यहुन्ना 19
19
कुड़ा लागङनो आरू वायकेड़ा उङावनो
1अतरा पर पिलातुस ईशु क लीन कुड़ा लागाङवायो। 2आरू सिपायड़ा काँटान मुकुट गुथीन हेका मुनका पर मेलमिलाप, आरू हेको बैंगनी उपर वाळा छिंदरा पेहराया, 3आरू तीना जु आवीन कयनो लाग्या, “है यहूदिया क राजा, नमस्कार!” आरू तीनाह थापुड़ दिदा।
4तव पिलातुस ओळी बाहर निकळीन लोगहन क कयो, “देखु, हाव हेको तुमरे जुळ ओळी बाहर लावो; काहकि तुमू जानु की हाव एका काय भी गुणू नी देखियो।”
कुरूस पर चढ़ावने जुगु ईशु क लोगहन हात मा करनो
5तव ईशु क काटान मुकुट आरू बैंगनी छिंदरा पेहरलो बाहर निकळयो आरू पिलातुस ओको कयो, “देखु, यो, मानुस।”
6जव डाहलो पुजारा आरू चाकरीयो हेको देखिया, तो आयड़ीन कयो, “हेको कुरूस पर चढ़ावु, कुरूस पर!” पिलातुस हेनको कयो, “तुमूत् हेको ली जाईन कुरूस पर चढ़ावु; काहकि म्हार निगाम यो गुणेगार नी होय।”
7“यहूदि या हेको जवाब दिदा, हामरो भी नियम छे आरू तिना नियम न अनसारे हयो मार नाखने जुगु छे काहकि हयो आपसा क यहोवा–भगवान न पोर्या देखाङे।”
8जव पिलातुस यी वात सोमळियो ती आरू भी बीह गयो।
9“आरू ओळी किला न माहयता गया आरू ईशु छे कयो, तु काँ वाळो छे?” पर ईशु हेके काहय भी जवाब नी दिदो। 10पिलातुस हेके कयो, “म्हार छे काँ नी बुलतो? काय तु नी जाने कि तुखे छुड़ देने क हक हाव छे आरू तुखे कुरूस पर चढ़ावनेन हक छे।”
11ईशु जवाब दिदो, “कदाम तुखे ऊपर छे यो हक नी दियो जातो, ती तारो म्हार पर काय हक नी रहतो; हतरान करता जो हावखे तारा हात मा धरावलो छे, हेको पाप सवटो छे।”
12हतरान करिन पिलातुस हेको छुड़ देनो चाहतलो, पर यहूदि या आयड़ीन कयो, “कदाम तु हेकेक छुड़ दिस ती तु कैसर न दुस्तिदार नी कहवाये; जो कोय आपसा क राजा बनावे त्यो कैसर न सामनो करे।”
13यी वात सोमळीन पिलातुस ईशु क बाहर लायो आरू तिना धरती पर एक चबुतरो होतो, जो इब्रानी “गब्बता” कहवायतलो, आरू नियाव नी गाद्दी पर बठ्यो। 14यो फसह न तिहवार न दाहड़ो होतो आरू छटवा घंटा धोड़े वोड़ होतो; तव त्यो यहूदि या छे कयो, “देखु, यो छे, तुमरो राजा छे, तुमरो राजा।”
15पर त्या आयड़े लागिया, “ली जा! ली जा! हेको कुरूस पर चढ़ावलो!”
पिलातुस हेनको कयो, “काय हाव तुमरा राजा क कुरूस पर चढ़ावो?”
डाहला पुजारा जवाब दिदा, “कैसर क छुड़ीन हामरो राजा कोय नी होय।”
16तव त्यो ओका हात मा सोंप दिदा कि त्यो कुरूस पर चढ़ायो जाय।
ईशु क कुरूस पर चढ़ावनो
(मत्ती 27:32-44; मरकुस 15:21-32; लूका 23:26-43)
17तव त्या ईशु क ली गया। आरू त्यो आपसो कुरूस हाकलीन तीना धरती पर तक बाहर गयो, जो खोपड़ी न जागो कवाये आरू इब्रानी मा “गुलगुता।” 18चाहे त्या हेके आरू हेका सात मा दूय मानुस क कुरूस पर चढ़ाया, एका क इना धोङ मा आरू एका क उना धड़ मा, आरू ईशु क वीच मा। 19आरू पिलातुस एक दोष पत्री लिखीन कुरूस पर लटकाड़ दिदो आरू ओका मा यो लिखीयो होतो, “ईशु नासरत यहूदि या न राजा।” 20यो दोष पत्री घण सवटा यहूदि या भणिया काहकि त्यो जागो जा सारी ईशु कुरूस पर चढ़ायो गयो होतो नगर न पास होतो आरू इब्रानी आरू लातीनी आरू यूनानी मा लिखीयो होतो। 21तव यहूदि या न डाहला पुजारा पिलातुस क कयो, “यहूदि या न राजा मा लिख पर यो लिख कि हयो कयो कि हाव यहूदि यान राजा छे।”
22“पिलातुस जवाब दिदो, हाव जो लिख दिदो, चो लिख दिदो।”
23जव सिपायड़ा ईशु क कुरूस पर चढ़ाय चुकिया, ती हेका लुगड़ा लीन चार भाग बनाड़े, हर सिपायड़ा जुगे एक भाग आरू सुटर भी लेदा, पर कुर्ता मा सीवन लागली नी हुती ऊपर सी नेचो तक बुनलो होतो; 24हतरान करिन त्या आपसु कयो, “हामु इनाक नी फाड़ता, पर इना पर पत्री नाखजे कि त्यो कुनीन होयछे।” यो अतरानकरीन करिन हुयो, कि चुखलो शास्त्रन वात पुरी हुयो,
“त्या म्हारा छिन्दरा आपसु वाट लेदा
आरू म्हारा छिंदरा पर चट्ठी नाखिया,
यो काम सिपायड़ा करिया।”
25ओळतेन सिपायड़ा ओसात् करिया। पर ईशु न कुरूस न पास हेकी आश आरू हेकी आश न बहिनीस मरियम, क्लोपासन, घर वाळी आरू मरियम मगदलीनी ऊब रया हुती। 26“ईशु आपसी माय आरू तिना चाकरीयो क जिना छे त्यो मोंग राखतो होतो पास मा ऊबो देखीन आपसी माय छे कयो, ओ बाई, देख, यो तारो पोर्या छे।”
27“तव तिना चाकरीयो छे कयो, देख, यी तारी माय छे।” आरू तिने टेहाव छे त्यो चेलो, हेकेक आपसे घर ली गयो।
कामोन पुरो होयनो
(मत्ती 27:45-56; मरकुस 15:33-41; लूका 23:44-49)
28ओळतेन ईशु यो जानीन कि हाय आखो काय छे चो पुरो हुयो; हतरान करता कि चुखलो शास्त्रन वात पुरी हुयो कयो, “हाव पिसलो छे।”
29चाहे एक सिरका छे भरायलो टाहरो होतो, हेरेन करिन त्या छिंदरो लेपटायलो लाकड़ो सिरका मा डुबायो हेका मुय छे लागाङिया।
30जव ईशु त्यो सिरको लेदो, ती कयो, “पुरो हुयो” आरू माथो नेचो करिन जीव छुड़ देदो।
भालो गपनो
31आरू अतरानकरीन करिन त्यो तियारी न दाहड़ो होतो, यहूदि या पिलातुस विनती करिया की, कि हेनका पाय तुङ देयो आरू हेनको नेचा उतारे कि आरामन दाहड़े त्या कुरूस पर नी रये, काहकि त्यो आरामन दाहड़ो मोटो दाहड़ो होतो। 32अतरानकरीन करिन सिपायड़ा आवीन पेहेलान पाय तुङिया तव दिसरान भी तुङिया, जो हेका सात मा कुरूस पर चढ़ाया गया हुता। 33पर जव ईशु पास आवीन देखिया कि हुयो मर गयो, ती हेका पाय नी तुङिया। 34पर सिपायड़ा माईन एक जनो भाला छे हेका पंजा मा भालो गुपीया आरू ओकाम छे तत्काल लुहूय यो आरू पानी निकळी पड़ियो। 35जो यो देखियो, त्यो गवाय दिदो, आरू हेकी छाची छे; आरू त्यो जाने, आरू सच कहे कि तुमू विश्वास करो। 36यी वात हतरान करिन होय कि चुखलो शास्त्रन वात पुरी हुयो, “हेकी काहली भी हाङकी नी तुड़े।” 37#प्रकाशितवाक्य 1:7ओळी एक आरू धरती पर यो लिखलो छे, “जिनाक त्या बेधला छे, हेका पर नजर नाखछे।”
यूसुफ न बीड़ा मा ईशु क गाड़नो
(मत्ती 27:57-61; मरकुस 15:42-47; लूका 23:50-56)
38इनी वातन ओळतेन अरिमतियाह न यूसुफ, जु ईशु क चाकरीयो होतो, पर यहूदियान बीक छे इनी वात क ढाकीन राखलो होतो, पिलातुस छे रावन्या करियो, कि हाव ईशुन धोङ क ली जाम, पिलातुस हेकी रावन्या सोमळी लेदो, आरू त्यो आवीन हेको धोङ ली गयो। 39#यहुन्ना 3:1,2नीकुदेमुस भी पेहले ईशु क पास गयो होतो पचास छेर न धोड़े वोड़ छे भेछेकायलो गन्धायनियो रस आरू एलवा ली आयो। 40तव त्या ईशुन धोङ क ली गया आरू यहूदियान रीतिन अनसारे हेको वारला सुगन्ध वाळो द्रव्य न सात मा सीवङा मा लपटी दिदा। 41तिना धरती पर वा ईशु क कुरूस पर चढ़ायो गयो होतो, एक वाड़ी हुती; आरू वाड़ी मा एक नवलो बीङो बनलो होतो; केका कोयक नी मेलमिलाप हुता। 42आरू यहूदियान तियार हुयने क दाहड़ान कारण, काहकि त्यो मोळवाट्यो साथ मा होतो।
Избрани в момента:
यहुन्ना 19: NTDii20
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020