Luke 10
10
1ထွို့မဲ့ ဗွယ်အွယ့် လွိုက်ဒါ့တပည့်လငါ့ အမ်နျို့စီ့ငြီ့ထွို့မဲ့ ဖီတွဲအမ်တငြီ့အတွဲထွို့ ဖီကြွလေးကီ ကိုယ်တော်အီလေး ဝိန်းဖုန်းဒုန့်ဖုန်းကု။ 2ကိုယ်တော်အွယ့် "လုဲင်ကွင်ကု ဟမ်းတွမ်ဟမ်လားဖုန်း အိုဟေးတန်။ ဒေါင့်မာလဲ့ ကောကေးဈန်စာအိုဈန်းဟို့။ အွယ်မဲ့ ကွူ့လိုကာ ဖီကြွလေဖီဟေဟေ ပလူးကောကေ့ဈန်စာ လုဲင်ဗွယ်ဆောင့် လုဲင်။ 3လေးကာချန်း ဒွိုးခလုဲင်။ဒေါင့်မာလဲ့ ငါးကာကြွလေးဒါနားကဒွို ဗွမ့်နောင်ကြွလေဖီ ဘဲပီဖုန်း ချွူးဟန်းဖုန်းခါ ။ 4နားကာအွယ့် ချန်ကျိ့လေးကာမာ ဘီဆံအိတ်၊ ကန်ကျိန်းအိတ်၊ ခင်ဖားဖုန်းမာ။ ကျန်ဖြုန်မာအခိန်း အွို့ထွိုင်တာ ကလေ့ကုထွို့ စွို့ဘို့ပလားမား။ 5နားကာ့မေနွူးကျိန် ယွမ်အမာ့ကု 'ယွမ်ဒွိုးမာ့ တစာယာ ဖီကအို'ဆူတောင်ဖီနိန်းအွယ့်လုဲင်။ 6ပလူးယွမ်အွယ့်ကုစာအွယ့် ပလူးတငြိမ်ချမ်အိုစာ မေအို နားကပို့ဖီးဒါ မေတ္တာဒွို့ အာကာအီခံစာဘာတို။ ဒေါင့်မာလဲ့ အွယ့်ဟိုမေလီအိုဟအွယ့် နားကပို့ဖီဒါ မေတ္တာအွယ့် အီတွိုကျိန်းချာဒါနားဆောင့်။ 7နားကာ့အွယ့် အိုယွမ်အွယ့်မာ့ကုထွို့ အမ်ကာယွမ်စာအမ်လွူးလုဲင်။မေဒေါင့်ဘာကွပ်သဟနားအွယ့် တမိုးစာဖုန်းဒီ ခံစာထွိုက်တို အာကာတမိုးခ။ ကျန်စလေးကာမာ ယွမ်အာမာ့ထွို့အာမာ့မား။ 8အေချန်း ပလူးဒုန့်စာဖုန်း မေကြိုပင့်တိုနားက့လဲ့ အန်ဒါတို အာကာ အန်လွူတာဖုန်း။ 9ကုဖီပလူးလီခရိုင်ဟစာဖုန်းထွို့ 'ဗွယ်ဖရာဒွို အီအုပ်စိုလူးတွို့ ခမ်းလန်ကားကအိုကု' ဒေါင့်နိန်းအွယ့်လုဲင်။ 10ဒေါင့်မာလဲ့ ပလူးဝိန်းဖုန်း မလီပင်းဟ နားကအွယ့် ထန်းကလေ့လောင်ထွို့ ဒေါင့်ကားလုဲင်။ 11'ဗွမ့်နောင် က့ငြင်းပယ်နားက့ က့အီဘန်ဖုန်းဟမ်ဖွမ်းအိုကာခင်လောင်ဖုန်း၊ ဗွယ်ဖရာသာသနာတော်ဒွို အီတွိုလေလိ ဒွိုးကုပါ' ဒေါင့်ကာနိန်းအွယ့်လုဲင်။ 12ငါးဒေါင့်နားက့ဒွို ဆုံဖြတ်တရာငြီးအွယ့် လွိုထိုင်ပလူးဝိန်းအွယ့်ကုဖုန်း ဗွယ်ဖရာဒွို အီသညင်ထွို့ဆုံဖြတ်ဖီတို ပလူးကအိုဒါ သောဒုံဝိန်းစာလောင်" မိန့်နိန်းအွယ့်။ 13ခေါရဇိန် ဝိန်းစာဖုန်း၊ နားက့ မို့ကာဘာလိထွို့တခုဲင်။ ဗက်ဇဲဒ ဝိန်းစာဖုန်းလဲ့ နိန်းအွယ့်အွယ့်။ အကြောင်နိန်းမာ မေဒေါင့်ဘာအွယ့် နားက့ကု ကမိုးစေးဒါ တထူဆန်ခရာ တန်ခိုလက္ခဏာဖုန်း မေမိုးတုရုနောင် ဇိဒုန်ဝိန်းကုအွယ့် ပလူးကအိုဒါ ဝိန်းအွယ့်ကုစာအွယ့် ထျက်ပါအကီကီခါ့ကာ အီအိုတို့ကာနောင် ကန်ကျိန်ထနောင်ခိုထွို့ အိုနန်းကာတာမီဖာကုထွို့မဲ့ အီလကာနောင်တ။ 14ဒေါင့်မားလဲ့ ဆုံဖြတ်တရာခိန်းအွယ့် တုရုနောင် ဇိဒုံဝိန်းအွယ့် အီးခံဘာစာထိုင် နားက့။ 15ကပရနောင် ဝိန်းစာဖုန်း၊ နားကထင် နားက့အီခံကာဘာ ဖီဆုဝိန်းခမ်းကုနောဝ်။ နားကနိုင့် ပျန့်ဘို့ ပလူးအီလင်း ငရုဲင်းကုစာဟို့" မိန့်နိန်းအွယ့်။ 16ကိုယ်တော်အွယ့် "ပလူးကနာ နားက့ငိုစာအွယ့် ပျန့်ပလူးနားငါးငိုစာ။ ပလူးလီလက်ခံဟနားက့စာအွယ့် ပျန့်ပလူး လီလက်ခံဟငါးထွို့ ပလူးလက်ခံဟ့ ငါးဖုန်းအွယ့် ပျန့်ပလူးလီလက်ခံဟ ပလူးကဖီကြွလင်ငါး" မိန့်အာတပည့်ဖုန်းနိန်းအွယ့်။ 17တပည့်အမ်နျို့စီ့ငြီ့ပလား ထွိုင်ကျိန်းတွိုကာထွို့ အာကာအွယ့် ဟွမ်ခိုနိတ်စက်ကာတာထွို့ "ဗွယ်၊ က့စုံဒေါင် ဗွယ်ဖရာနျန်းထွို့ မိန်းတလီခိုဟဖုန်းခိန်း အာကာနာခံကာတို" လျှောက်လေနိန်းအွယ့်။ 18ကိုယ်တော်အွယ့် "ဗွမ့်နောင်ပလျော်အို့မုလောင် ငါးသျှီဘာ မာရ်နတ်လင်တေးလင်း။ 19ငါးအပ်ဖီထွို့လိ့နားက့ အခွင်အာဏာ စနှိပ်နန်းကူတေ့ဖုန်း၊တဘင့်ဖုန်းတာထွို့ စနှိပ်နန် နားက့ရန်ဆူ မာရ်နတ်တန်ခိုကားကအိုတာ။ 20ဒေါင့်မာလဲ့ နားကနှိပ်နန်ဒါတေ တလီခိုဟဟို့ ကျန်းပျော်ကာမာတာမာ။ ပျော်ကဘို့ နားကနျန်း ခံတျန်စေကားဘာ ဝိန်းခမ်းကုတာလုဲင်" မိန့်နိန်းအွယ့်။ 21အွယ်ခါ့ဒီ ဥာဏ်ရောင်တော်အွယ့် " ဖဖရာ ကအုပ်စိုဒါ ကမ်ဖာလောကဒွိုးဘာနောင် ဝိန်းခမ်း။ ဗွယ်ဒွိုးပလားဒွို ဝိန်းခမ်းကုကအိုဒါ အကြောင်ခရာဖုန်း ဖီပလူးတစီ့ထွော့စာနောင် ပညာစာဖုန်း ဖီကျန်းသိမာ အန်ဒင်းအွိုကေ့ထွို့ ပညာဆျန်းစာ ပလူးထန်မသာဖုန်း ဖီကသိနာဒါတာ ကမိုးဖီးဒါ ဗွယ်ဖရာဒွို ကေ့ဇူဒူးယွမ်တွို့။ ကပျန့်ထန်းဘာနိန်းအွယ့်လဲ့ ပျန့်တို ဗွယ်ဖရာ အိုလူအတွိုန့်။ 22ဖဖရာဒွို ဖီးအပ်ထွို့လိငါး တာကားကအို။ ဖုခုပျန့်လမာဒွို့ ဖဖရာ အပါးဟို့သိ။ ဖဖရာဒွို ပျန့်လမာလဲ့ လွို့ထွို့ဖုခုနောင် ဖုခုကရွေစေးကန်းဒါးစာဖုန်းထွို့ လမာသိကာဟ။ 23ထွို့မဲ့ ကိုယ်တော်လှည့်လေ အာတပည့်ဖုန်းဒိုင့်ထွို့ "နားက လခွင်သျှီဘာ အကြောင်ခရာဒွိုးခ အွယ့်မဲ့ မင်္ဂလာ အိုယွမ်တွို့။ 24ပညာစာ အရိယာဆူတော်ကောင် နောင် ခွမ့်ခမ်းဖုန်းအွယ့် နားက့ကသျှီဘာ ကဟွမ့်ဘာတာကားကအိုအွယ့် အာကာဘာသလယွမ်တွို့ တသျှီခွင်၊ တဟွမ့်ခွင်။ ဒေါင့်မားလဲ့ လကာဟ တသျှီခွင်၊ တဟွမ်ခွင်" မိန့်လေနိန်းအွယ့်။ 25အလိုင်းကူ့ ကျမ်ဒါပညာစာအပလားဒီ့ အီတစီ့ကိုယ်တော်ယေရှုတား အိုထွိုင်းထန်တာထွို့ "ဆရာ၊ ဖီကလ 'ဆက်နိစ္စ ထာဝရ' ဒွို မိုးဘာတဟနာ" တစီ့လျှောက်ထန်နိန်းအွယ့်။ 26ကိုယ်တော် ယေရှုအွယ့် "လိတ်ကျမ်ကုဒီ့ တျန်စေကန်းနိန်းမာ၊ နားသိနာ စဖိုပေါက်နိန်းမာ" မိန်းချာနိန်းအွယ့်။ 27အွယ့်ပလားအွယ့် " လိတ်ကျမ်ကုဒီ့ ရိုသေထွို့ပူစော်ကာ နားဗွယ်ဖရာနောင်နန်၊ သ့၊ သ့သာ အမ်တျန့်ပါး လူးလူးလုဲင်။ နားယွမ်တီးစာဖုန်းလဲ့ ရက်ဗွမ်နောင်နားရက်နားနမ်တိုးလုဲင်" ပါနိန်းအွယ့် အာလျှောက်လေဒါနိန်းအွယ့်။ 28ကိုယ်တော်အွယ့် "နားဖရေနုဲင့် မှန်တို။ မေမိုးနိန်းအွယ့် နားနုဲင့် အီလတို ဆက်နိစ္စထာဝရ" မိန့်နိန်းအွယ့်။ 29ဒေါင့်မာလဲ့ ကျမ်ဒါဆရာအွယ့် အာဘာသနေ အာဒွို ပျန့်ပလူးတွို့အွယ့်မဲ့ "ကဒေါင့်ဒါ ပလူးကားယွမ်တီးဒွို လမာ"တစီ့လျှောက် ကိုယ်တော်ယေရှုနိန်းအွယ့်။ 30အွယ့်ခါ့ ကိုယ်တော်အွယ့် "ပလူးပလားအွယ့် အိုဂျေရုဆလင်ဝိန်းကူ့ထွို့ လေးလေယေရိခေါဝိန်းကူ့ ကလေလောင်အွယ့် အာခွယ်နောင် တကျွန်ဖုန်းထွို့ တွယ်လိုကားအာထွို့ ဘောင်ကေ့အာကန်ကျိန်းဖုန်းထွို့ အာဆက်အီးတကျွောခိန်း ဖီးကေ့လိုကာကေ့။ 31ကံခို တာအွယ့်ဘာပျန့်ထွို့ခိန်း ပရောဟိတ်အပလား လေးလေတာ နောင်ကလေးအွယ့်ဘောင့်။ထွိုင်းသျှီပလူးလင်အာ့တာ အွယ့်ပလားထွို့ အာစရှောင်ထန်းကေ့ ကလေ့လငါ့ဒိုင့်။ 32ထွို့မဲ့ ပလူးအိုပွိုင်းဗိမာန်တော်စာ လေဝိလဲ့ တွိုလေးအွယ့်ကူ့ပါ။ အိုသျှီး ပလူးခံဘာပလားတွယ် အွယ့်ပလားလဲ့ အာစရှောင်ထန်းကေ့ဒါ့ ကလေလငါ့ဒိုင့်။ 33ဒေါင့်မာလဲ့ ပခုရှမာရိ အပလားအွယ့် စစွာ့ထန်းတာထွို့ တွို့လေးအာအိုအိုအွယ့်ကုပါ။ အာအွယ့်ထွိုင်သျှီးပလူးအွယ့်ပလားထွို့ အာသခိုတာ။ 34အွယ့်မဲ့ အာအွယ့် လေးလေပလူးအွယ့်ပလားစောင့်ထွို့ တီ့ထွို့ ကျွော်ဖီး ပလူးစာယာစာဖုန်း နောင်နမန်သံလွင် နောင် စပျစ်ဝိုင်ဖုန်းထွို့ အာတွိုင့်ဖီနောင်တယား။ ထွို့မဲ့ ဒင်ထန်သီဖွိုလောင်ထွို့ ဟောင့်လေး ခမ်းလန်တည်ကု။ ထွိုင်တွိုလေး ခမ်းလန်တည်ကုထွို့ အာလွန်လာဖီ ပလူးစာ့။ 35ဒါ့အငြီး မွိုင်ထွိုင်းလီ့ထွို့ အာအွယ့်ဖီးခမ်းလန်တည်စာဗွယ် ကွမ်ဗီးအန်ငြီ့ဗီထွို့ "လွမ်လာဖီး တစာ့စာဒွိုးပလားလုဲင်။ လွမ်လာအာ မေလူးလွို့တိုဒွိုးလဲ့ ငါးမိန်ကျိန်းချာ့ခိန် ငါးအီဖီးဒါ့တို" ဒေါင့်စေကန်းနိန်းအွယ့်။ 36မေထွို့ ကိုယ်တော်ယေရှုအွယ့် "ပလူးအမ်တတွမ့်ကုဒီ့ ခံကျွန်ထွို့ ခံတွယ်ဘာစာပလူးအွယ့်ပလား ယွမ်ဆောင့်ယွမ်တီးကျက်အွယ့် ပျန့်လမာ" တစီ့နိန်းအွယ့်။ 37ကျမ်ဒါဆရာအွယ့်ပလားအွယ့် "ပျန့်ပလူးအန်ဒင်တညင်ဂရုဏာ တစာ့စလောင်အွယ့်ပလားတို" ဖရေနိန်းအွယ့်။ ကိုယ်တော်ယေရှုအွယ့် "နားလဲ့ မိုးကိုဗွမ့်နိန်းအွယ့်လုဲင်" မိန်းနိန်းအွယ့်။ 38လေးဆက်ကားတာထွို့ ကိုယ်တော်ယေရှု နောင် အာတပည့်ဖုန်း တွိုလေးကာ ဒုန့်အဒုန့်ကု။ ဒုန့်အွယ့်ကုပါ ပမွှော်နျန်း မာသ အွယ့်ပလားအွယ့် ပင့်ကျိန်းကိုယ်တော်နောင် အာတပည့်ဖုန်း အာယွမ်ကု။ 39အာအွယ့် ပွော်မွော်နျန့် မာရိ အိုအပလား။ မာရိအွယ့် အိုနန်းကိုယ်တော်မေငါ့ထွို့ နားတရာဖုန်း။ 40တွို့ မာသ အွယ့်ပလားအွယ့် အီအမ်လွူကန်ချန်တာ တမိုးအိုရှုပ်တာ။ ကမ်ဆာ့စွက်ထွို့ အာအွယ့် ရီ့ဘို့လေးကိုယ်တော်ဆောင့်ထွို့ "ဗွယ်၊ ငါးပွော်မွောဖီကေ့တိုးငါးမဲ့ ငါးအပလားတိုး မိုးဘာတာကားကအိုအွယ့် ဗွယ်သညင်ဟငါးနောဝ်။ မိန်ဖီ ဖီအာကူညီငါးမွမ်" လျှောက်လေနိန်းအွယ့်။ 41ထွို့မဲ့ ကိုယ်တော်အွယ့် "မာသ၊ နားနုဲင့် အိုနန် တမိုးဖုန်းတာထွို့ အိုရှုပ်ချက်တိုတာလဲ့ 42တာအိုလူယွမ်ဒွို အိုအဘာဟို့။ မာရိအွယ့် ရွေးထွို့လိ တအခိုစွက်ဘာ။ အွယ့်ကြားမဲ့ ပုဲင်ယားကေ့တာအွယ့်ဘာ အာဆောင့်ကု လီဒါဟာ" မိန့်လေနိန်းအွယ့်။
Избрани в момента:
Luke 10: ltpv-rv
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 10
10
1ထွို့မဲ့ ဗွယ်အွယ့် လွိုက်ဒါ့တပည့်လငါ့ အမ်နျို့စီ့ငြီ့ထွို့မဲ့ ဖီတွဲအမ်တငြီ့အတွဲထွို့ ဖီကြွလေးကီ ကိုယ်တော်အီလေး ဝိန်းဖုန်းဒုန့်ဖုန်းကု။ 2ကိုယ်တော်အွယ့် "လုဲင်ကွင်ကု ဟမ်းတွမ်ဟမ်လားဖုန်း အိုဟေးတန်။ ဒေါင့်မာလဲ့ ကောကေးဈန်စာအိုဈန်းဟို့။ အွယ်မဲ့ ကွူ့လိုကာ ဖီကြွလေဖီဟေဟေ ပလူးကောကေ့ဈန်စာ လုဲင်ဗွယ်ဆောင့် လုဲင်။ 3လေးကာချန်း ဒွိုးခလုဲင်။ဒေါင့်မာလဲ့ ငါးကာကြွလေးဒါနားကဒွို ဗွမ့်နောင်ကြွလေဖီ ဘဲပီဖုန်း ချွူးဟန်းဖုန်းခါ ။ 4နားကာအွယ့် ချန်ကျိ့လေးကာမာ ဘီဆံအိတ်၊ ကန်ကျိန်းအိတ်၊ ခင်ဖားဖုန်းမာ။ ကျန်ဖြုန်မာအခိန်း အွို့ထွိုင်တာ ကလေ့ကုထွို့ စွို့ဘို့ပလားမား။ 5နားကာ့မေနွူးကျိန် ယွမ်အမာ့ကု 'ယွမ်ဒွိုးမာ့ တစာယာ ဖီကအို'ဆူတောင်ဖီနိန်းအွယ့်လုဲင်။ 6ပလူးယွမ်အွယ့်ကုစာအွယ့် ပလူးတငြိမ်ချမ်အိုစာ မေအို နားကပို့ဖီးဒါ မေတ္တာဒွို့ အာကာအီခံစာဘာတို။ ဒေါင့်မာလဲ့ အွယ့်ဟိုမေလီအိုဟအွယ့် နားကပို့ဖီဒါ မေတ္တာအွယ့် အီတွိုကျိန်းချာဒါနားဆောင့်။ 7နားကာ့အွယ့် အိုယွမ်အွယ့်မာ့ကုထွို့ အမ်ကာယွမ်စာအမ်လွူးလုဲင်။မေဒေါင့်ဘာကွပ်သဟနားအွယ့် တမိုးစာဖုန်းဒီ ခံစာထွိုက်တို အာကာတမိုးခ။ ကျန်စလေးကာမာ ယွမ်အာမာ့ထွို့အာမာ့မား။ 8အေချန်း ပလူးဒုန့်စာဖုန်း မေကြိုပင့်တိုနားက့လဲ့ အန်ဒါတို အာကာ အန်လွူတာဖုန်း။ 9ကုဖီပလူးလီခရိုင်ဟစာဖုန်းထွို့ 'ဗွယ်ဖရာဒွို အီအုပ်စိုလူးတွို့ ခမ်းလန်ကားကအိုကု' ဒေါင့်နိန်းအွယ့်လုဲင်။ 10ဒေါင့်မာလဲ့ ပလူးဝိန်းဖုန်း မလီပင်းဟ နားကအွယ့် ထန်းကလေ့လောင်ထွို့ ဒေါင့်ကားလုဲင်။ 11'ဗွမ့်နောင် က့ငြင်းပယ်နားက့ က့အီဘန်ဖုန်းဟမ်ဖွမ်းအိုကာခင်လောင်ဖုန်း၊ ဗွယ်ဖရာသာသနာတော်ဒွို အီတွိုလေလိ ဒွိုးကုပါ' ဒေါင့်ကာနိန်းအွယ့်လုဲင်။ 12ငါးဒေါင့်နားက့ဒွို ဆုံဖြတ်တရာငြီးအွယ့် လွိုထိုင်ပလူးဝိန်းအွယ့်ကုဖုန်း ဗွယ်ဖရာဒွို အီသညင်ထွို့ဆုံဖြတ်ဖီတို ပလူးကအိုဒါ သောဒုံဝိန်းစာလောင်" မိန့်နိန်းအွယ့်။ 13ခေါရဇိန် ဝိန်းစာဖုန်း၊ နားက့ မို့ကာဘာလိထွို့တခုဲင်။ ဗက်ဇဲဒ ဝိန်းစာဖုန်းလဲ့ နိန်းအွယ့်အွယ့်။ အကြောင်နိန်းမာ မေဒေါင့်ဘာအွယ့် နားက့ကု ကမိုးစေးဒါ တထူဆန်ခရာ တန်ခိုလက္ခဏာဖုန်း မေမိုးတုရုနောင် ဇိဒုန်ဝိန်းကုအွယ့် ပလူးကအိုဒါ ဝိန်းအွယ့်ကုစာအွယ့် ထျက်ပါအကီကီခါ့ကာ အီအိုတို့ကာနောင် ကန်ကျိန်ထနောင်ခိုထွို့ အိုနန်းကာတာမီဖာကုထွို့မဲ့ အီလကာနောင်တ။ 14ဒေါင့်မားလဲ့ ဆုံဖြတ်တရာခိန်းအွယ့် တုရုနောင် ဇိဒုံဝိန်းအွယ့် အီးခံဘာစာထိုင် နားက့။ 15ကပရနောင် ဝိန်းစာဖုန်း၊ နားကထင် နားက့အီခံကာဘာ ဖီဆုဝိန်းခမ်းကုနောဝ်။ နားကနိုင့် ပျန့်ဘို့ ပလူးအီလင်း ငရုဲင်းကုစာဟို့" မိန့်နိန်းအွယ့်။ 16ကိုယ်တော်အွယ့် "ပလူးကနာ နားက့ငိုစာအွယ့် ပျန့်ပလူးနားငါးငိုစာ။ ပလူးလီလက်ခံဟနားက့စာအွယ့် ပျန့်ပလူး လီလက်ခံဟငါးထွို့ ပလူးလက်ခံဟ့ ငါးဖုန်းအွယ့် ပျန့်ပလူးလီလက်ခံဟ ပလူးကဖီကြွလင်ငါး" မိန့်အာတပည့်ဖုန်းနိန်းအွယ့်။ 17တပည့်အမ်နျို့စီ့ငြီ့ပလား ထွိုင်ကျိန်းတွိုကာထွို့ အာကာအွယ့် ဟွမ်ခိုနိတ်စက်ကာတာထွို့ "ဗွယ်၊ က့စုံဒေါင် ဗွယ်ဖရာနျန်းထွို့ မိန်းတလီခိုဟဖုန်းခိန်း အာကာနာခံကာတို" လျှောက်လေနိန်းအွယ့်။ 18ကိုယ်တော်အွယ့် "ဗွမ့်နောင်ပလျော်အို့မုလောင် ငါးသျှီဘာ မာရ်နတ်လင်တေးလင်း။ 19ငါးအပ်ဖီထွို့လိ့နားက့ အခွင်အာဏာ စနှိပ်နန်းကူတေ့ဖုန်း၊တဘင့်ဖုန်းတာထွို့ စနှိပ်နန် နားက့ရန်ဆူ မာရ်နတ်တန်ခိုကားကအိုတာ။ 20ဒေါင့်မာလဲ့ နားကနှိပ်နန်ဒါတေ တလီခိုဟဟို့ ကျန်းပျော်ကာမာတာမာ။ ပျော်ကဘို့ နားကနျန်း ခံတျန်စေကားဘာ ဝိန်းခမ်းကုတာလုဲင်" မိန့်နိန်းအွယ့်။ 21အွယ်ခါ့ဒီ ဥာဏ်ရောင်တော်အွယ့် " ဖဖရာ ကအုပ်စိုဒါ ကမ်ဖာလောကဒွိုးဘာနောင် ဝိန်းခမ်း။ ဗွယ်ဒွိုးပလားဒွို ဝိန်းခမ်းကုကအိုဒါ အကြောင်ခရာဖုန်း ဖီပလူးတစီ့ထွော့စာနောင် ပညာစာဖုန်း ဖီကျန်းသိမာ အန်ဒင်းအွိုကေ့ထွို့ ပညာဆျန်းစာ ပလူးထန်မသာဖုန်း ဖီကသိနာဒါတာ ကမိုးဖီးဒါ ဗွယ်ဖရာဒွို ကေ့ဇူဒူးယွမ်တွို့။ ကပျန့်ထန်းဘာနိန်းအွယ့်လဲ့ ပျန့်တို ဗွယ်ဖရာ အိုလူအတွိုန့်။ 22ဖဖရာဒွို ဖီးအပ်ထွို့လိငါး တာကားကအို။ ဖုခုပျန့်လမာဒွို့ ဖဖရာ အပါးဟို့သိ။ ဖဖရာဒွို ပျန့်လမာလဲ့ လွို့ထွို့ဖုခုနောင် ဖုခုကရွေစေးကန်းဒါးစာဖုန်းထွို့ လမာသိကာဟ။ 23ထွို့မဲ့ ကိုယ်တော်လှည့်လေ အာတပည့်ဖုန်းဒိုင့်ထွို့ "နားက လခွင်သျှီဘာ အကြောင်ခရာဒွိုးခ အွယ့်မဲ့ မင်္ဂလာ အိုယွမ်တွို့။ 24ပညာစာ အရိယာဆူတော်ကောင် နောင် ခွမ့်ခမ်းဖုန်းအွယ့် နားက့ကသျှီဘာ ကဟွမ့်ဘာတာကားကအိုအွယ့် အာကာဘာသလယွမ်တွို့ တသျှီခွင်၊ တဟွမ့်ခွင်။ ဒေါင့်မားလဲ့ လကာဟ တသျှီခွင်၊ တဟွမ်ခွင်" မိန့်လေနိန်းအွယ့်။ 25အလိုင်းကူ့ ကျမ်ဒါပညာစာအပလားဒီ့ အီတစီ့ကိုယ်တော်ယေရှုတား အိုထွိုင်းထန်တာထွို့ "ဆရာ၊ ဖီကလ 'ဆက်နိစ္စ ထာဝရ' ဒွို မိုးဘာတဟနာ" တစီ့လျှောက်ထန်နိန်းအွယ့်။ 26ကိုယ်တော် ယေရှုအွယ့် "လိတ်ကျမ်ကုဒီ့ တျန်စေကန်းနိန်းမာ၊ နားသိနာ စဖိုပေါက်နိန်းမာ" မိန်းချာနိန်းအွယ့်။ 27အွယ့်ပလားအွယ့် " လိတ်ကျမ်ကုဒီ့ ရိုသေထွို့ပူစော်ကာ နားဗွယ်ဖရာနောင်နန်၊ သ့၊ သ့သာ အမ်တျန့်ပါး လူးလူးလုဲင်။ နားယွမ်တီးစာဖုန်းလဲ့ ရက်ဗွမ်နောင်နားရက်နားနမ်တိုးလုဲင်" ပါနိန်းအွယ့် အာလျှောက်လေဒါနိန်းအွယ့်။ 28ကိုယ်တော်အွယ့် "နားဖရေနုဲင့် မှန်တို။ မေမိုးနိန်းအွယ့် နားနုဲင့် အီလတို ဆက်နိစ္စထာဝရ" မိန့်နိန်းအွယ့်။ 29ဒေါင့်မာလဲ့ ကျမ်ဒါဆရာအွယ့် အာဘာသနေ အာဒွို ပျန့်ပလူးတွို့အွယ့်မဲ့ "ကဒေါင့်ဒါ ပလူးကားယွမ်တီးဒွို လမာ"တစီ့လျှောက် ကိုယ်တော်ယေရှုနိန်းအွယ့်။ 30အွယ့်ခါ့ ကိုယ်တော်အွယ့် "ပလူးပလားအွယ့် အိုဂျေရုဆလင်ဝိန်းကူ့ထွို့ လေးလေယေရိခေါဝိန်းကူ့ ကလေလောင်အွယ့် အာခွယ်နောင် တကျွန်ဖုန်းထွို့ တွယ်လိုကားအာထွို့ ဘောင်ကေ့အာကန်ကျိန်းဖုန်းထွို့ အာဆက်အီးတကျွောခိန်း ဖီးကေ့လိုကာကေ့။ 31ကံခို တာအွယ့်ဘာပျန့်ထွို့ခိန်း ပရောဟိတ်အပလား လေးလေတာ နောင်ကလေးအွယ့်ဘောင့်။ထွိုင်းသျှီပလူးလင်အာ့တာ အွယ့်ပလားထွို့ အာစရှောင်ထန်းကေ့ ကလေ့လငါ့ဒိုင့်။ 32ထွို့မဲ့ ပလူးအိုပွိုင်းဗိမာန်တော်စာ လေဝိလဲ့ တွိုလေးအွယ့်ကူ့ပါ။ အိုသျှီး ပလူးခံဘာပလားတွယ် အွယ့်ပလားလဲ့ အာစရှောင်ထန်းကေ့ဒါ့ ကလေလငါ့ဒိုင့်။ 33ဒေါင့်မာလဲ့ ပခုရှမာရိ အပလားအွယ့် စစွာ့ထန်းတာထွို့ တွို့လေးအာအိုအိုအွယ့်ကုပါ။ အာအွယ့်ထွိုင်သျှီးပလူးအွယ့်ပလားထွို့ အာသခိုတာ။ 34အွယ့်မဲ့ အာအွယ့် လေးလေပလူးအွယ့်ပလားစောင့်ထွို့ တီ့ထွို့ ကျွော်ဖီး ပလူးစာယာစာဖုန်း နောင်နမန်သံလွင် နောင် စပျစ်ဝိုင်ဖုန်းထွို့ အာတွိုင့်ဖီနောင်တယား။ ထွို့မဲ့ ဒင်ထန်သီဖွိုလောင်ထွို့ ဟောင့်လေး ခမ်းလန်တည်ကု။ ထွိုင်တွိုလေး ခမ်းလန်တည်ကုထွို့ အာလွန်လာဖီ ပလူးစာ့။ 35ဒါ့အငြီး မွိုင်ထွိုင်းလီ့ထွို့ အာအွယ့်ဖီးခမ်းလန်တည်စာဗွယ် ကွမ်ဗီးအန်ငြီ့ဗီထွို့ "လွမ်လာဖီး တစာ့စာဒွိုးပလားလုဲင်။ လွမ်လာအာ မေလူးလွို့တိုဒွိုးလဲ့ ငါးမိန်ကျိန်းချာ့ခိန် ငါးအီဖီးဒါ့တို" ဒေါင့်စေကန်းနိန်းအွယ့်။ 36မေထွို့ ကိုယ်တော်ယေရှုအွယ့် "ပလူးအမ်တတွမ့်ကုဒီ့ ခံကျွန်ထွို့ ခံတွယ်ဘာစာပလူးအွယ့်ပလား ယွမ်ဆောင့်ယွမ်တီးကျက်အွယ့် ပျန့်လမာ" တစီ့နိန်းအွယ့်။ 37ကျမ်ဒါဆရာအွယ့်ပလားအွယ့် "ပျန့်ပလူးအန်ဒင်တညင်ဂရုဏာ တစာ့စလောင်အွယ့်ပလားတို" ဖရေနိန်းအွယ့်။ ကိုယ်တော်ယေရှုအွယ့် "နားလဲ့ မိုးကိုဗွမ့်နိန်းအွယ့်လုဲင်" မိန်းနိန်းအွယ့်။ 38လေးဆက်ကားတာထွို့ ကိုယ်တော်ယေရှု နောင် အာတပည့်ဖုန်း တွိုလေးကာ ဒုန့်အဒုန့်ကု။ ဒုန့်အွယ့်ကုပါ ပမွှော်နျန်း မာသ အွယ့်ပလားအွယ့် ပင့်ကျိန်းကိုယ်တော်နောင် အာတပည့်ဖုန်း အာယွမ်ကု။ 39အာအွယ့် ပွော်မွော်နျန့် မာရိ အိုအပလား။ မာရိအွယ့် အိုနန်းကိုယ်တော်မေငါ့ထွို့ နားတရာဖုန်း။ 40တွို့ မာသ အွယ့်ပလားအွယ့် အီအမ်လွူကန်ချန်တာ တမိုးအိုရှုပ်တာ။ ကမ်ဆာ့စွက်ထွို့ အာအွယ့် ရီ့ဘို့လေးကိုယ်တော်ဆောင့်ထွို့ "ဗွယ်၊ ငါးပွော်မွောဖီကေ့တိုးငါးမဲ့ ငါးအပလားတိုး မိုးဘာတာကားကအိုအွယ့် ဗွယ်သညင်ဟငါးနောဝ်။ မိန်ဖီ ဖီအာကူညီငါးမွမ်" လျှောက်လေနိန်းအွယ့်။ 41ထွို့မဲ့ ကိုယ်တော်အွယ့် "မာသ၊ နားနုဲင့် အိုနန် တမိုးဖုန်းတာထွို့ အိုရှုပ်ချက်တိုတာလဲ့ 42တာအိုလူယွမ်ဒွို အိုအဘာဟို့။ မာရိအွယ့် ရွေးထွို့လိ တအခိုစွက်ဘာ။ အွယ့်ကြားမဲ့ ပုဲင်ယားကေ့တာအွယ့်ဘာ အာဆောင့်ကု လီဒါဟာ" မိန့်လေနိန်းအွယ့်။
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.