मत्ती 11
11
यूहन्ना बपतिस्मा देहे बाला कर प्रश्न
(लूका 7:18-35)
1इस्राएल कर देश मे यीशु हर अपन बारह चेला मन ला आदेश दे दारिस, त ओहर ओमन कर नगर मे उपदेश अउ प्रचार करे बर हुवा ले रेंग देहिस।
2यूहन्ना हर जेल मे मसीह कर बुता मन कर समाचार सुनिस अउ अपन चेला मन ला ओकर ले पूछे बर भेजिस। 3का आए बाला तहिच हस या हमन दूसर झन कर आसरा देखी? 4यीशु हर जवाब देहिस, “जे कुछ तुमन मन सुनथे अउ देखथे ओ सबेच ला यूहन्ना ले कह देईहा।” 5कि अन्धा मन देखथे अउ लंगड़ा मन चलथे फिरथे, कोढ़ी मन शुद्ध करल जाथे, अउ भईरा मन सुनथे, मुरदा मन जीलाल जाथे, अउ कंगाल मन ला सुसमाचार सुनाल जाथे। 6अउ धन्य है ओमन मन, जेहर मोर कारन ठोकर नी खाही।
यीशु कर द्वारा यूहन्ना कर आदर मान
7जब ओहर हुवा ले चईल देहिस, त यीशु यूहन्ना कर बिषय मे लोग मन ले कहे लागिस, “तय जंगल मे का देखे बर गए रहे? का बईहर ले हिलत सरकंडा ला?” 8फिर तय का ला देखे गए रहे? का कोमल कपरा पहिनल लोग मन ला? देखा जेमन कोमल कपरा पहिनथे, ओमन राजभवन मे रहथे। 9त फिर काबर गए रहा? का कोनो अगमजानी ला देखे बर? हव मैहर तोर ले कहथो कि अगमजानी ले भी बड़खा ला। 10एहर ओहिच हर है जेकर बिषय मे लिखल आहे:
देख मैहर अपन दूत ला तोर आगू भेजथो,
जेहर तोर आगू तोर डगर ला तियार करही।
11मैहर तोर ले सहिच कहथो कि जे औरत मन ले जनमिस है ओमन ले यूहन्ना बपतिस्मा देहे बाला ले कोनो हर बड़खा नी होईस, पर जेहर स्वर्ग कर राएज मे छोटे ले छोटे है ओहर सबले बड़खा है। 12यूहन्ना बपतिस्मा देहे बाला कर दिन मन मे ले अब तक ले स्वर्ग कर राज्य मे बल ले घुसई होवत रहिस अउ बलवान हर ओला लुईट लेथे। 13यूहन्ना ले सबेच अगमजानी अउ ब्यवस्था अगमजानी करत रहिन। 14अउ चाहा त माना कि एलिय्याह जेहर आए बाला रहिस, ओहर एहिच हर है। 15जेकर सुने कर कान है, ओहर सुईन लेहे।
16“मैहर ये समय कर लोग मन कर तुलना काकर ले करहू? ओमन ओ लईका मन कस है, जेमन बजार मन मे बईठ के एक दूसर ले किरलाए के कहथे: 17हमन हर तुमन बर बांसुरी ला बजाएन, अउ तुमन मन नी नाचा, हमन बिलाप करेन, अउ तुमन मन छाती नी पीटा। 18काबर कि यूहन्ना हर न खात अईस, न पीयत, अउ ओमन कहथे, ‘ओमे प्रेत आत्मा है।’ 19मैनसे कर बेटा हर खात पीयत अईस, अउ ओमन मन कहथे, देखा, पेटू अउ पीए बाला मैनसे, मलगुजारी लेहे बाला मन कर अउ पापी मन कर संगता! लेकिन ज्ञान मे अपन बुता मन ले सहिच ठहराल गईस है।”
मन नी फिराए बाला मन पर हाए
(लूका 10:13-15)
20तब ले ओहर ओ नगर मन ला उलाहना देहे लागिस, जेमन मे ओहर बहुतेच सामर्थ्य कर अदभुत बुता करे रहिस, काबर कि ओमन अपन मन नी फिराए रहिन। 21“हाए, खुराजीन! हाए, बैतसैदा! जे सामर्थ्य कर बुता तुमन मे करल गईस, अगर ओमन सोर अउ सैदा मे करल जातीस, त टाट ओएड़ के, अउ राख मे बईठ के ओमन मन कब कर मन फिराए लेतिन। 22लेकिन मय हर तोर ले कहथो कि न्याय कर दिन तुमन कर दशा ले सोर अउ सैदा कर दसा बगरा सहे लाएक होही। 23अउ हे कफरनहूम नगर, का तय हर स्वर्ग ले उपरे करल जाबे? त तय अधोलोक तक खाल्हे जाबे! जे सामर्थ्य कर बुता तोर मे करल गईस है, अगर सदोम मे करल जातीस, त ओहर आएज ले बनल रहतिस। 24पर मय तोर ले कहथो कि न्याय कर दिन तोर दशा ले सदोम नगर कर दसा बगरा सहे लाएक होही।”
यीशु कर लिघे बिश्राम
(लूका 10:21-22)
25ओहिच समय मे यीशु हर कहिस, “हे दाऊ, स्वर्ग अउ पृथ्वी कर प्रभु, मैहर तोर धन्यवाद करथो कि तय हर ये गोएठ मन ला ज्ञानी मन अउ समझदार मन ले छिपाए रखे, अउ लईका मन मे परगट करे हस। 26हव, हे दाऊ, काबर कि तोला एहिच हर बड़िया लागिस।”
27“मोर दाऊ हर मोला सबेच कुछ ला सौपिस आहे; अउ कोनो हर बेटा ला नी जानथा, केबल दाऊ; अउ कोनो हर दाऊ ला नी जाने, केबल बेटा; अउ ओहर जेमन मे बेटा ओहर परगट करे बर चाही।”
28“हे सबेच मेहनत करे बाला मन अउ बोझ ले दबल लोग मन, मोर जग आवा; मय तुमन ला बिश्राम देहू। 29मोर जूवा ला अपन उपर उठाए लेवा, अउ मोर ले सिखा; काबर कि मय नम्र अउ मन मे दीन हो: अउ तुमन मन अपन मन मे बिश्राम पईहा। 30काबर कि मोर जूवा हर सहज अउ मोर बोझ हर हल्का है।”
Избрани в момента:
मत्ती 11: SGJNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
मत्ती 11
11
यूहन्ना बपतिस्मा देहे बाला कर प्रश्न
(लूका 7:18-35)
1इस्राएल कर देश मे यीशु हर अपन बारह चेला मन ला आदेश दे दारिस, त ओहर ओमन कर नगर मे उपदेश अउ प्रचार करे बर हुवा ले रेंग देहिस।
2यूहन्ना हर जेल मे मसीह कर बुता मन कर समाचार सुनिस अउ अपन चेला मन ला ओकर ले पूछे बर भेजिस। 3का आए बाला तहिच हस या हमन दूसर झन कर आसरा देखी? 4यीशु हर जवाब देहिस, “जे कुछ तुमन मन सुनथे अउ देखथे ओ सबेच ला यूहन्ना ले कह देईहा।” 5कि अन्धा मन देखथे अउ लंगड़ा मन चलथे फिरथे, कोढ़ी मन शुद्ध करल जाथे, अउ भईरा मन सुनथे, मुरदा मन जीलाल जाथे, अउ कंगाल मन ला सुसमाचार सुनाल जाथे। 6अउ धन्य है ओमन मन, जेहर मोर कारन ठोकर नी खाही।
यीशु कर द्वारा यूहन्ना कर आदर मान
7जब ओहर हुवा ले चईल देहिस, त यीशु यूहन्ना कर बिषय मे लोग मन ले कहे लागिस, “तय जंगल मे का देखे बर गए रहे? का बईहर ले हिलत सरकंडा ला?” 8फिर तय का ला देखे गए रहे? का कोमल कपरा पहिनल लोग मन ला? देखा जेमन कोमल कपरा पहिनथे, ओमन राजभवन मे रहथे। 9त फिर काबर गए रहा? का कोनो अगमजानी ला देखे बर? हव मैहर तोर ले कहथो कि अगमजानी ले भी बड़खा ला। 10एहर ओहिच हर है जेकर बिषय मे लिखल आहे:
देख मैहर अपन दूत ला तोर आगू भेजथो,
जेहर तोर आगू तोर डगर ला तियार करही।
11मैहर तोर ले सहिच कहथो कि जे औरत मन ले जनमिस है ओमन ले यूहन्ना बपतिस्मा देहे बाला ले कोनो हर बड़खा नी होईस, पर जेहर स्वर्ग कर राएज मे छोटे ले छोटे है ओहर सबले बड़खा है। 12यूहन्ना बपतिस्मा देहे बाला कर दिन मन मे ले अब तक ले स्वर्ग कर राज्य मे बल ले घुसई होवत रहिस अउ बलवान हर ओला लुईट लेथे। 13यूहन्ना ले सबेच अगमजानी अउ ब्यवस्था अगमजानी करत रहिन। 14अउ चाहा त माना कि एलिय्याह जेहर आए बाला रहिस, ओहर एहिच हर है। 15जेकर सुने कर कान है, ओहर सुईन लेहे।
16“मैहर ये समय कर लोग मन कर तुलना काकर ले करहू? ओमन ओ लईका मन कस है, जेमन बजार मन मे बईठ के एक दूसर ले किरलाए के कहथे: 17हमन हर तुमन बर बांसुरी ला बजाएन, अउ तुमन मन नी नाचा, हमन बिलाप करेन, अउ तुमन मन छाती नी पीटा। 18काबर कि यूहन्ना हर न खात अईस, न पीयत, अउ ओमन कहथे, ‘ओमे प्रेत आत्मा है।’ 19मैनसे कर बेटा हर खात पीयत अईस, अउ ओमन मन कहथे, देखा, पेटू अउ पीए बाला मैनसे, मलगुजारी लेहे बाला मन कर अउ पापी मन कर संगता! लेकिन ज्ञान मे अपन बुता मन ले सहिच ठहराल गईस है।”
मन नी फिराए बाला मन पर हाए
(लूका 10:13-15)
20तब ले ओहर ओ नगर मन ला उलाहना देहे लागिस, जेमन मे ओहर बहुतेच सामर्थ्य कर अदभुत बुता करे रहिस, काबर कि ओमन अपन मन नी फिराए रहिन। 21“हाए, खुराजीन! हाए, बैतसैदा! जे सामर्थ्य कर बुता तुमन मे करल गईस, अगर ओमन सोर अउ सैदा मे करल जातीस, त टाट ओएड़ के, अउ राख मे बईठ के ओमन मन कब कर मन फिराए लेतिन। 22लेकिन मय हर तोर ले कहथो कि न्याय कर दिन तुमन कर दशा ले सोर अउ सैदा कर दसा बगरा सहे लाएक होही। 23अउ हे कफरनहूम नगर, का तय हर स्वर्ग ले उपरे करल जाबे? त तय अधोलोक तक खाल्हे जाबे! जे सामर्थ्य कर बुता तोर मे करल गईस है, अगर सदोम मे करल जातीस, त ओहर आएज ले बनल रहतिस। 24पर मय तोर ले कहथो कि न्याय कर दिन तोर दशा ले सदोम नगर कर दसा बगरा सहे लाएक होही।”
यीशु कर लिघे बिश्राम
(लूका 10:21-22)
25ओहिच समय मे यीशु हर कहिस, “हे दाऊ, स्वर्ग अउ पृथ्वी कर प्रभु, मैहर तोर धन्यवाद करथो कि तय हर ये गोएठ मन ला ज्ञानी मन अउ समझदार मन ले छिपाए रखे, अउ लईका मन मे परगट करे हस। 26हव, हे दाऊ, काबर कि तोला एहिच हर बड़िया लागिस।”
27“मोर दाऊ हर मोला सबेच कुछ ला सौपिस आहे; अउ कोनो हर बेटा ला नी जानथा, केबल दाऊ; अउ कोनो हर दाऊ ला नी जाने, केबल बेटा; अउ ओहर जेमन मे बेटा ओहर परगट करे बर चाही।”
28“हे सबेच मेहनत करे बाला मन अउ बोझ ले दबल लोग मन, मोर जग आवा; मय तुमन ला बिश्राम देहू। 29मोर जूवा ला अपन उपर उठाए लेवा, अउ मोर ले सिखा; काबर कि मय नम्र अउ मन मे दीन हो: अउ तुमन मन अपन मन मे बिश्राम पईहा। 30काबर कि मोर जूवा हर सहज अउ मोर बोझ हर हल्का है।”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.