लूको 20
20
यीशु अधिकारो टोईच़ी सवाल
(मत्ती 21:23-27; मरकु 11:27-33)
1इच्च़ा ध्याड़ा अपेहल यीशु यहुदी मंदिरंङ मीहतिंङ शिक्षा ए रूठे खबर रंड्री लेहकी तोहई दंङ यहुदी शास्त्री, यहुदी मोह्ड़े पुरोहित, यहुदी सेंहणारंङ साते दोऊ कछंङ अतिरे। 2दंङ कुट्री लेहतिरे “ञेंतिंङ कंड्रु केई दिहरे कमाहरे छि अधिकारे लहतन, दंङ दुह अरी तोह अच़ि कनिंङ दिह अधिकार रांहषी ततो?” 3यीशुज़ि दोतिंङ जुबाब रन्दो, “गेह ला केहतु दोरच़ी इच्च़ा सवाल रुहक्पोग; गीहबी कंड्रुंई। 4यूहन्ना ओ बपतिस्मा अंऊच़ि तोहई? स्वर्गो दोरच़ी आ मीहतु दोहरची?” 5दंङ दोरे एनातु बिचंङ शासी लेह्तिरे, “अगर हेंज़ी कुंणी सर्गो दोहरची, दंङ दोई कोतो, केहच़ी दोऊ विशवास दंङ छिले मलाहतेंई? 6अगर ञेंहच़ी कुंई कि, मीहतु कुट्रिमीरंङ साते, दंङ भत्ते मीहच़ी हेन्दिंङ रघटे बहेक्पोर, छना कुचे दोच़ी हेले ञेंच़ातोर कि यूहन्ना भविष्यवक्ता तोहई।” 7दिऊ थल्जी दोच़ी जुबाब रेंईर, “ञेंहच़ी माह ञेंहनी कि दुह अतु दोरच़ी तोहई।” 8यीशु ज़ि जुबाब रेंहई, “गेह ला केतिंङ माह कमोग कि गेह दी कम अतु अधिकारंङ लहज़ातग।”
माजी किसान तु कथा
(मत्ती 21:33-46; मरकु 12:1-12)
9यीशु मीहतिंङ दिह कथा कुट्री लेहती; “इच्च़ा मीहे दाखो बगीचा लगाएती; दंङ ज़िमदारातिंङ दोऊ ठेका रें च़रति दंङ महस ध्याड़ो थल्जी परदेशंङ अच्च़ा इलि। 10अपेहल दुह दाखो बगीचारिंङ फलो ध्याड़ा कछंङ पिचा दंङ दोई एनोह परगरा रे दोऊ फलो हिस्सा लेहप्च़िमी थल्जी ज़िमदारातु कछंङ च़रति, पर ज़िमदारा ज़ि दुह तेंङे स्ल्ज़े घुह्ड़ रंङ याहच़े च़रति। 11दंङ दुह मालिक ए यहचा अईसंङ परगरा बि दोतु कछंङ च़रति, दंङ दोच़ी दुला तेंङे दोऊ बेज़ती लेह सल्ज़े गुह्ट्र याहच़े च़रतिर। 12दंङ दोई तीसरा परगर च़रति, दंङ ज़िमदारा ज़ि दुह ला तेंङे हुंज़े च़रतिर। 13दंङ दाखो बगीचा ओ मालिके कुहतो, गेह छि लोहग? गेह घेंङौ प्यारे योह च़रपोग, दोच़ी दोऊ ताह आदर लोहर।
14दंङ ज़िमेदारज़ि योह खांऐ एनातु बिचंङ कुह्तोर दिए ता दिह ज़मीनो वारिस शुह। अतंई, हेंज़ी दी ला स्चे चरपोई, कि दिऊ हिस्सा हेंदु शोतो। 15दंङ दोच़ी दुह दाखो बगीचारिंङ ज़ि हुंच़े सचे च़रतिर, झांह लेह दाखो बगीचो मालिके दोतंङ छि लोहतो? 16दिहे कि दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो।” दिह रेड्रीरंङ, मीहच़ी कुहतो “परमेश्वरे झांह लेह माजूंस।” 17यीशु ज़ि दोतु हखा खांऐ कुहतो, दंङ पवित्रशास्त्रा रिंङ दिह छि च़ेहसी तोह; अंऊ रघबि राजमिस्त्रीज़ि केह केहषी ताहरेर दुह ए कुंणीऊ रघ शुहचे इलि। 18अरीला दिह रघटु टोईच़ी दपोतो, दुह छटछिट शोतो, दंङ अतु टोईच़ी दुह दपोतो, दुह पीह च़रपोतो।
कैसरा बि कर रंड्री
19दोथरे यहुदी शास्त्री ज़ि ए यहुदी मोह्ड़े पुरोहित ज़ि दुह चुम्ज़ी लहज़ी तरेहर; छना कुचे दोरे सम्जेक्सा इलजी तोईरे कि दीह कथा दोई दोतु टोईच़ी कुह्ते, पर दोरे मीहतंङ साते बेवा इलिरे। 20दंङ दोरे यीशु हर इच्च़ा कमो टोईच़ी नज़र तातेर। दोच़ी दोऊ कछंङ एनोह खबरी च़रतिर कि दोरे धर्मो ढोंग लेह यीशु बि, दोऊ ए अंऊआ गप्पारिंङ फसाके दोबि हाकिमो गुहड़िंङ रें च़रपोर। 21खबरी ज़ि यीशु बि रूहक्तोर, “हे गुरु, ञेंहच़ी ञेंच़ातंई, कि कह सच्चे शुनाह, दंङ अतु ला केई तरफदारी माह लहज़ातन; दंङ परमेश्वरो अम सच्चाई रंङ साते कंड्रातन। 22दिऊ थल्जी दिह कंड्रु, छी ञेंहतिंङ रोम देश ओ महाराजा बि कर रंड्री हेंदु कानूनो हिसाबे रुठे शुह आ मश्त?” 23पर यीशुज़ि दोतु कपट खांई दोतंङ साते कुतोह, 24“इच्च़ा मुलतु टंगा गिऊ कछंङ हतांई, कि गेह दोबि खमोग।” दोच़ी हतिरेह, यीशुज़ि दोतंङ साते रुहक्ती, “दी छाप ए मिन अतु शुह?” दोच़ी जुबाब रेंहई, “महाराजा ओ।” 25दोई दोतंङ कुहतो, “दंङ छि महाराजाऊ तोह, दुह महाराजा बि रांई; दंङ छि परमेश्वरो तोह, दुह परमेश्वरा बि रांई।” 26दंङ यीशु ऊ दि गप्पा रेड्रा दुरेह महस हेरान शुहचे इलि। छना कुचे दोरे मीहतु तुईज़ी यीशु बि फसाके मरतिर।
यह्च़ा श्रींङी ए व्याह
(मत्ती 22:23-33; मरकु 12:18-27)
27दंङ सदूकी मीहरेर अच़ि यच़ाह श्रींङमिमी टोहकठे बिशवास माह लहज़ातेर, यीशु कछंङ अंज़े दुह रुहक्च़ी लेहतिर, कुट्रातोर कि सिए दोहरचि षीङमी तोद ए माह, दोतु विचंङज़ि रेह च़ि दोऊ कछंङ अंज़े रुहकातोर, 28हे गुरु मूसाज़ि हेंदु थल्जी दिह च़ेहसी तोह; अगर अतुआ न्वा एनोह मेच़ा शुहचे ला कटु मेह सीऐ इलि ताह, दंङ दोऊ न्वा दोऊ मेच़ारंङ ब्याह लेह, एनोह न्वा थल्जी कटु पैदा लोहतो। 29झांह लेह निहज़ी न्वा तोईरे भत्ते बे मोह्ड़े न्वाज़ि ब्याह लहज़ी पर दुह कटु मेह सीए इलि। 30दंङ अई न्वाए दोई दुह मेच़मी रंङ साते ब्याह लहरी पर दुह ला कटु मेह सीए इलि। 31ध्वांए अई ऊई (तिसरे) न्वाए ला लेही दंङ दुह ला सी इलि। 32दंङ निंज़ो न्वाएज़ि दुह मेच़मी रंङ साते ब्याह लहरी दंङ दोरे भत्ते कटु मेह सी इलिर। दंङ भत्ते मुखंङ दुह थल दुह मेच़मी ला सीए इलि। 33दंङ हेंतेग केई कंड्रु अगर सीमी थल जीवन तोह ता, दुह मेच़मी दुह निज़ा न्वातु बिचंङ अतु मेच़ा शोतो? “छना कुंई साते ता दुह भत्ते तु मेच़ा तोहई।” 34यीशुज़ि दोतंङ कुहतो, “दिह जुगारिंङ ताह कटु ज़ि ब्याह लाहतोर। 35पर अंऊ दिऊ जोगे शोर कि सीमी दोरच़ी श्रींङी योहर, दोतु बिचंङ ब्याह माह शोतो। 36दोरे सिओर ला माह छना कुचे दोरे स्वर्गंङ स्वर्गदूतातु ठ्रोह शोर दंङ परमेश्वर ओ कटुरे शुहबिमी रंङ साते यच़ाह श्रींङे योर। 37पर दिह गप्पा कि सीए दोरे श्रींङमी, मूसाज़ि लाह छ्वाको कथारिंङ दिह कुहषी तहरे कि दुह प्रभु बि सेंहणा अब्राहमो परमेश्वर, इसहाको परमेश्वर, याकूबो परमेश्वर कुट्रा। 38परमेश्वर सीए दोतु माह शुह पर श्रीङीतु परमेश्वर शुह।” 39दंङ दिह रेड्रीरंङ यहुदी शास्त्रीतु बिचंङज़ि रेहज़ि कुईरे “हे गुरू केई ठीक कुहतन।” 40दंङ अतिंङ ला यच़ाह दुह रुहक्च़िमी हिम्मत माह शुई।
मसीह अतु योह शुह?
41दंङ यीशु ज़ि दोरे रुहक्ती, “मसीह बि रज्ज़ा दाऊदो योह छिला कुट्रातोर? 42रज्ज़ा दाऊद एनोह भजन संहितो कताबंङ कुट्रा; कि प्रभु ज़ि गिऊ प्रभु बि कुहतो, 43गिऊ सुचंङ हाच़ी बंङज़ु अपेहल तचेक कि गेह कांह बेरीतिंङ कांह कोंज़ो पोयंङ लेह माहकेग। 44रज्ज़ा दाऊदे ताह दोबि प्रभु कुट्रा; दंङ दुह दोऊ योह छना शुई?”
शास्त्री रंङ साते साबधान
(मत्ती 23:1-12; मरकु 12:38-40)
45अपेहल भत्ते मीहरेर रेड्रातेर, दंङ यीशु एनोह चेला तिंङ कुंई, 46“यहुदी शास्त्रीतु विचार ए दोतु शिक्षारंङ साते खबरदार बंङज़ोंई। अंऊ लमेह-लमेह खमज़ेर लेच़ा जोज़ि रुठे चेहच़ातोर दंङ दोच़ी जूंस कि मीहच़ी बज़ारंङ दोतु इज्ज़त लोहर। दंङ यहुदी सभा घरबारंङ मोह्ड़े-मोह्ड़े ठहरि रिंङ दंङ धामंङ मोह्ड़े-मोह्ड़े रुठे ठाहरीरिंङ पेट्रातोर। 47दंङ दिहरे यहुदी शास्त्री मीहरे गरीब रंणीतु भत्ते टंगा-ढबाह, घरबार ज़े चरच़ातोर। दंङ मीहच़ी कंड्रिमी थल्जी महस टेम तचेक प्रार्थना लहज़ातोर। झांह ठ्रोह मीहतिंङ परमेश्वरे महस मोह्ड़े सज़ा रमतो।”
Избрани в момента:
लूको 20: LBFNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
लूको 20
20
यीशु अधिकारो टोईच़ी सवाल
(मत्ती 21:23-27; मरकु 11:27-33)
1इच्च़ा ध्याड़ा अपेहल यीशु यहुदी मंदिरंङ मीहतिंङ शिक्षा ए रूठे खबर रंड्री लेहकी तोहई दंङ यहुदी शास्त्री, यहुदी मोह्ड़े पुरोहित, यहुदी सेंहणारंङ साते दोऊ कछंङ अतिरे। 2दंङ कुट्री लेहतिरे “ञेंतिंङ कंड्रु केई दिहरे कमाहरे छि अधिकारे लहतन, दंङ दुह अरी तोह अच़ि कनिंङ दिह अधिकार रांहषी ततो?” 3यीशुज़ि दोतिंङ जुबाब रन्दो, “गेह ला केहतु दोरच़ी इच्च़ा सवाल रुहक्पोग; गीहबी कंड्रुंई। 4यूहन्ना ओ बपतिस्मा अंऊच़ि तोहई? स्वर्गो दोरच़ी आ मीहतु दोहरची?” 5दंङ दोरे एनातु बिचंङ शासी लेह्तिरे, “अगर हेंज़ी कुंणी सर्गो दोहरची, दंङ दोई कोतो, केहच़ी दोऊ विशवास दंङ छिले मलाहतेंई? 6अगर ञेंहच़ी कुंई कि, मीहतु कुट्रिमीरंङ साते, दंङ भत्ते मीहच़ी हेन्दिंङ रघटे बहेक्पोर, छना कुचे दोच़ी हेले ञेंच़ातोर कि यूहन्ना भविष्यवक्ता तोहई।” 7दिऊ थल्जी दोच़ी जुबाब रेंईर, “ञेंहच़ी माह ञेंहनी कि दुह अतु दोरच़ी तोहई।” 8यीशु ज़ि जुबाब रेंहई, “गेह ला केतिंङ माह कमोग कि गेह दी कम अतु अधिकारंङ लहज़ातग।”
माजी किसान तु कथा
(मत्ती 21:33-46; मरकु 12:1-12)
9यीशु मीहतिंङ दिह कथा कुट्री लेहती; “इच्च़ा मीहे दाखो बगीचा लगाएती; दंङ ज़िमदारातिंङ दोऊ ठेका रें च़रति दंङ महस ध्याड़ो थल्जी परदेशंङ अच्च़ा इलि। 10अपेहल दुह दाखो बगीचारिंङ फलो ध्याड़ा कछंङ पिचा दंङ दोई एनोह परगरा रे दोऊ फलो हिस्सा लेहप्च़िमी थल्जी ज़िमदारातु कछंङ च़रति, पर ज़िमदारा ज़ि दुह तेंङे स्ल्ज़े घुह्ड़ रंङ याहच़े च़रति। 11दंङ दुह मालिक ए यहचा अईसंङ परगरा बि दोतु कछंङ च़रति, दंङ दोच़ी दुला तेंङे दोऊ बेज़ती लेह सल्ज़े गुह्ट्र याहच़े च़रतिर। 12दंङ दोई तीसरा परगर च़रति, दंङ ज़िमदारा ज़ि दुह ला तेंङे हुंज़े च़रतिर। 13दंङ दाखो बगीचा ओ मालिके कुहतो, गेह छि लोहग? गेह घेंङौ प्यारे योह च़रपोग, दोच़ी दोऊ ताह आदर लोहर।
14दंङ ज़िमेदारज़ि योह खांऐ एनातु बिचंङ कुह्तोर दिए ता दिह ज़मीनो वारिस शुह। अतंई, हेंज़ी दी ला स्चे चरपोई, कि दिऊ हिस्सा हेंदु शोतो। 15दंङ दोच़ी दुह दाखो बगीचारिंङ ज़ि हुंच़े सचे च़रतिर, झांह लेह दाखो बगीचो मालिके दोतंङ छि लोहतो? 16दिहे कि दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो।” दिह रेड्रीरंङ, मीहच़ी कुहतो “परमेश्वरे झांह लेह माजूंस।” 17यीशु ज़ि दोतु हखा खांऐ कुहतो, दंङ पवित्रशास्त्रा रिंङ दिह छि च़ेहसी तोह; अंऊ रघबि राजमिस्त्रीज़ि केह केहषी ताहरेर दुह ए कुंणीऊ रघ शुहचे इलि। 18अरीला दिह रघटु टोईच़ी दपोतो, दुह छटछिट शोतो, दंङ अतु टोईच़ी दुह दपोतो, दुह पीह च़रपोतो।
कैसरा बि कर रंड्री
19दोथरे यहुदी शास्त्री ज़ि ए यहुदी मोह्ड़े पुरोहित ज़ि दुह चुम्ज़ी लहज़ी तरेहर; छना कुचे दोरे सम्जेक्सा इलजी तोईरे कि दीह कथा दोई दोतु टोईच़ी कुह्ते, पर दोरे मीहतंङ साते बेवा इलिरे। 20दंङ दोरे यीशु हर इच्च़ा कमो टोईच़ी नज़र तातेर। दोच़ी दोऊ कछंङ एनोह खबरी च़रतिर कि दोरे धर्मो ढोंग लेह यीशु बि, दोऊ ए अंऊआ गप्पारिंङ फसाके दोबि हाकिमो गुहड़िंङ रें च़रपोर। 21खबरी ज़ि यीशु बि रूहक्तोर, “हे गुरु, ञेंहच़ी ञेंच़ातंई, कि कह सच्चे शुनाह, दंङ अतु ला केई तरफदारी माह लहज़ातन; दंङ परमेश्वरो अम सच्चाई रंङ साते कंड्रातन। 22दिऊ थल्जी दिह कंड्रु, छी ञेंहतिंङ रोम देश ओ महाराजा बि कर रंड्री हेंदु कानूनो हिसाबे रुठे शुह आ मश्त?” 23पर यीशुज़ि दोतु कपट खांई दोतंङ साते कुतोह, 24“इच्च़ा मुलतु टंगा गिऊ कछंङ हतांई, कि गेह दोबि खमोग।” दोच़ी हतिरेह, यीशुज़ि दोतंङ साते रुहक्ती, “दी छाप ए मिन अतु शुह?” दोच़ी जुबाब रेंहई, “महाराजा ओ।” 25दोई दोतंङ कुहतो, “दंङ छि महाराजाऊ तोह, दुह महाराजा बि रांई; दंङ छि परमेश्वरो तोह, दुह परमेश्वरा बि रांई।” 26दंङ यीशु ऊ दि गप्पा रेड्रा दुरेह महस हेरान शुहचे इलि। छना कुचे दोरे मीहतु तुईज़ी यीशु बि फसाके मरतिर।
यह्च़ा श्रींङी ए व्याह
(मत्ती 22:23-33; मरकु 12:18-27)
27दंङ सदूकी मीहरेर अच़ि यच़ाह श्रींङमिमी टोहकठे बिशवास माह लहज़ातेर, यीशु कछंङ अंज़े दुह रुहक्च़ी लेहतिर, कुट्रातोर कि सिए दोहरचि षीङमी तोद ए माह, दोतु विचंङज़ि रेह च़ि दोऊ कछंङ अंज़े रुहकातोर, 28हे गुरु मूसाज़ि हेंदु थल्जी दिह च़ेहसी तोह; अगर अतुआ न्वा एनोह मेच़ा शुहचे ला कटु मेह सीऐ इलि ताह, दंङ दोऊ न्वा दोऊ मेच़ारंङ ब्याह लेह, एनोह न्वा थल्जी कटु पैदा लोहतो। 29झांह लेह निहज़ी न्वा तोईरे भत्ते बे मोह्ड़े न्वाज़ि ब्याह लहज़ी पर दुह कटु मेह सीए इलि। 30दंङ अई न्वाए दोई दुह मेच़मी रंङ साते ब्याह लहरी पर दुह ला कटु मेह सीए इलि। 31ध्वांए अई ऊई (तिसरे) न्वाए ला लेही दंङ दुह ला सी इलि। 32दंङ निंज़ो न्वाएज़ि दुह मेच़मी रंङ साते ब्याह लहरी दंङ दोरे भत्ते कटु मेह सी इलिर। दंङ भत्ते मुखंङ दुह थल दुह मेच़मी ला सीए इलि। 33दंङ हेंतेग केई कंड्रु अगर सीमी थल जीवन तोह ता, दुह मेच़मी दुह निज़ा न्वातु बिचंङ अतु मेच़ा शोतो? “छना कुंई साते ता दुह भत्ते तु मेच़ा तोहई।” 34यीशुज़ि दोतंङ कुहतो, “दिह जुगारिंङ ताह कटु ज़ि ब्याह लाहतोर। 35पर अंऊ दिऊ जोगे शोर कि सीमी दोरच़ी श्रींङी योहर, दोतु बिचंङ ब्याह माह शोतो। 36दोरे सिओर ला माह छना कुचे दोरे स्वर्गंङ स्वर्गदूतातु ठ्रोह शोर दंङ परमेश्वर ओ कटुरे शुहबिमी रंङ साते यच़ाह श्रींङे योर। 37पर दिह गप्पा कि सीए दोरे श्रींङमी, मूसाज़ि लाह छ्वाको कथारिंङ दिह कुहषी तहरे कि दुह प्रभु बि सेंहणा अब्राहमो परमेश्वर, इसहाको परमेश्वर, याकूबो परमेश्वर कुट्रा। 38परमेश्वर सीए दोतु माह शुह पर श्रीङीतु परमेश्वर शुह।” 39दंङ दिह रेड्रीरंङ यहुदी शास्त्रीतु बिचंङज़ि रेहज़ि कुईरे “हे गुरू केई ठीक कुहतन।” 40दंङ अतिंङ ला यच़ाह दुह रुहक्च़िमी हिम्मत माह शुई।
मसीह अतु योह शुह?
41दंङ यीशु ज़ि दोरे रुहक्ती, “मसीह बि रज्ज़ा दाऊदो योह छिला कुट्रातोर? 42रज्ज़ा दाऊद एनोह भजन संहितो कताबंङ कुट्रा; कि प्रभु ज़ि गिऊ प्रभु बि कुहतो, 43गिऊ सुचंङ हाच़ी बंङज़ु अपेहल तचेक कि गेह कांह बेरीतिंङ कांह कोंज़ो पोयंङ लेह माहकेग। 44रज्ज़ा दाऊदे ताह दोबि प्रभु कुट्रा; दंङ दुह दोऊ योह छना शुई?”
शास्त्री रंङ साते साबधान
(मत्ती 23:1-12; मरकु 12:38-40)
45अपेहल भत्ते मीहरेर रेड्रातेर, दंङ यीशु एनोह चेला तिंङ कुंई, 46“यहुदी शास्त्रीतु विचार ए दोतु शिक्षारंङ साते खबरदार बंङज़ोंई। अंऊ लमेह-लमेह खमज़ेर लेच़ा जोज़ि रुठे चेहच़ातोर दंङ दोच़ी जूंस कि मीहच़ी बज़ारंङ दोतु इज्ज़त लोहर। दंङ यहुदी सभा घरबारंङ मोह्ड़े-मोह्ड़े ठहरि रिंङ दंङ धामंङ मोह्ड़े-मोह्ड़े रुठे ठाहरीरिंङ पेट्रातोर। 47दंङ दिहरे यहुदी शास्त्री मीहरे गरीब रंणीतु भत्ते टंगा-ढबाह, घरबार ज़े चरच़ातोर। दंङ मीहच़ी कंड्रिमी थल्जी महस टेम तचेक प्रार्थना लहज़ातोर। झांह ठ्रोह मीहतिंङ परमेश्वरे महस मोह्ड़े सज़ा रमतो।”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.