Gẹnẹsis 21
21
Ubiẹmwẹ Aizik
1E Nọyaẹnmwa keghi fiangbe Sera zẹ vbene ọ khare. 2Rẹn keghi do hanmwa, ọ na biẹ ọmọ okpia ne Ebraham vbe ọ khian ọmaẹn nẹ. A keghi biẹ ọmọ nii vbe ẹghẹ ne Osanobua khare wẹẹ a gha ya biọe. 3Ebraham keghi he ovbi ẹre Aizik.
4Aizik ghi rre ọmọ ikpẹdẹ erẹnrẹn, Ebraham keghi rhuẹ ọre zẹ vbene Osanobua tama rẹn. 5Ukpo iyisẹn ọre ọ gha ye vbe a biẹ Aizik. 6Sera keghi kha wẹ, “Osanobua rhie oghọghọ mẹ, ọ vbe zẹ mwẹ ogiẹ. Ọmwaikọmwa ne ọ họẹn gha gunmwẹ gie.” 7Ọ keghi rhie tẹe wẹẹ, “De ọmwa ne ọ gha te sẹtin tae ma Ebraham ighe Sera gha koko emọ, sevba ghe vbe I biẹ ọmọ okpia nẹẹn vbe I khian ọmaẹn nẹ.”
8Ọmọ nii keghi wan, vbe ẹdẹ ne a ghi fian ẹre ewẹn, Ebraham keghi le evbare eghọ nọkhua.
A Khu Hega Kevbe Ismẹl Ladian
9Ẹdẹ ikẹtin ghi rre, Ismẹl ne Hega ne ovbi Igipt biẹ ne Ebraham keghi gha gu Aizik ne ovbi e Sera ku. 10E Sera ghi miẹn ọẹn, ọ na tama Ebraham wẹẹ, “Khu okhuo ọviẹn na vbe ovbi ẹre ladian. Ọ ma kei ne ovbi okhuo ọviẹn na ghae vbe ukhu ruẹ ne Aizik ne ovbi mwẹ gha re”. 11Ẹmwẹ na keghi rhia Ebraham ẹko a ẹsẹse, rhunmwuda, ovbi ẹre nokpia ọre Ismẹl vbe khin. 12Sokpan, Osanobua ke tama Ebraham wẹẹ, “Ghẹ mu ẹmwẹ ọmọ okpia nii roro kevbe ọviẹn ighẹ Hega. Ru emwi ne Sera rhirhi tama ruẹn, rhunmwuda, urho Aizik ọre uniẹn ne I ve nuẹn ra la rre. 13I gha vbe viọ emọ nibun ne ovbi ọviẹn nii nokpia ne iran vbe do khian iyaẹvbo, ovbuẹ nokpia rẹn vbe khin.”
14Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian. 15Ugbẹn vbe amẹ nii ghi fo, rẹn na ban ọmọ nii mu ye ototọ irhu, 16ọ na ya tota vbe omwa izowẹ iyisẹn, ọ na ye ekhọe tae wẹẹ, “Mẹ i sẹtin yan aro a gha ghe ọmọ nii vbe ọ wu khian.” Ugbẹn vbe irẹn ghi tota ye evba, rẹn na ghi gha viẹ.
17Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ. 18Kpaegbe, ya mu ẹn ne u bọ ẹre. I gha ya uniẹn ọnrẹn khian iyaẹvbo nọkhua.” 19Osanobua ke rhan rẹn aro, ọ na do bẹghe uhae, ọ keghi ya sa amẹ vuọn ọgọ ohian nii, ọ na vbe ya ne ọmọ nii wọn. 20Osanobua keghi yaba ọmọ nii vbe ne ọ wan khian, ọ kegha rre uwe ẹgbo Paran, ọ na do khian ohuẹ nọ guẹe ẹsẹse. 21Iyẹe keghi ya rhie okhuo ke Igipt giẹe.
Ile Ne Ebraham Ke Abimẹlẹk Gba Ta
22Ọ ghi sẹ, Abimẹlẹk na rhie Fikọl ne ọkaokuo ẹre ba egbe bu Ebraham gha khian, ọ wẹẹ, “Osanobua wa yaba ruẹ vbe emwi ne u ru hia. 23Rhunmwuda ọnii, yan vbe emwana nian vbe odaro Osanobua wẹẹ u i ra rẹrẹ mwẹ, ra ivbi mwẹ, ra uniẹn mwẹ. Te I wa rhiegba ye ẹmwẹ ruẹn, rhunmwuda ọnii, yan ighẹ u gha vbe gha rhiegba ye ẹmwẹ mwẹ, ke ye ẹmwẹ otọe na ne u ye.” 24Ebraham keghi kha wẹẹ, “I yan vberriọ.”
25Ebraham keghi ya gui ẹmwẹ uhae ne ọ wẹẹ ibiẹka Abimẹlẹk gbe miẹn ẹnrẹn re. 26Abimẹlẹk keghi kha wẹẹ, “I ma rẹn vberriọ, u ma tama mwẹ, ẹghẹ okaro ne I ya họẹn ọna khin.” 27Ebraham keghi viọ ohuan kevbe ẹmila eso ne Abimẹlẹk, iran eveva keghi gba mwamwa ẹn kugbe. 28Ebraham keghi hannọ ivbi ohuan ihinrọn ke uwe oghẹn ohuan rẹn ladian. 29Abimẹlẹk na nọ rẹn wẹẹ, “Vbọzẹ ne u na ruẹe vbe nian yi?” 30Ebraham keghi wanniẹn wẹẹ, “U ghi miẹn mwẹ ivbi ohuan ihinrọn na. U gha ru vberriọ, te u ghi yobọ yọ wẹẹ mẹ ọre ọ fian uhae na.” 31A na ghi gha tie evba nii, Biẹsiẹba, rhunmwuda evba iran eveva na gba yan eyan. 32Iyeke vbe iran ghi gba mwamwa emwi na kugbe nẹ vbe Biẹsiẹba, Abimẹlẹk ke Fikọl ne ọkaokuo ẹre ke werriegbe gha rrie otọe Filistin. 33Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ. 34Ebraham kegha rre ẹvbo avbe Filistin vbe ẹghẹ ne ọ taẹn.
Избрани в момента:
Gẹnẹsis 21: EDO96
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996
Gẹnẹsis 21
21
Ubiẹmwẹ Aizik
1E Nọyaẹnmwa keghi fiangbe Sera zẹ vbene ọ khare. 2Rẹn keghi do hanmwa, ọ na biẹ ọmọ okpia ne Ebraham vbe ọ khian ọmaẹn nẹ. A keghi biẹ ọmọ nii vbe ẹghẹ ne Osanobua khare wẹẹ a gha ya biọe. 3Ebraham keghi he ovbi ẹre Aizik.
4Aizik ghi rre ọmọ ikpẹdẹ erẹnrẹn, Ebraham keghi rhuẹ ọre zẹ vbene Osanobua tama rẹn. 5Ukpo iyisẹn ọre ọ gha ye vbe a biẹ Aizik. 6Sera keghi kha wẹ, “Osanobua rhie oghọghọ mẹ, ọ vbe zẹ mwẹ ogiẹ. Ọmwaikọmwa ne ọ họẹn gha gunmwẹ gie.” 7Ọ keghi rhie tẹe wẹẹ, “De ọmwa ne ọ gha te sẹtin tae ma Ebraham ighe Sera gha koko emọ, sevba ghe vbe I biẹ ọmọ okpia nẹẹn vbe I khian ọmaẹn nẹ.”
8Ọmọ nii keghi wan, vbe ẹdẹ ne a ghi fian ẹre ewẹn, Ebraham keghi le evbare eghọ nọkhua.
A Khu Hega Kevbe Ismẹl Ladian
9Ẹdẹ ikẹtin ghi rre, Ismẹl ne Hega ne ovbi Igipt biẹ ne Ebraham keghi gha gu Aizik ne ovbi e Sera ku. 10E Sera ghi miẹn ọẹn, ọ na tama Ebraham wẹẹ, “Khu okhuo ọviẹn na vbe ovbi ẹre ladian. Ọ ma kei ne ovbi okhuo ọviẹn na ghae vbe ukhu ruẹ ne Aizik ne ovbi mwẹ gha re”. 11Ẹmwẹ na keghi rhia Ebraham ẹko a ẹsẹse, rhunmwuda, ovbi ẹre nokpia ọre Ismẹl vbe khin. 12Sokpan, Osanobua ke tama Ebraham wẹẹ, “Ghẹ mu ẹmwẹ ọmọ okpia nii roro kevbe ọviẹn ighẹ Hega. Ru emwi ne Sera rhirhi tama ruẹn, rhunmwuda, urho Aizik ọre uniẹn ne I ve nuẹn ra la rre. 13I gha vbe viọ emọ nibun ne ovbi ọviẹn nii nokpia ne iran vbe do khian iyaẹvbo, ovbuẹ nokpia rẹn vbe khin.”
14Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian. 15Ugbẹn vbe amẹ nii ghi fo, rẹn na ban ọmọ nii mu ye ototọ irhu, 16ọ na ya tota vbe omwa izowẹ iyisẹn, ọ na ye ekhọe tae wẹẹ, “Mẹ i sẹtin yan aro a gha ghe ọmọ nii vbe ọ wu khian.” Ugbẹn vbe irẹn ghi tota ye evba, rẹn na ghi gha viẹ.
17Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ. 18Kpaegbe, ya mu ẹn ne u bọ ẹre. I gha ya uniẹn ọnrẹn khian iyaẹvbo nọkhua.” 19Osanobua ke rhan rẹn aro, ọ na do bẹghe uhae, ọ keghi ya sa amẹ vuọn ọgọ ohian nii, ọ na vbe ya ne ọmọ nii wọn. 20Osanobua keghi yaba ọmọ nii vbe ne ọ wan khian, ọ kegha rre uwe ẹgbo Paran, ọ na do khian ohuẹ nọ guẹe ẹsẹse. 21Iyẹe keghi ya rhie okhuo ke Igipt giẹe.
Ile Ne Ebraham Ke Abimẹlẹk Gba Ta
22Ọ ghi sẹ, Abimẹlẹk na rhie Fikọl ne ọkaokuo ẹre ba egbe bu Ebraham gha khian, ọ wẹẹ, “Osanobua wa yaba ruẹ vbe emwi ne u ru hia. 23Rhunmwuda ọnii, yan vbe emwana nian vbe odaro Osanobua wẹẹ u i ra rẹrẹ mwẹ, ra ivbi mwẹ, ra uniẹn mwẹ. Te I wa rhiegba ye ẹmwẹ ruẹn, rhunmwuda ọnii, yan ighẹ u gha vbe gha rhiegba ye ẹmwẹ mwẹ, ke ye ẹmwẹ otọe na ne u ye.” 24Ebraham keghi kha wẹẹ, “I yan vberriọ.”
25Ebraham keghi ya gui ẹmwẹ uhae ne ọ wẹẹ ibiẹka Abimẹlẹk gbe miẹn ẹnrẹn re. 26Abimẹlẹk keghi kha wẹẹ, “I ma rẹn vberriọ, u ma tama mwẹ, ẹghẹ okaro ne I ya họẹn ọna khin.” 27Ebraham keghi viọ ohuan kevbe ẹmila eso ne Abimẹlẹk, iran eveva keghi gba mwamwa ẹn kugbe. 28Ebraham keghi hannọ ivbi ohuan ihinrọn ke uwe oghẹn ohuan rẹn ladian. 29Abimẹlẹk na nọ rẹn wẹẹ, “Vbọzẹ ne u na ruẹe vbe nian yi?” 30Ebraham keghi wanniẹn wẹẹ, “U ghi miẹn mwẹ ivbi ohuan ihinrọn na. U gha ru vberriọ, te u ghi yobọ yọ wẹẹ mẹ ọre ọ fian uhae na.” 31A na ghi gha tie evba nii, Biẹsiẹba, rhunmwuda evba iran eveva na gba yan eyan. 32Iyeke vbe iran ghi gba mwamwa emwi na kugbe nẹ vbe Biẹsiẹba, Abimẹlẹk ke Fikọl ne ọkaokuo ẹre ke werriegbe gha rrie otọe Filistin. 33Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ. 34Ebraham kegha rre ẹvbo avbe Filistin vbe ẹghẹ ne ọ taẹn.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996