यहून्नो 13
13
प्रभु भोज
1फसह त्यार बे तुहई, अपेहल यीशु ज़ि ञेंह केहरी, कि गिऊ टेम पिचे अंजा कि दि संसार केट्रा पिता परमेश्वरो कछंङ वापिस अच़ा योग, दंङ एनोह चेला तंङ साते अंऊ संसारारंङ तोईरे, छना ठ्रोह दाह दोई तहच़ते, हमेशा ध्वांए ठ्रोह दाह लहज़ाते, 2यीशु ए दोऊ चेलार यग ज़ेह लेहकी तोईरे। शेताने तुहई ए यीशु बि धोखा रंड्रीमी थल्जी शमौन ओ योह यहूदा इस्करियोति ओ सेहमंङ दिह हति, कि यीशु बि च़ुमज़ि लोह। 3यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह। 4बगतो दोरच़ी खड़े शुहचे यीशु ज़ि एनोह धह्कतेकी खम युप्षी च़रति, दंङ इच्च़ा यहद चूमेह एनोह ऊम छ़ुह्च़ी। 5दंङ इच्च़ा नंनदेऊ अंद्रेग ती बिंङे एनोह चेला तु कोंज़ा शुहल्ज़ी लेहती दंङ दोई अंऊ यहद एनोह ऊम रिंङ छ़ुह्च़ी तरेह दोरंङ साते दोतु कोंज़ा साफ लहज़ी लेहती। 6अपेहल दुह शमौन पतरसो कछंङ अति, दंङ पतरसे यीशु हखा कुंई, हे प्रभु, छि केई गिऊ कोंज़ा शुहल्ज़ातन आ?
7यीशु ज़ि दोबि जुबाब रेंई, छि गेह लेह लेह्की तोतोग, केई अईता दिऊ मतलब माञेंहच़ातन, पर दिऊ थल केई ञेंहपोन। 8पतरसे यीशु हखा कुंई, “केई गिऊ कोंज़ा अपेहल ला शुहल्ज़े मरपोंन!” दिह रेड्रा यीशु ज़ि दोबि कुंई, अगर गेह कांह कोन्ज़ा मा शुहल्पोग ता कांह साते गिऊ छले नाता माह। 9शमौन पतरसे यीशु हखा कुंई, “हे प्रभु, दंङ गिऊ कोंज़ा ए माह पर गिऊ गुह्ट्र ए पुंज़ा ला शुहल्ज़े च़रतु।” 10यीशु ज़ि दोबि कुंई, “अरी सुज़ा इल्जी तोह दोबि कोंज़ो सिवा छले शुलज़िमी ज़रूरत माह, पर दुह बिल्कुल शुद्ध तोह, दंङ केहरे भत्ते शुद्ध तोतोन, सिर्फ इच्च़ा बि छोड़ेके। 11दुह एनोह चुम्ज़ा दोबि सेचाते दिऊ थल्जी दोई कुंई, केहरे भत्ते शुद्ध तोतोन, सिर्फ इच्च़ा बि छोड़ेके।”
कोंज़ा शुलज़िमी मतलब
12अपेहल यीशु ज़ि दोतु कोंज़ार शुहली च़रति, दंङ एनोह धह्कते कि खम लेहच़ा यच़ाह बंङज़ा इलि, दंङ दोतंङ साते कुट्री लेहती, “छि केहरे समझेक्च़ातंईयां कि गेह केतंङ साते छि लहतग? 13केहच़ी गिह्बी गुरु ए प्रभु कुट्रातन, दंङ केहच़ी छि कुट्रातन दुह सही शुह छना कुचे गेह केहतु प्रभु ए गुरु शुगाह। 14अगर गेह प्रभु ए गुरु शुहचे केहतु कोंज़ा शुहल्ज़ातग; ता केतिंङ ला केनातिंङ नम्र लेह इदिऊ अईदिऊ कोंज़ा शुहल्ज़ी जूंस। 15छना कुचे गेह केतिंङ उदाहरण कंड्रे केहतग, कि छना गेह केतंङ साते लहतग, केहरे ला ध्वांए लोहवा लांही। 16गेह केतंङ साते हेले कुट्रातग, परगर एनोह मालिका बे मोह्ड़े माह शुहबी, दंङ अच़ि दुह च़रसी शुह, दोई एनाबि दोबि मोह्ड़े च़ेहसी माह जूंस। 17दा कि केतिंङ दिह गप्पातु पाहठी पता तोह, ता लोहवा लांही कि केहरे धन्य शुई। 18गेह केहतु भत्तेतु थल्जी माह कुट्रातग: अतिंङ गेह अंङषी चरच़ातग, दोतिंङ गेह सेहका; पर दिह दिऊ थल्जी शुबी लेहकी तोह कि पवित्रशास्त्रा रिंङ च़ेहसी दुह पुरा शोतो। अच़ि गेरंङ साते बगत ज़ोअतो दोई गिह्बी धोखा रेंई।
19दिह भत्ते धिर शुहबिमी बे तुई गेह केतिंङ कुट्रातग कि अपेहल दिह भत्ते धिर शोतो ता केहच़ी विशवास लांही कि गेह दुह ए शुगाह। 20गेह केतंङ साते हेले कुट्रातग, कि अच़िला गिह्बी च़रच़ा दोबि ग्रहण लोहतो, दंङ दोई गिह्बी ग्रहण लहज़ा दंङ अच़िला गिह्बी ग्रहण लहज़ा दोई परमेश्वरा बि ग्रहण लहज़ा।”
धोखा ऊ हखा इशारा
(मत्ती 26:20-30; मरकु 14:17-26; लूको 22:14-30)
21दिह गप्पारे कुचे थल यीशु महसे परेशान शुहचे इलि दंङ एनोह चेला तंङ साते कुंई, “गेह केतंङ साते हेले कुट्रातग कि केहतु बिचंङ च़ि इच्च़ा गिह्बी च़ुमज़ि लोहतो।”
22चेलारे परेशान शुहचे, कि दुह अतु पाहठी कुट्री लेह्की तोह, इदिऊ अईदिऊ हखा खंड्री लेहतिर। 23दोऊ चेला तु बिचंङ च़ि इच्च़ा, अतंङ साते यीशु ज़ि दा लहज़ाते, यीशु ऊ कछंङ बंङज़ा तोहई। 24शमौन पतरसे दोऊ हखा इशारा लेह दुह रुहक्ती, “कंड्रु, कि दोई अतु पाहठी कुट्रा?” 25दंङ दोई यीशु हखा कोंङशा दुह रुहक्ती, “हे प्रभु, दुह अरी शुह?” यीशु ज़ि जुबाब रेंई, “अतिंङ गेह रोटीऊ खन्नी ठुमज़े रमोग, दुहए शुह।” 26दंङ यीशु ज़ि रोटीऊ खन्नी ठुमज़े शमौन ओ योह यहूदा इस्करियोति बि रेंई। 27छना ए यहूदा ज़ि रोटी ज़री दंङ ध्वांए शेतान दोऊ अंद्रेग अच्च़ा इलि। दंङ यीशु ज़ि दोबि कुई, छि केई लहज़िमी तातन दुह युरनाह लोहू।
28पर बगत ज़ज़ा तु बिचंङ च़ि अरीला माह ञेंहच़ातोर कि यीशु ज़ि दोऊ हखा झांह छिले कुहतो। 29यहूदा ओ कछंङ ढबाह ओ बगुह्ड़ी शवाते, झांह लेह रेहच़ि झांह सोचेक्तिर, यीशु ज़ि दोरंङ साते कुट्रा कि, छिला ञेंतिंङ त्याहरो थल्जी जूंफा चुम्ज़े हता, छिता गरीबातिंङ छा छि रें च़रतु। 30दंङ रोटीऊ खन्नी ज़ेह थल यहूदा दोहथरे धह्तेका अच्च़ा इलि, दंङ दिह रातो टेम तोहई।
इच्च़ा खरकोई आज्ञा
31अपेहल यहूदा धह्कते अच़ा इलि दंङ यीशु ज़ि कुंई, “दा गेह मीहू योहू महिमा शुई, दंङ दोऊ दोरच़ी परमेश्वरो महिमा शुहचा; 32दंङ परमेश्वरे ला योहू महिमा लोहतो दंङ दोई युरनाह लोहतो। 33हे गिऊ प्यारे, गेह ऊई थोड़े अरे टेम तचेक केहतु बिचंङ तोतोग: दोथर केहच़ी गिह्बी पेट्रोनी, दंङ छना गेह यहुदी मीहतु हखा कुहतेग, ‘अंऊर गेह य्वातग दोर्तिंङ केहरे अपि मरपोंई,’ ध्वांए दा गेह केतंङ साते लाह कुट्रातग। 34गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही। 35अगर केहच़ी इदिऊ अई दिरंङ साते दाह लोहनी, ता हर इच्च़ा ज़ि ञेंह केयोर कि केहरे गिऊ चेलारे शुई।”
यीशु ऊ दोरच़ी पतरसो इन्कार लहज़िमी भविष्यवाणी
(लूको 22:31-38)
36शमौन पतरसे यीशु हखा कुंई, “हे प्रभु कांह अंऊखा य्वातन?” यीशु ज़ि जुबाब रेंई, “अंऊर गेह य्वातग दोर्तिंङ कांह हेंतेग गिऊ थले अपि मरपोंन; पर दिऊ थल कांह गिऊ थलेसी अपोन।”
37पतरसे यीशु ऊ हखा कुंई, “हे प्रभु, हेंतेग गेह कांह थले छिले अपि मरपोग? गेह ता कांह थल्जी सिमी ला तेयार तोतोग।”
38यीशु ज़ि जुबाब रेंई, “छि कांह गिऊ थल्जी सीओन आ? गेह करंङ साते हेले कुट्रातग कि कुकड़ो हाऊष बे तुई केई षुमु फेरा गिऊ इन्कार लोहन।”
Избрани в момента:
यहून्नो 13: LBFNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
यहून्नो 13
13
प्रभु भोज
1फसह त्यार बे तुहई, अपेहल यीशु ज़ि ञेंह केहरी, कि गिऊ टेम पिचे अंजा कि दि संसार केट्रा पिता परमेश्वरो कछंङ वापिस अच़ा योग, दंङ एनोह चेला तंङ साते अंऊ संसारारंङ तोईरे, छना ठ्रोह दाह दोई तहच़ते, हमेशा ध्वांए ठ्रोह दाह लहज़ाते, 2यीशु ए दोऊ चेलार यग ज़ेह लेहकी तोईरे। शेताने तुहई ए यीशु बि धोखा रंड्रीमी थल्जी शमौन ओ योह यहूदा इस्करियोति ओ सेहमंङ दिह हति, कि यीशु बि च़ुमज़ि लोह। 3यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह। 4बगतो दोरच़ी खड़े शुहचे यीशु ज़ि एनोह धह्कतेकी खम युप्षी च़रति, दंङ इच्च़ा यहद चूमेह एनोह ऊम छ़ुह्च़ी। 5दंङ इच्च़ा नंनदेऊ अंद्रेग ती बिंङे एनोह चेला तु कोंज़ा शुहल्ज़ी लेहती दंङ दोई अंऊ यहद एनोह ऊम रिंङ छ़ुह्च़ी तरेह दोरंङ साते दोतु कोंज़ा साफ लहज़ी लेहती। 6अपेहल दुह शमौन पतरसो कछंङ अति, दंङ पतरसे यीशु हखा कुंई, हे प्रभु, छि केई गिऊ कोंज़ा शुहल्ज़ातन आ?
7यीशु ज़ि दोबि जुबाब रेंई, छि गेह लेह लेह्की तोतोग, केई अईता दिऊ मतलब माञेंहच़ातन, पर दिऊ थल केई ञेंहपोन। 8पतरसे यीशु हखा कुंई, “केई गिऊ कोंज़ा अपेहल ला शुहल्ज़े मरपोंन!” दिह रेड्रा यीशु ज़ि दोबि कुंई, अगर गेह कांह कोन्ज़ा मा शुहल्पोग ता कांह साते गिऊ छले नाता माह। 9शमौन पतरसे यीशु हखा कुंई, “हे प्रभु, दंङ गिऊ कोंज़ा ए माह पर गिऊ गुह्ट्र ए पुंज़ा ला शुहल्ज़े च़रतु।” 10यीशु ज़ि दोबि कुंई, “अरी सुज़ा इल्जी तोह दोबि कोंज़ो सिवा छले शुलज़िमी ज़रूरत माह, पर दुह बिल्कुल शुद्ध तोह, दंङ केहरे भत्ते शुद्ध तोतोन, सिर्फ इच्च़ा बि छोड़ेके। 11दुह एनोह चुम्ज़ा दोबि सेचाते दिऊ थल्जी दोई कुंई, केहरे भत्ते शुद्ध तोतोन, सिर्फ इच्च़ा बि छोड़ेके।”
कोंज़ा शुलज़िमी मतलब
12अपेहल यीशु ज़ि दोतु कोंज़ार शुहली च़रति, दंङ एनोह धह्कते कि खम लेहच़ा यच़ाह बंङज़ा इलि, दंङ दोतंङ साते कुट्री लेहती, “छि केहरे समझेक्च़ातंईयां कि गेह केतंङ साते छि लहतग? 13केहच़ी गिह्बी गुरु ए प्रभु कुट्रातन, दंङ केहच़ी छि कुट्रातन दुह सही शुह छना कुचे गेह केहतु प्रभु ए गुरु शुगाह। 14अगर गेह प्रभु ए गुरु शुहचे केहतु कोंज़ा शुहल्ज़ातग; ता केतिंङ ला केनातिंङ नम्र लेह इदिऊ अईदिऊ कोंज़ा शुहल्ज़ी जूंस। 15छना कुचे गेह केतिंङ उदाहरण कंड्रे केहतग, कि छना गेह केतंङ साते लहतग, केहरे ला ध्वांए लोहवा लांही। 16गेह केतंङ साते हेले कुट्रातग, परगर एनोह मालिका बे मोह्ड़े माह शुहबी, दंङ अच़ि दुह च़रसी शुह, दोई एनाबि दोबि मोह्ड़े च़ेहसी माह जूंस। 17दा कि केतिंङ दिह गप्पातु पाहठी पता तोह, ता लोहवा लांही कि केहरे धन्य शुई। 18गेह केहतु भत्तेतु थल्जी माह कुट्रातग: अतिंङ गेह अंङषी चरच़ातग, दोतिंङ गेह सेहका; पर दिह दिऊ थल्जी शुबी लेहकी तोह कि पवित्रशास्त्रा रिंङ च़ेहसी दुह पुरा शोतो। अच़ि गेरंङ साते बगत ज़ोअतो दोई गिह्बी धोखा रेंई।
19दिह भत्ते धिर शुहबिमी बे तुई गेह केतिंङ कुट्रातग कि अपेहल दिह भत्ते धिर शोतो ता केहच़ी विशवास लांही कि गेह दुह ए शुगाह। 20गेह केतंङ साते हेले कुट्रातग, कि अच़िला गिह्बी च़रच़ा दोबि ग्रहण लोहतो, दंङ दोई गिह्बी ग्रहण लहज़ा दंङ अच़िला गिह्बी ग्रहण लहज़ा दोई परमेश्वरा बि ग्रहण लहज़ा।”
धोखा ऊ हखा इशारा
(मत्ती 26:20-30; मरकु 14:17-26; लूको 22:14-30)
21दिह गप्पारे कुचे थल यीशु महसे परेशान शुहचे इलि दंङ एनोह चेला तंङ साते कुंई, “गेह केतंङ साते हेले कुट्रातग कि केहतु बिचंङ च़ि इच्च़ा गिह्बी च़ुमज़ि लोहतो।”
22चेलारे परेशान शुहचे, कि दुह अतु पाहठी कुट्री लेह्की तोह, इदिऊ अईदिऊ हखा खंड्री लेहतिर। 23दोऊ चेला तु बिचंङ च़ि इच्च़ा, अतंङ साते यीशु ज़ि दा लहज़ाते, यीशु ऊ कछंङ बंङज़ा तोहई। 24शमौन पतरसे दोऊ हखा इशारा लेह दुह रुहक्ती, “कंड्रु, कि दोई अतु पाहठी कुट्रा?” 25दंङ दोई यीशु हखा कोंङशा दुह रुहक्ती, “हे प्रभु, दुह अरी शुह?” यीशु ज़ि जुबाब रेंई, “अतिंङ गेह रोटीऊ खन्नी ठुमज़े रमोग, दुहए शुह।” 26दंङ यीशु ज़ि रोटीऊ खन्नी ठुमज़े शमौन ओ योह यहूदा इस्करियोति बि रेंई। 27छना ए यहूदा ज़ि रोटी ज़री दंङ ध्वांए शेतान दोऊ अंद्रेग अच्च़ा इलि। दंङ यीशु ज़ि दोबि कुई, छि केई लहज़िमी तातन दुह युरनाह लोहू।
28पर बगत ज़ज़ा तु बिचंङ च़ि अरीला माह ञेंहच़ातोर कि यीशु ज़ि दोऊ हखा झांह छिले कुहतो। 29यहूदा ओ कछंङ ढबाह ओ बगुह्ड़ी शवाते, झांह लेह रेहच़ि झांह सोचेक्तिर, यीशु ज़ि दोरंङ साते कुट्रा कि, छिला ञेंतिंङ त्याहरो थल्जी जूंफा चुम्ज़े हता, छिता गरीबातिंङ छा छि रें च़रतु। 30दंङ रोटीऊ खन्नी ज़ेह थल यहूदा दोहथरे धह्तेका अच्च़ा इलि, दंङ दिह रातो टेम तोहई।
इच्च़ा खरकोई आज्ञा
31अपेहल यहूदा धह्कते अच़ा इलि दंङ यीशु ज़ि कुंई, “दा गेह मीहू योहू महिमा शुई, दंङ दोऊ दोरच़ी परमेश्वरो महिमा शुहचा; 32दंङ परमेश्वरे ला योहू महिमा लोहतो दंङ दोई युरनाह लोहतो। 33हे गिऊ प्यारे, गेह ऊई थोड़े अरे टेम तचेक केहतु बिचंङ तोतोग: दोथर केहच़ी गिह्बी पेट्रोनी, दंङ छना गेह यहुदी मीहतु हखा कुहतेग, ‘अंऊर गेह य्वातग दोर्तिंङ केहरे अपि मरपोंई,’ ध्वांए दा गेह केतंङ साते लाह कुट्रातग। 34गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही। 35अगर केहच़ी इदिऊ अई दिरंङ साते दाह लोहनी, ता हर इच्च़ा ज़ि ञेंह केयोर कि केहरे गिऊ चेलारे शुई।”
यीशु ऊ दोरच़ी पतरसो इन्कार लहज़िमी भविष्यवाणी
(लूको 22:31-38)
36शमौन पतरसे यीशु हखा कुंई, “हे प्रभु कांह अंऊखा य्वातन?” यीशु ज़ि जुबाब रेंई, “अंऊर गेह य्वातग दोर्तिंङ कांह हेंतेग गिऊ थले अपि मरपोंन; पर दिऊ थल कांह गिऊ थलेसी अपोन।”
37पतरसे यीशु ऊ हखा कुंई, “हे प्रभु, हेंतेग गेह कांह थले छिले अपि मरपोग? गेह ता कांह थल्जी सिमी ला तेयार तोतोग।”
38यीशु ज़ि जुबाब रेंई, “छि कांह गिऊ थल्जी सीओन आ? गेह करंङ साते हेले कुट्रातग कि कुकड़ो हाऊष बे तुई केई षुमु फेरा गिऊ इन्कार लोहन।”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.