Jean 8
8
Môgeto ameenda gésagô
1[Jésus amakea na gô môkôdi ôtetu mbe Olivier. 2Ovo enya n’ongôngô na kué amanika na gô eba aNzambé. Géômbége setso gémawesea na vandé angô, Jésus amadigaa gôéékéda ahngô. 3Anigôi amige miaNzambé na Apharisien amaviga na gôndé Jésus amamôtsuéa môgeto ameebéô éénda gésasô. Ahmamôtemeda va mbene oma muetso. 4Ahmanigôa Jésus mbe: Môékédi, ôeni môgetone. Eebéyiô éénda gésasô. 5Mitôma miaNzambé mimatsikéô we na Moïse mibeenda we mbe: Nôyôha mônongoe amôgeto ône. Nômôtuma na mataé. ?Ivô gôndé éwe ôtasa nayee? 6Ahmeevôa Jésus nane te gôémôkanéga mbe adiia ébégô gôndé amuene Jésus gôémôsunda. Ivô Jésus amakotomo na amatenda na môsavie wedi va tsina. 7Anigôi amige miaNzambé na Apharisien amoomba éévôa Jésus te mônongovo. Jésus amabôgôga gôévovo mbe: Va gatse anyô muetso, ône madeo asiinda ébégô ébévani, adingôé étaé, apanga étuma môgeto nône. 8Vamamanangô évovo nane, Jésus amoomba ékotomo gôétenda va tsina. 9Vamookô amôgôô ôgie ône, mianga miamitéma miaô mimeeséda ahngô. Ahmakusa gô eba aNzambé môvo môvo, mapangame te pene. Môgetone amasanéa môtie va mbene aJésus. 10Jésus amabôgôga na ameevôa môgetone mbe: ?Môgeto noo, ane agôsundini anguani? ?Tambô gôsiba môma agôétsi ôési-a? 11Môgetone amaabéa Jésus mbe: Te nane Kumu ami, gôsiba môma. Jésus amamôénda mbe: Tambô na me muetso, tsagôétsa ôési. Kiaka. Ivô ômbioomba.]
Jésus te gévede gétanéda tsenge
12Jésus amoomba évovo na géômbége mbe: Me te gévede gétanéda tsenge. One aanda me angaba gô gévede géétsa môma monyo. Asangadôkea gô évitsi. 13Apharisien amavovo na Jésus mbe: ?Ewe ôakuméda ônigôa mane mavigi éwe te ômuene-a? Ene ésaba na tsoongo. 14Jésus amabika mbe: Buéyé mbe nanigôéké mane mami memuene, menyani mbe mandéké ti mapie. Me tsabômu gômaviga me. Tsabômu dôta gôkea me. Géé anye, gômaviga me na gôkea me, anye nôsamenya. 15Anye nôeséda me te gatasanye oma. Me tseeséda môma. 16Eébéyée nane, ôkô me neesédi môma, géesédéôge sami géeséda me gésapengana gôébégô me tsavovo gô ngudi yamemuene. Téta, ône amatôma me andéké n’ami. 17Gô ndongi dimatsikéô anye, gômatendu mbe: Ene énigôa mbangi dibaé te éne éndé na tsoongo. 18Me nanônigôa mane mamemuene. Na Téta, ône amatôma me, te mbangine yami énônigôa mane mami. 19Apharisien ameevôa Jésus mbe: ?Tétoo andé gôni? Jésus amaabéa ahngô mbe: Anye nôsamenya me. Nôsamenya dôta na Téta. Anye mbe nômenya me, mbe nômenyi dôta na Téta.
20Jésus amavovo mabégô mema andé gôéékéda gô eba aNzambé. Amabaka va kôbangô eegaa émakuyu dode yadibiia. Gôsibé môma amamôtsôpani gôébégô ndéône yedi émabaka madeo ésibuéa.
Gôkea me, anye nôsangoongôa égôkea
21Jésus amoomba énigôa oma mbe: Me nangakea na anye nôngabuta me. Ivô anye nôngawa te gô tsina amabégô manyô mabévani. Gôkea me, anye nôsangoongôa égôkea. 22Peeye yAjuif ameevôana anguene mbe: ?Ene évovo angô éngaba nayee? ?Angaayôha te amuene-a? Nôôkiô gavovi angô mbe: Gôkea me, anye nôsangagôkea. 23Jésus amasupua ahngô mbe: Wa n’anyô tôsaba mônongovo. Ebandôe éanyô te gô tsenge nedué. Géé me, ébandôe éami, te gô tsenge éag’ôba. Anye nôndé asi tsengene. Géé me, kaka môsi tsengene. 24T’ebandô nanôéndi mbe: Anye nôngawa te gô tsina amabégô manyô mabévani. Nôngawa gô mangô te gôtsumanye me paga vanigôa me anye gômaviga me, na gôkea me, na gandéké me. 25Ajuif amamôévôa mbe: ?Ewe indaa? Jésus amaabéa ahngô mbe: One amanônigôa v’ebandô te me. 26Gôndé anye, gôndéké mabégô mayekani moongôa me éévéda anye na éeséda anye. Ivô tsangeenda gôébégô navovo te mane meetsiô me na ône amatôma me, angô Kumu amabégô mapie asapatani.
27Ajuif asinigôgéô mbe Jésus amanigôa ahngô te mane maTéta Nzambé. 28Jésus amavovo n’ahngô mbe: Vangamananye étômba na ébanéga me Muana Amôma, te vanganigôgéô anye mbe, me tsipata gômaviga me, na gôkea me na gandéké me. Nônganigôgéô dôta mbe éne éénda me, tseenda éangô gô ényangee éamemuene. Nanônigôa te mane meekédu me na Téta matévo. 29One amatôma me andéké n’ami. Menyani mbe asatsika me tsani gôénda me mane manyôngéô amuene. 30Ayekani ameetsa Jésus mitémamie gébé na paga vamavovo angô nane.
Avéga n’ane asaba g’ôvéga
31Vane Jésus amavovo na Ajuif, ane amamôétsa mitémamie mbe: Okô nôgobedi meekédume mami gédundé gébé na buétsé, anye nôngaba aneengi ami apie. 32Vane nôngeekaganô na mane mapie, na te mangô mangooboo anye g’ôvéga ôdigaanye. 33Ajuif amatôna mbe: We kaka avéga. We te ana aAbraham na we tôsookô mbe tômadigaa g’ôvéga. ?Oénda we mbe: nôngoobou g’ôvéga nayee? 34Jésus amavovo n’ahngô mbe: Nanôbeenda na gô pie mbe ône eenda mabégô mabévani andé g’ôvéga amangô. 35Môvéga asaba g’ôtangô ambumune édigaangô. Ivô muana amabôtu gô mbumune andé g’ôtangôe génôtôgé. 36Okô Jésus Muana ANzambé anôoboo g’ôvéga, nôndé nômakusédu na gô pie. 37Me tsabômu mbe anye te ana aAbraham. Ivô anye nôbuta éyôha me te gasasinganye mane meekéda me. 38Me navovo te mane mamatubédu me na Téta. Géé anye nôénda te mane matômu anye na tétanyô.
39Ajuif amasiia mbe: Tétasô te Abraham. Jésus angô mbe: Anye mbe nôndéké na gô pie ana aAbraham, anye mbe nôénda te mane mameenda amuene Abraham. 40Géé anye, bononi geendanye. Me nanônigôa mane mapie matubédu me na Nzambé. Gô mangô anye nôbuta éyôha me. ?Abraham amanôtubéda te nane-a? Angô asiindé nane. 41Anye nôénda gameenda tétee yanyô. Ajuif amasiia mbe: ?Ewe ômenya mbe we te ana amabôtu gô gésundi-a? We kaka ane amabôtu gô gésundi. Tôsaba na tétee diyekani. Tétene éasô te amuene Nzambé. 42Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu. 43?Anye nôsanigôgéô mane manigôa me anye nayee? Anye nôébakanédu kabaga nômookô. 44Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani. 45Géé me navovo te mane mapie maNzambé, t’ebandô anye nôsookô na nôtsuma me paga. 46?Va gatse anyô gôndé môma oongôa étubéda me môsongosongo mbe: ôéndi ébégô ébévani-a? Gôsaba. ?Okô mbe me navovo mane mapie maNzambé, anye nôsamasinga gôndé? ?Anye nôtsuma mangô paga gôndé? 47One eenda mbe Téta te Nzambé, anyôngéô éôkô te mane mavovo Nzambé. Géé anye, nôsanyôngéô éôkô mane mavovo Nzambé, t’ebandô neendi mbe tétanyô kaka Nzambé.
Jésus na Abraham
48Ajuif amasiia gô éne émavovo Jésus mbe: We tôndé na mitayi gôégôénda mbe: Môsamaritain, na gôégôénda mbe: Ondé na gédidi gébévani. 49Jésus angô mbe: Me tsaba na gédidi gévani. Me nagobeda Tétene éami, n’anye nôkina égobeda me. 50Me tsabuta éakuméda memuene. Gôndéké muene angakuméda me, angô te môtsundédine amabégô metso. 51Nanôbeenda ébégôe édué éapie mbe, ône agobeda mane mavovo me asangatsiga gô tsenge éowa. 52Vane Ajuif amatsuma Jésus paga mbe: Na gô pie vavovo éwe vane tôena mbe ôtômu na gédidi gébévani. Bonoko, Abraham amawa. Apandôédi amatasa maNzambé amawa. Géé éwe, ôénda mbe: One agobeda mane mavovo me asaviwa. 53Tétasô Abraham amawa. ?Omenya mbe éwe ootéa n’okumaka na tétsô Abrahamma? Apandôédi amatasa maNzambé, ahngô oma avôni, amawa. ?Ewe vita ôakanéga ga ndaa? 54Jésus amasiia mbe: Mbe naakuméda memuene, kumane éami mbe ésaba na tsoongo. Me nakumédu te na Téta, ône eendanye mbe, Nzambé éasô. 55Tambô anye nôsamômenya. Me tsamôbômu. Okô me neendi mbe tsamômenya tambô me te môpati g’anye. Me tsamôbômu. Nagobeda ôgie wedi. 56Tétanyô Abraham amanyima gévigéô sami. Ameena sangô na amatsôkéa. 57Ajuif amavovo na Jésus mbe: Muanéngé gandé éwe. Madeo ôsiba na nzima ditayi yamipuma ?éwe ôénda mbe me nameena Abraham nayee? 58Jésus amanigôa Ajuif mbe: Me nanôbeenda na gô pie mbe Abraham madeo asibôtu, te me nandéké. 59Ajuif amadingôa mataé mbe amôtuma. Jésus amasomo na amakusa gô eba aNzambé.
Избрани в момента:
Jean 8: TSV
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Alliance Biblique du Gabon (Bible Society in Gabon) 1983
Jean 8
8
Môgeto ameenda gésagô
1[Jésus amakea na gô môkôdi ôtetu mbe Olivier. 2Ovo enya n’ongôngô na kué amanika na gô eba aNzambé. Géômbége setso gémawesea na vandé angô, Jésus amadigaa gôéékéda ahngô. 3Anigôi amige miaNzambé na Apharisien amaviga na gôndé Jésus amamôtsuéa môgeto ameebéô éénda gésasô. Ahmamôtemeda va mbene oma muetso. 4Ahmanigôa Jésus mbe: Môékédi, ôeni môgetone. Eebéyiô éénda gésasô. 5Mitôma miaNzambé mimatsikéô we na Moïse mibeenda we mbe: Nôyôha mônongoe amôgeto ône. Nômôtuma na mataé. ?Ivô gôndé éwe ôtasa nayee? 6Ahmeevôa Jésus nane te gôémôkanéga mbe adiia ébégô gôndé amuene Jésus gôémôsunda. Ivô Jésus amakotomo na amatenda na môsavie wedi va tsina. 7Anigôi amige miaNzambé na Apharisien amoomba éévôa Jésus te mônongovo. Jésus amabôgôga gôévovo mbe: Va gatse anyô muetso, ône madeo asiinda ébégô ébévani, adingôé étaé, apanga étuma môgeto nône. 8Vamamanangô évovo nane, Jésus amoomba ékotomo gôétenda va tsina. 9Vamookô amôgôô ôgie ône, mianga miamitéma miaô mimeeséda ahngô. Ahmakusa gô eba aNzambé môvo môvo, mapangame te pene. Môgetone amasanéa môtie va mbene aJésus. 10Jésus amabôgôga na ameevôa môgetone mbe: ?Môgeto noo, ane agôsundini anguani? ?Tambô gôsiba môma agôétsi ôési-a? 11Môgetone amaabéa Jésus mbe: Te nane Kumu ami, gôsiba môma. Jésus amamôénda mbe: Tambô na me muetso, tsagôétsa ôési. Kiaka. Ivô ômbioomba.]
Jésus te gévede gétanéda tsenge
12Jésus amoomba évovo na géômbége mbe: Me te gévede gétanéda tsenge. One aanda me angaba gô gévede géétsa môma monyo. Asangadôkea gô évitsi. 13Apharisien amavovo na Jésus mbe: ?Ewe ôakuméda ônigôa mane mavigi éwe te ômuene-a? Ene ésaba na tsoongo. 14Jésus amabika mbe: Buéyé mbe nanigôéké mane mami memuene, menyani mbe mandéké ti mapie. Me tsabômu gômaviga me. Tsabômu dôta gôkea me. Géé anye, gômaviga me na gôkea me, anye nôsamenya. 15Anye nôeséda me te gatasanye oma. Me tseeséda môma. 16Eébéyée nane, ôkô me neesédi môma, géesédéôge sami géeséda me gésapengana gôébégô me tsavovo gô ngudi yamemuene. Téta, ône amatôma me andéké n’ami. 17Gô ndongi dimatsikéô anye, gômatendu mbe: Ene énigôa mbangi dibaé te éne éndé na tsoongo. 18Me nanônigôa mane mamemuene. Na Téta, ône amatôma me, te mbangine yami énônigôa mane mami. 19Apharisien ameevôa Jésus mbe: ?Tétoo andé gôni? Jésus amaabéa ahngô mbe: Anye nôsamenya me. Nôsamenya dôta na Téta. Anye mbe nômenya me, mbe nômenyi dôta na Téta.
20Jésus amavovo mabégô mema andé gôéékéda gô eba aNzambé. Amabaka va kôbangô eegaa émakuyu dode yadibiia. Gôsibé môma amamôtsôpani gôébégô ndéône yedi émabaka madeo ésibuéa.
Gôkea me, anye nôsangoongôa égôkea
21Jésus amoomba énigôa oma mbe: Me nangakea na anye nôngabuta me. Ivô anye nôngawa te gô tsina amabégô manyô mabévani. Gôkea me, anye nôsangoongôa égôkea. 22Peeye yAjuif ameevôana anguene mbe: ?Ene évovo angô éngaba nayee? ?Angaayôha te amuene-a? Nôôkiô gavovi angô mbe: Gôkea me, anye nôsangagôkea. 23Jésus amasupua ahngô mbe: Wa n’anyô tôsaba mônongovo. Ebandôe éanyô te gô tsenge nedué. Géé me, ébandôe éami, te gô tsenge éag’ôba. Anye nôndé asi tsengene. Géé me, kaka môsi tsengene. 24T’ebandô nanôéndi mbe: Anye nôngawa te gô tsina amabégô manyô mabévani. Nôngawa gô mangô te gôtsumanye me paga vanigôa me anye gômaviga me, na gôkea me, na gandéké me. 25Ajuif amamôévôa mbe: ?Ewe indaa? Jésus amaabéa ahngô mbe: One amanônigôa v’ebandô te me. 26Gôndé anye, gôndéké mabégô mayekani moongôa me éévéda anye na éeséda anye. Ivô tsangeenda gôébégô navovo te mane meetsiô me na ône amatôma me, angô Kumu amabégô mapie asapatani.
27Ajuif asinigôgéô mbe Jésus amanigôa ahngô te mane maTéta Nzambé. 28Jésus amavovo n’ahngô mbe: Vangamananye étômba na ébanéga me Muana Amôma, te vanganigôgéô anye mbe, me tsipata gômaviga me, na gôkea me na gandéké me. Nônganigôgéô dôta mbe éne éénda me, tseenda éangô gô ényangee éamemuene. Nanônigôa te mane meekédu me na Téta matévo. 29One amatôma me andéké n’ami. Menyani mbe asatsika me tsani gôénda me mane manyôngéô amuene. 30Ayekani ameetsa Jésus mitémamie gébé na paga vamavovo angô nane.
Avéga n’ane asaba g’ôvéga
31Vane Jésus amavovo na Ajuif, ane amamôétsa mitémamie mbe: Okô nôgobedi meekédume mami gédundé gébé na buétsé, anye nôngaba aneengi ami apie. 32Vane nôngeekaganô na mane mapie, na te mangô mangooboo anye g’ôvéga ôdigaanye. 33Ajuif amatôna mbe: We kaka avéga. We te ana aAbraham na we tôsookô mbe tômadigaa g’ôvéga. ?Oénda we mbe: nôngoobou g’ôvéga nayee? 34Jésus amavovo n’ahngô mbe: Nanôbeenda na gô pie mbe ône eenda mabégô mabévani andé g’ôvéga amangô. 35Môvéga asaba g’ôtangô ambumune édigaangô. Ivô muana amabôtu gô mbumune andé g’ôtangôe génôtôgé. 36Okô Jésus Muana ANzambé anôoboo g’ôvéga, nôndé nômakusédu na gô pie. 37Me tsabômu mbe anye te ana aAbraham. Ivô anye nôbuta éyôha me te gasasinganye mane meekéda me. 38Me navovo te mane mamatubédu me na Téta. Géé anye nôénda te mane matômu anye na tétanyô.
39Ajuif amasiia mbe: Tétasô te Abraham. Jésus angô mbe: Anye mbe nôndéké na gô pie ana aAbraham, anye mbe nôénda te mane mameenda amuene Abraham. 40Géé anye, bononi geendanye. Me nanônigôa mane mapie matubédu me na Nzambé. Gô mangô anye nôbuta éyôha me. ?Abraham amanôtubéda te nane-a? Angô asiindé nane. 41Anye nôénda gameenda tétee yanyô. Ajuif amasiia mbe: ?Ewe ômenya mbe we te ana amabôtu gô gésundi-a? We kaka ane amabôtu gô gésundi. Tôsaba na tétee diyekani. Tétene éasô te amuene Nzambé. 42Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu. 43?Anye nôsanigôgéô mane manigôa me anye nayee? Anye nôébakanédu kabaga nômookô. 44Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani. 45Géé me navovo te mane mapie maNzambé, t’ebandô anye nôsookô na nôtsuma me paga. 46?Va gatse anyô gôndé môma oongôa étubéda me môsongosongo mbe: ôéndi ébégô ébévani-a? Gôsaba. ?Okô mbe me navovo mane mapie maNzambé, anye nôsamasinga gôndé? ?Anye nôtsuma mangô paga gôndé? 47One eenda mbe Téta te Nzambé, anyôngéô éôkô te mane mavovo Nzambé. Géé anye, nôsanyôngéô éôkô mane mavovo Nzambé, t’ebandô neendi mbe tétanyô kaka Nzambé.
Jésus na Abraham
48Ajuif amasiia gô éne émavovo Jésus mbe: We tôndé na mitayi gôégôénda mbe: Môsamaritain, na gôégôénda mbe: Ondé na gédidi gébévani. 49Jésus angô mbe: Me tsaba na gédidi gévani. Me nagobeda Tétene éami, n’anye nôkina égobeda me. 50Me tsabuta éakuméda memuene. Gôndéké muene angakuméda me, angô te môtsundédine amabégô metso. 51Nanôbeenda ébégôe édué éapie mbe, ône agobeda mane mavovo me asangatsiga gô tsenge éowa. 52Vane Ajuif amatsuma Jésus paga mbe: Na gô pie vavovo éwe vane tôena mbe ôtômu na gédidi gébévani. Bonoko, Abraham amawa. Apandôédi amatasa maNzambé amawa. Géé éwe, ôénda mbe: One agobeda mane mavovo me asaviwa. 53Tétasô Abraham amawa. ?Omenya mbe éwe ootéa n’okumaka na tétsô Abrahamma? Apandôédi amatasa maNzambé, ahngô oma avôni, amawa. ?Ewe vita ôakanéga ga ndaa? 54Jésus amasiia mbe: Mbe naakuméda memuene, kumane éami mbe ésaba na tsoongo. Me nakumédu te na Téta, ône eendanye mbe, Nzambé éasô. 55Tambô anye nôsamômenya. Me tsamôbômu. Okô me neendi mbe tsamômenya tambô me te môpati g’anye. Me tsamôbômu. Nagobeda ôgie wedi. 56Tétanyô Abraham amanyima gévigéô sami. Ameena sangô na amatsôkéa. 57Ajuif amavovo na Jésus mbe: Muanéngé gandé éwe. Madeo ôsiba na nzima ditayi yamipuma ?éwe ôénda mbe me nameena Abraham nayee? 58Jésus amanigôa Ajuif mbe: Me nanôbeenda na gô pie mbe Abraham madeo asibôtu, te me nandéké. 59Ajuif amadingôa mataé mbe amôtuma. Jésus amasomo na amakusa gô eba aNzambé.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Alliance Biblique du Gabon (Bible Society in Gabon) 1983