôbangô edi ameena môneengine amootéa Jésus ényôngéô. Amavovo na yeedi mbe: Môgeto, muanee woo te angôô. Na amamôtubéda môneengine. 27Vane Jésus amavovo na môneengine mbe: Oeni, yoo angôô. Bandôa nyoone Marie, yeene aJésus amadigaa gô eba amôneengi nône.
Jésus amawa
(Bono na Matt. 27:45–56, Marc 15:33–41, Luc 23:44–49)
28Va mbenene vane, Jésus asibômu mbe mabégô metso magôgi na amaadôngana mbe: Nookô sôé. G’ôgie ône ômeenanô éne émeevéda Matendeo MaNzambé. 29Va kôbangô eesumue gômabaka tsôva éameba manganye. Migodemie mimabongo sômage géndé g’ebuyô géviva meba na amagétsuéta gô mebame manganye. Amakata sangô gô péndé éagéétété gééndô mbe hysope. Amabôgôa sangô na va mônya aJésus mbe aviva sangô. 30Vamamanangô éviva mebame manganye mane, Jésus amayusuméda évovo mbe: Eetso édugi. Amatsokodono na amawa.
Môgôde amatuma Jésus va tsungune
31Gôndé Ajuif nyee edunda te nyee ôvôni. One aPâque ootéa éneegedu, t’ebandô Ajuif asinyôngéô mbe nzumbiye ditatô didigaa v’esumue éaô nyee edunda. Avo amakea gôéduka Pilate mbe: Bôkôéda makôdôme maane andé gô ésumue buta mbe ayavôga éwa. Potoéda nzumbiye dine. 32Migode amakea gôébôkôa makôdôme mamôgôôe abaé amakomedu kukepo na Jésus gésa na gésa. 33Vamatsigahngô va gésumuge gémabaka Jésus amadenga mbe amani éwa. T’ebandô asimôbôkôé makôdôme. 34Môgodene amatuma Jésus va tsungune n’ekongo éedi. Tsina na tsina gômakusa nzina na meba gésangana. 35One anônigôa tsangône édué, ameena yangô ti na miso medi. Ene énigôa angô anye asapata. Asabômu mbe mane mavovo angô te mapie. Buta mbe n’anye muetso nôétsa Nzambé mitémamie, gémôtsumé paga. 36Gômabuéa mabégôme mane, gômeenanô mane mameevéda Matendeo MaNzambé mbe: Gôndé angô gôsangabôkôu ta na gépa gévo. 37Matendeo MaNzambé mameevéda dôta mbe: Oma angabono ône amatumahngô. Ebégôe éne émeenanô.
Jésus amagunyu gô ngii
(Bono na Matt. 27:57–61, Marc 15:42–47, Luc 23:50–56)
38Va mbenene vane Joseph môsi Arimathée amakea na gôndé Pilate angô mbe: Navigi gôénduka Jésus ayôhyiôni, nakepotoo nzumbine va gésumu. Tambô Joseph amabaka môvo môneengi aJésus. Ivô amookô peeye yAjuif gomo na amamôneegedaka te v’esooe, gémômeme v’ekanga. Pilate amamôsingéa. Joseph amakea gôépotoo nzumbine. 39Nicodème dôta, ône amakea na mbeego gôévovo na Jésus na pitsi, amakea na Joseph. Nicodème amadipa nzumbine na mikanda miavembo na ameetéa môyombo. 40Ameenda adipa, eetéa, adipa, eetéa gamabaka gésima sAjuif gôényepeda nzumbiye yaô. 41Vabambani na tungune émabôkédu Jésus va gésumuge, vamabaka tsaga éasuadô. Gô tsaga nene gômabaka ngii éeduku éamôdungutu émabaka madeo ésigunyu môma. 42Gômabambana nyoone na nyee edunda Ajuif, asikee na nzumbine na gôdagôda. Amasuméa vumbaga yangô gô ngii nene éamôdungutu.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Alliance Biblique du Gabon (Bible Society in Gabon) 1983