Gẹnẹsis 23
23
Sera Wu, Ebraham Keghi dẹ Itẹ
1E Sera keghi ya ukpo ihinrọn yan iyehan (127) vbe agbọn. 2Ọ keghi wu vbe kirriat eba (ra Hibrọn) ne ọ rre otọ kenan. Ebraham keghi wa ẹre ye ukpo, ọ na khiẹ ọre. 3Ọ na kpao sẹ ikun amwẹ ọnrẹn rae, ọ na ya tama emwa Hiti wẹẹ, 4“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.” 5Iran keghi wanniẹn wẹẹ, 6“Danmwehọ ima enọwanrẹn. Ọkhaẹmwẹ nọkhua ọre u khin vbe uwe ẹbu ima. Ya re amwọn ọn ye idin ne ọ maa sẹ ne ima mwẹ. Ọkpa vbe uwe ima ne ọ gha wẹẹ rẹn i mu idin ne irẹn yanrẹn nuẹn ne u re orinmwi ruẹn yọ, ẹi rrọ.” 7Ebraham keghi kpaegbe, ọ na vbokho uhunmwu rre ne iran. 8Ọ wẹẹ, “Deghẹ wa gele ho ne I re orinmwi ọvbokhan mwẹ ye emwa, lahọ, wa tama Efrọn ne ọmwa Hiti ne ovbi e Zoha, 9ne ọ khiẹn uvun okuta Makpẹla ne ọ re ọghọe mẹ, ufomwẹ ako oha ẹre ọre ọ ye. Wa tama rẹn ne ọ khiẹn ọẹn mẹ vbe igho ne ọ wa khin vbe sirra uwa hia, ọ ghi gha re ọghomwẹ zẹ vbe itẹ.”
10-11Efrọn tobọ ẹre wa vbe tota ba emwa Hiti vbe iko na vbe onurho ne a la la ẹvbo. Ọ ke wa wanniẹn sirra emwa hia ni rre evba wẹẹ, “Hiehiere, enọwanrẹn, danmwehọ, I gha mu otọe nii nuẹn kẹe kevbe uvun okuta ne ọ rrọọ. I gha sirra emwa mwẹ muẹn nuẹn ne u miẹn ehe na ya re amwọn ọn yọ.”
12Sokpan Ebraham keghi gbe uhunmwu kotọ vbe odaro iran. 13Ọ keghi tama Efrọn vbene emwa hia gha na họn ẹn wẹẹ, “Vbene ọ ghi na rre uwẹ ekhọe, lahọ danmwehọ. I gha dẹ otọe nii hia. Miẹn mwẹ igho ẹre ne I miẹn ehe na re ọvbokhan mwẹ yọ.” 14Efrọn keghi wanniẹn wẹẹ, 15“Enọwanrẹn, otọe ne ọ re agiẹghẹ esiliva uri eva (400), vbe ọ nii a gbe vbe ọ khọ vbe ẹkpo imẹ vbe ruẹ? Ya re amwẹ ọn yọ.” 16Ebraham keghi kue yọ, ọ keghi ya mwa igho ne Efrọn nọ rẹn sirra emwa nii, ọ kegha re agiẹghẹ esiliva uri eva (400) zẹ vbe ne emwa ni do ẹki vbe ya mwa emwi vbe odẹ nọ gbae sẹ.
17Erriọ ọre ewe ne ọ te re ọghe Efrọn vbe Makpẹla ne ọ rre odẹ ahọ ọghe Mamrẹ do ya khian ọghe Ebraham. Ọ keghi dẹ otọe nii kẹe kevbe uvun okuta ne ọ rrọọ, kevbe erhan hia nii rre otọe nii ya sẹ eke ne ọ ghi sẹ. 18Emwa Hiti hia ni rre iko nii wa yobọ yọ wẹ ọghe Ebraham nọ. 19Ẹre Ebraham na ya re amwẹ ọnrẹn ighẹ Sera ye uweu okuta na vbe otọe Kenan. 20Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.
Избрани в момента:
Gẹnẹsis 23: EDO96
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996
Gẹnẹsis 23
23
Sera Wu, Ebraham Keghi dẹ Itẹ
1E Sera keghi ya ukpo ihinrọn yan iyehan (127) vbe agbọn. 2Ọ keghi wu vbe kirriat eba (ra Hibrọn) ne ọ rre otọ kenan. Ebraham keghi wa ẹre ye ukpo, ọ na khiẹ ọre. 3Ọ na kpao sẹ ikun amwẹ ọnrẹn rae, ọ na ya tama emwa Hiti wẹẹ, 4“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.” 5Iran keghi wanniẹn wẹẹ, 6“Danmwehọ ima enọwanrẹn. Ọkhaẹmwẹ nọkhua ọre u khin vbe uwe ẹbu ima. Ya re amwọn ọn ye idin ne ọ maa sẹ ne ima mwẹ. Ọkpa vbe uwe ima ne ọ gha wẹẹ rẹn i mu idin ne irẹn yanrẹn nuẹn ne u re orinmwi ruẹn yọ, ẹi rrọ.” 7Ebraham keghi kpaegbe, ọ na vbokho uhunmwu rre ne iran. 8Ọ wẹẹ, “Deghẹ wa gele ho ne I re orinmwi ọvbokhan mwẹ ye emwa, lahọ, wa tama Efrọn ne ọmwa Hiti ne ovbi e Zoha, 9ne ọ khiẹn uvun okuta Makpẹla ne ọ re ọghọe mẹ, ufomwẹ ako oha ẹre ọre ọ ye. Wa tama rẹn ne ọ khiẹn ọẹn mẹ vbe igho ne ọ wa khin vbe sirra uwa hia, ọ ghi gha re ọghomwẹ zẹ vbe itẹ.”
10-11Efrọn tobọ ẹre wa vbe tota ba emwa Hiti vbe iko na vbe onurho ne a la la ẹvbo. Ọ ke wa wanniẹn sirra emwa hia ni rre evba wẹẹ, “Hiehiere, enọwanrẹn, danmwehọ, I gha mu otọe nii nuẹn kẹe kevbe uvun okuta ne ọ rrọọ. I gha sirra emwa mwẹ muẹn nuẹn ne u miẹn ehe na ya re amwọn ọn yọ.”
12Sokpan Ebraham keghi gbe uhunmwu kotọ vbe odaro iran. 13Ọ keghi tama Efrọn vbene emwa hia gha na họn ẹn wẹẹ, “Vbene ọ ghi na rre uwẹ ekhọe, lahọ danmwehọ. I gha dẹ otọe nii hia. Miẹn mwẹ igho ẹre ne I miẹn ehe na re ọvbokhan mwẹ yọ.” 14Efrọn keghi wanniẹn wẹẹ, 15“Enọwanrẹn, otọe ne ọ re agiẹghẹ esiliva uri eva (400), vbe ọ nii a gbe vbe ọ khọ vbe ẹkpo imẹ vbe ruẹ? Ya re amwẹ ọn yọ.” 16Ebraham keghi kue yọ, ọ keghi ya mwa igho ne Efrọn nọ rẹn sirra emwa nii, ọ kegha re agiẹghẹ esiliva uri eva (400) zẹ vbe ne emwa ni do ẹki vbe ya mwa emwi vbe odẹ nọ gbae sẹ.
17Erriọ ọre ewe ne ọ te re ọghe Efrọn vbe Makpẹla ne ọ rre odẹ ahọ ọghe Mamrẹ do ya khian ọghe Ebraham. Ọ keghi dẹ otọe nii kẹe kevbe uvun okuta ne ọ rrọọ, kevbe erhan hia nii rre otọe nii ya sẹ eke ne ọ ghi sẹ. 18Emwa Hiti hia ni rre iko nii wa yobọ yọ wẹ ọghe Ebraham nọ. 19Ẹre Ebraham na ya re amwẹ ọnrẹn ighẹ Sera ye uweu okuta na vbe otọe Kenan. 20Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996