Luke 8
8
1ထွို့မဲ့ ငြီးဟ ကိုယ်တော်အွယ့် နောင်သာဝကအစီ့ငြီ့ပလား လေးကာဝိန်းဖုန်းဒုန့်ဖုန်းကျွက်ကျက်တွို့ထွို့ အာစာဟိုစွမ်းဖီ ဗွယ်ဖရာ သာသနာတော်ခရာဖုန်း။ 2နောင်ကိုယ်တော်၊ ကခံဘာဒါ တစာ့ရောဂါတမာစာဖုန်းနောင် ပမွော်ကခံဘာဒါ ကုတမာဖီးတလီးခိုးဟပူးဖုန်းလဲ့ ပါလေးတွဲ့ကာ။ အွယ့်ကုပါးအွယ့် ခံဘာတလီခိုဟအန်နျို့ဘာပူးထွို့ ကခံဘာ ဝါစွာ့ထန်းဖီးကေ့ တလီခိုဟအွယ့်ဟိုဖုန်း ပမွော်နျန်းမာရိအိုဒုန့်'မာဂဒလ' လဲ့ပါပါ။ 3ထွို့မဲ့ ခွမ့်ဟေရုဒ်တမိုးစား ခုဇ အာမာကနျန်းဒါ ယောဟန္န၊ ရှုရှန္နဒေါင် ပမွော်လငါ့ဖုန်းအွယ့်လဲ့ ထောက်ပံ့ဖီးကာ ကိုယ်တော်ယေရှု ဒေါင်အာတပည့်ဖုန်း နောင် အာကာတရျတ်တိုး။ 4ပလူးကျွို ကအိုဒါ ဝိန်းဒုန့်ဖုန်းကူ့အွယ့် စုထွို့ တွဲ့လေးလိုကာ ကိုယ်တော်ယေရှု ကန်စာ့။ ကိုယ်တော်အွယ့် ဒေါင့်နေ ပလူးကျွို တတိုက်တွိုင်ဒွို့ဘာ။ 5အကီခါ့ဒီ့ လုဲင်စာအပလားအွယ့် အီးရုဲင့်တစူ့တာ အလေးလေလုဲင်ကွင်ကူ့။ လုဲင်စာအွယ့်ပလားထွိုင်ရုဲင့် ထွို့တစူ့ခါ့ တစူ့ပိန်ကွော့ကွောအွယ့် တွိုထန်းကေ့ ကလေ့စို့ကူ့ ။ ပလူးဖုန်းယျန်လိုကားထွို့ထူးဖုန့်တွမ်းအမ်းလိုကာ တစွို့အွယ့်ဟို။ 6တစူ့လငါ့ဖုန်းအွယ့် လင်တေး ဟန်းစာလီအိုဟ နောင် လုံဟန်လောင်ထွို့ အမွိုင်ဖုန်း ဒို့ထန်းလိုကာ။ ဒေါင့်မာလဲ့ သျှီဖုန်း ဟန်စာဖုန်းလီနွမ်းဟအွယ့်မဲ့ ငီးဟ နျွူးထွို့စိုင့်ကျိန်းလိုကာ။ 7တစူ့ပိန်ကွော့ကွော့အွယ့် လင်တေးလိုကားတဟွော်ကျုံးခလား။ အာမွိုင်ဖုန်းမေဒိုးထန်းလဲ့ ခံဗားတငွိုး တဟွော်ကျုံးလား။ 8တစူ့ပိန်ကွော့ကွော့အွယ့် လင်တေးလိုကား ခလမ်ဟမ်စာခိုကူ့မဲ့ အမွိုင်ဒို့ကားထန်ထွို့ အာသားဒါးတွို့ အပွမ်အယား" မိန်းလေနိန်းအွယ့်။ ထွိုင်မိန့်နိန်းအွယ့်ထွို့ " ပလူးကနာမိုဒါ နာအိုစာဖုန်း နားကြိုင်ကြိုင်ကာလုဲင်"အာက့လေနိန်းအွယ့်။ 9ထွို့မဲ့ တပည့်ဖုန်းအွယ့် တစိ့လိုကား ကိုယ်တော်ယေရှု တတိုက်တွိုင်အွယ့် ဘာသဒေါင့်ဟနာ။ 10ထွို့မဲ့ ကိုယ်တော်အွယ့် "ဗွယ်ဖရာဒွို ဖီအပ်ထွို့လိနားက့ ဟွမ်သိဘာဒါ အာသာသနာတော်လျှို့ဝှက်ချက်အခွင်။ ဒေါင့်မာလဲ့ ပလူးလငါ့ဖုန်းအွယ့် ဟွိုင့်လဲ့ လီသျှီ၊ ဟွမ့်လဲ့လီသိနာဟအွယ့်ကြားမဲ့ ရှင်နေဖီးဘာ အာကာနောင် တတိုက်တွိုင်ဖုန်း" မိန့်နိန်းအွယ့်။ 11တတိုက်တွိုင် အဓိပ္ပာယ်ဒွို တစူ့ဒွို ပျန့်တိုဗွယ်ဖရာ နှုတ်ကပတ်တော်ဖုန်းဟနေ။ 12တစူ့ကလင်တေးဒါ ကလေလောင်ဖုန်းအွယ့် ဘာသဒေါင့်ဗွမ့်နောင် ပလူးနာဟွမ့်ဘာ ဗွယ်ဖရာနှုတ်ကပတ်တော်ဖုန်း။ဒေါင့်မာလဲ့ မာရ်နတ်အွယ့်လေးတွိုထွို့ မိုးကေ့ကေ့ အာကာတယွမ်အန် ဖီကျန်တွိုမှာ တကယ်ကုမာထွို့ လေသျှီထန်ကေ့ ဗွယ်ဖရာနှုတ်ကပတ်တော်တရာ ကအိုဒါ ပလူးအွယ့်ဟိုသကူ့ဖုန်း။ 13တစူ့ကလင်တေးဒါလုံဟမ်းလောင်အွယ့် ဘာသဒေါင့် ဗွမ့်နောင် ကာနာဟွမ့်ဘာ ဗွယ်ဖရာနှုတ်ကပတ်တော်တရာဖုန်းထွို့ ဟွမ်ခိုလက်ခံစွူတို့အလိုင်းချင်။ ဒေါင့်မာလဲ့ အကျွူဒွို့ အီအိုကျွိုင်ငါ့ဟ။ အာကာအွယ့် ယွမ်အန် လက်ခံကာဘို့ အခိန်းအဆင်းကူ့ဟို့။ ဖဝကူ့ မေကြုံခွယ်ဘားဒေါင်တခုဲင်းခါ့ ဖီကြွ့လိုကားကေ့နှုတ်ကပတ်တရာအွယ့်ဟို အလိုင်ချင်။ 14တစူ့ကလင်တေးဒါ တဟွော်ကျုံးခါဖုန့်အွယ့် ဘာသဒေါင့်ဗွမ့်နောင် နားထွို့လက်ခံ နှုတ်ကပတ်တရာဖုန်း ဒေါင့်မာလဲ့ လောဖလွမ်ငါ တချမ်စားနောင် တစားယာဖုန်းမဲ့ ကမားခါ့ယောဝ် လီမိုးပွာကာဟ နှုတ်ကပတ်တရာဖုန်း။ 15တစူ့ကလင်တေးဒါ ဟမ်းယာဟမ်းစာခိုးလောင်အွယ့် ဘာသဒေါင့်ဗွမ်နောင့် နားဟွမ့်ဗားနှုတ်ကပတ်တော်တရာဖုန်းထွို့မဲ့ ဈန်စေးကာအာကသရိုစားကူ့ထွို့ အသာအကောဝ်ဖုန်း သာကောဝ်ထန်းလိုကာ။ 16လီ့မီးအိမ်ထွို့ ဖီကလူးနောင် ခရောင့်ခယောဝ် အမ်ဒင်းကူခအလားခယောဝ် ပလူးကောဈန်နိန်းအွယ့်စာ လီအိုဟ။ မီးအိမ်အွယ့် မေဖီဗွိုင် မီထွမ်လောင်မဲ့ ပလူးကနျူးကျိန်းစာ အီးသျှီးဗား တရောင်ခ။ 17တာဒင်းအွိုးဒါ ဖီကျန်သိဒါမာဒွို လီဒါဟာ။ လျှို့ဝှက်ချက် ဖီကျန်သိဒါမာလဲ့ လီအိုဟာ။ 18အွယ့်ကြားမဲ့ နားကြိုင်ကြိုင်ကားလုဲင်။ ပလူး တစွိုစွို ကအိုစာကျွမ်ပလားပလားဒွို အီခံဗာတိုတဖီးလွို့။ ဒေါင့်မာလဲ့ ပလူးတစွို လီအိုဟစာစောင့်ဒီ့ အာအီစွမ်ဘာ တာကထင်ဒါး တအိုးဖုန်း" မိန့်နိန်းအွယ့်။ 19အငြီးကူ့ ကိုယ်တော်မွိုနောင် အာဟွော်ဖုန်းအွယ့် လေးလိုကာ အီခွယ်ကိုယ်တော်တာ။ ဒေါင့်မာလဲ့ ပလူးပရိသတ်ဖုန်း ဟေငါလွမ်ထွို့မဲ့ တွိုလေကာဒါဟ ကိုယ်တော်စောင့်။ 20အွယ့်ကြားမဲ့ ပလားအပလားအွယ့် "ကိုယ်တော်မွိုဒေါင် ပွော်ဖုန်း ဘာသခွယ်လိုကားဗွယ်မဲ့ အိုပွိုင်းလိုကား ခူ့နောင့်ကူ့" အာလျှောက် ကိုယ်တော်နိန်းအွယ့်။ 21အွယ့်ခါ့ ကိုယ်တော်အွယ့် "နာထွို့ ဗွယ်ဖရာနှုတ်ကပတ်တော်တရာဖုန်းထွို့မဲ့ ကလွိုက်နာစာကားကအိုဒီ ပျန့်တို ငါးမွိုနောင် ပွော်ဝေဖုန်း" မိန့်လင်နိန်းအွယ့်။ 22ဒါ့အငြီးကူ့ ကိုယ်တော်အွယ့် ထန်းကာဖောင်းလောင်ဒေါင်အာတပည့်ဖုန်းထွို့ "ကာ့လေးကာ သျှီ့အွိုင် ဒွိုးဗား" မိန့်နိန်းအွယ့်။ 23အွယ့်ကြားမဲ့ အာကား ကားလေးကာ သျှီ့အွိုင်အွယ့်ဗားခါ့ ကိုယ်တော်ယေရှုအွယ့် အိုငြီ့ ပိန်းတာဖောင်လောင်။ ကန်ဇျီးဒူထန်ကျွို့တာထွို့ ဖောင်တေဗင့်လင်းထွို့မဲ့ အာကာကြုံကာဘာဒေါင် အန္တရာယ်။ 24အွယ်မဲ့ အာကားမိုးထွိုင်းလိုကား ကိုယ်တော်ထွို့ " ဗွယ်၊ ဗွယ်က့အီစီ့ဘာလိထွို့" လျှောက်နိန်းအွယ့်။ ကိုယ်တော် အိုးငြီ့တာထွိုင်းထွို့ အာမိန့်လင်း ကန်ထွမ်ဒူ နောင် လိုင်ဒူဖုန်း ဖီးကာယွို့ကေ့။ ထွို့မဲ့ကန်ထွမ်ဒူ နောင် လိုင်ဒူဖုန်း ယင်လင်တွို့။ 25ထွို့မဲ့ "နားက့တယွမ်အမ်းဖုန်း စအိုကမာ" ကိုယ်တော် တစီ့လေ အာတပည့်ဖုန်းနိန်းအွယ့်။ ဒေါင့်မားလဲ့ အာကာအွယ့် ဟွမ့်ဆန်ထွို့ သဝလိုကာ။ အာကာအွယ့် "ပလူးဒွိုးပလား ဒွိုပလူးနိန်းမာ" လိုင်နောင် ကန်စွူးဖုန်းပလိုင်းနားခံဗား တွိုးအာအမိန့်" ဒေါင့်လိုလေလိုကားနိန်းအွယ့်။ 26ထွို့မဲ့ ကိုယ်တော်နောင် အာတပည့်ဖုန်းအွယ့် ကာလေးဂါလိလဲသျှီ့အွိုင်ထွို့ တွမ်လေကာဖောင်း ကမ်းခြေကအိုဒါ ဂါရစဝိန်းဆောင့်။ 27ကိုယ်တော်အွယ့် အိုဖောင်လောင်လင်းထွို့ ပလူးအိုဝိန်းအွယ့်ဝိန်း ကခံဘားတလီခိုဟပူစာအပလားအွယ့် လေခွယ် ကိုယ်တော်။ ပလားအွယ့်ပလားကုအွယ့် ပျန့် သလီခိုးဟအိုပူးစေးဟနေ။ အာအွယ့် ပျန့်တိုပလူး အိုဟယွမ်ကူ့၊ ကွမ်လာလဲ့ လီအိုတို့ဟ ထွို့ စစွာ့လေတာ စင်ခိုင်အောင့်ခါဖုန်းအပလား။ 28ပလားအွယ့်ပလား သျှီကိုယ်တော်ထွို့ အိုနန်းခေါက်လင် ရိုရိုစေစေ ကိုယ်တော်မေငါ့ထွို့ က့စင်တာထွို့မဲ့ "ဗွယ်ဖရာဖုခု ယေရှု၊ အိုလူတာငါးဆောင့်တဟနာ၊ ကျန်နိက်စက်မာငါးမာ၊ ငါးတောင်ပလန်တို "လျှောက်နိန်းအွယ့်။ 29ကလျှောက်ဒါးနိန်းအွယ့်ဒီ ကိုယ်တော်မိန့်လင် ဖီတလီခိုဟအွယ့်ဘာ ဖီစစွာ့ထန်းကေ့ပလူးအွယ့်ပလားကူ့အွယ်ကြားမဲ့ဟနေ။ တလီခိုဟအွယ့် ဖီမိုးဒုက္ခ ပလူးအွယ့်ပလား ခမိန်လိုင်လိုင်။ တွိုင့်ပလူးအွယ့်ပလား ကျွေ့ာ်ခင်နောင် နန်ပီးထထွို့ အိုပွိုင်းဟွိုင့်စေကန်းလဲ့ အာအွယ့် မိုးတကျွောကေ့ နန်ပီးထဖုန်းထွို့ အာခံဘာ တလီခိုဟဝါစွာ့ အွိုက် ပလူးလီအိုဟ တယင်တစ်ကူ့။ 30ကိုယ်တော်အွယ့် "နားနျန်းလမာ"ထွိုင်တစီ့အာထွို့ ပလားအွယ့်ပလားကူ့အွယ့် တလီခိုဟ ခမိန်ဘာဘာ အိုပူစေကန်းအွယ့်ကြားမဲ့ အာအွယ့် ပျန့်လေဂေါင်" အာလျှောက်ချာနိန်းအွယ့်။ 31တလီခိုဟဖုန်းအွယ့် "ကျန်တုန်မာ တအောင့်ယိုးအကင့်လီအိုဟ ပလားဖီတလီခိုဟအပျက်ဖုန်းကုမာ" တောင်ပလန်ကာ ကိုယ်တော်ယေရှုနိန်းအွယ့်။ 32အွယ့်ခါ့ ထို့ဖုန်းဒူအဖုန်းအွယ့် အမ်လိုကာစားလောင်ခေါင်။ တလီခိုဟဖုန်းအွယ့် တောင်ပလန်ကာကိုယ်တော် ဖီကခွင်ဖီး ကျိန်ပူစို့ ထို့အွယ့်ဟိုဖုန်းကူ့။ကိယ်တော်လဲ့ ဖီခွင်ဖီ။ 33ထွို့မဲ့ တလီခိုဟဖုန်းအွယ့် အိုပလူးအွယ့်ပလားကူ့ စစွာ့ထန်းထွို့ နျူးကျိန်းကာ ထို့ကူ့။ ထွို့မဲ့ ထို့အဖုန်းအာ့အွယ့် အိုကာလိုင်တနွှိုင်းလောင်ထွို့ တထွို့လင်းလိုကာ သျှီ့အွိုင်ကူ့ အလိုင်ချင်ထွို့ ဗင့်လင်းကကေ့သျှီကူ့။ 34ထွို့မဲ့ ထို့တီစာဖုန်းအွယ့် သျှီကားထို့ပျန့်နိန်းအွယ့်ထွို့ တထွို့လိုကားထွို့မဲ့ ဒေါင့်လိုကားစတင်အွယ့်ဘာ ဒုန့်ယောဝ် ဝိန်းယောဝ် အိုကေဒွမ်တွို့။ 35ပလူးဖုန်းအွယ့် ဖီးကသျှီကာ တပျန့်အွယ့်ဗားတာ အိုဝိန်းကု စာစွထန်းလိုကားထွို့၊ တွိုလေးလိုကာကိုယ်တော်ယေရှုဆောင့်။ အွယ့်ခါ့အွယ့် သျှီလိုကာ ပလူးကလွတ်ထန်းဒါ တလီခိုဟပူစာအွယ့်ပလား အိုတို့နောင် ကွမ်လာထွို့ အိုနန်းတာကိုယ်တော်ခင်ထိဆောင့် နောင်အိုခိုပကတိထွို့ ဟွမ့်ဆန်သဝလိုကား။ 36ထွိုမဲ့ ပလူးကသျှီဘာ တပျန့်အွယ့်ဘာစာ ကားကအိုလဲ့ ဒေါင့်လိုကာ တလီခိုဟပူး ပလူးအွယ့်ပလား တမာကေ့ပုံ။ 37ပလူးအိုဂါရစဝိန်းဆောင့်လေး ကျွမ်ပလားပလားဒီ့ စကန်ကာယွမ်တွို့မဲ့ တောင်ပလန်လိုကာ ကိုယ်တော်ယေရှု ဖီအိုဝိန်းကူ့စစွာ့ထန်ကေ့။ ကိုယ်ယေရှု နောင် အာတပည့်ဖုန်းလဲ့ ထန်းကာဖောင်လောင်ထွို့ အိုအွယ့်ရပ်ကူ့ စစွာ့ထန်ကာကေ့။ 38ခံဘာတလီခိုဟပူမဲ့ ကူ့ထွို့တမာကေ့စာအွယ့်ပလားလဲ့ ဖီးကခွင်ဖီးလေးတွဲ့ ကိုယ်တော်ထွို့ တောင်ပလန်ကိုယ်တော်။ ဒေါင့်မာလဲ့ ကိုယ်တော်ခွင်ဖီအွယ့်ပလား လေးတွဲ့ထွို့၊ 39"ကျိန်းနားယွမ်ထွို့ ဗွယ်ဖရာအွယ့် မိုးဖီတခိုနားလောင်တျာမား ကျိန်ဒေါင်နေ့ ပလူးကားကအိုလုဲင်" မိန့်နိန်းအွယ့်။ ထွို့မဲ့ ပလူးအွယ့်ပလားလဲ့ စစွာ့ကျွတ်တို့ဝိန်းထွို့ စာဒေါင့်နေ့ တကပျန့်ထန်ဖုန်း။ 40ထွို့မဲ့ ကိုယ်တော်ယေရှု ပြန်ကြွဒါ သျှီ့အွိုင့်ဒါအဒိုင့်ခါ့ လူထုပရိသတ်ကအိုပွိုင့်အာစာဖုန်းအွယ့် ကြိုလိုကာအာ။ 41အွယ့်ကူ့အွယ့် ပလူးကနျန်းဒါ ယာဣရု ယုဒမျိုစာ ဓမ္မရုံတာဝန်ခံအိုအပလား။ အွယ့်ပလားအွယ့် လေအိုနန်းခေါက်တာ ကိုယ်တော်မေငါ့ထွို့ အာပင်လျှောက်ကိုယ်တော် ဖီကကြွလေအာယွမ်။ 42ကွက်သဟနာမေဒေါင့်အွယ့် အာဖုမွော်အပလားတို ဆက်လအစီ့ငြီ့နိန်းအွယ့် ကွင်စီ့စီ့လိတာ အွယ့်ကြားမဲ့ဟနေ။ ကိုယ်တော်ကြွကျိန်း ယွမ်အွယ့်မာ ကလေ့လောင်ခါ့ လူထုပရိသတ်ဖုန်းလဲ့ တွဲ့ကျိန်းလိုကာကိုယ်တော်။ 43လူထုကူ့ခါ ပမွော်အပလားကူ့အွယ့် ပျန့်ကျွူ့ပလိုင်ရောဂါ အိုလိ အစီ့ငြီ့နိန်းမှန်မှန်။ အာအွယ့် ခံကူနန်နောင်ဘာစီဆရာထွို့ ခံလူးနောင်ကွမ့်ကားကအိုလဲ့ ဆရာလမားလဲ့ လီကူ့တမာဖီဒါဟ။ 44အာအွယ့် ရီ့ဘို့လေ ကိုယ်တော်ကန်စာ့ထွို့ ခွိုင်း ဘို့ကိုယ်တော်စင်းကန်းနောင်အကျွော့်ထွို့ အလိုင်ချင် အာကျွူပလိုင်လဲ့ ယွတ်စွူတွို့။ 45ကိုယ်တော်တစိ့ "လမာခွိုင်းငါး" အွယ့်ကြားမဲ့ ပလူးအို အာဆောင့်စာအွယ့် က့ခွိုင်းဘာဟကိုယ်တော် ပြန်လျှောက်ချာဒါ့ နိန်းအွယ့်။ အွယ်ခါ့တွင်အွယ့် ပလူးဖုန်းအိုနျန်လိုကားတာမဲ့ ပေတရုအွယ့် " ဗွယ်တီးနိုက့် ပလူးဖုန်းအိုနျန်းလိုကာ ခွူ့နေတွို့တာ" လျှောက်နိန်းအွယ့်။ 46ဒေါင့်မာလဲ့ ကိုယ်တော်ယေရှုအွယ့် "ပလူးအပလားပလားခွိုင်း အွိုငါး ကွက်တဟနာမေဒေါင့်အွယ့် ငါးခံစာဘာ တန်ခိုအို ငါးစောင့်စထန်" မိန့်ချာဒါ့နိန့်အွယ့်။ 47ပမွော်အွယ့်ပလားလဲ့ အာဖီဒင်အွိုဒါဒွမ့်ထွို့ စွိုထန်တွို့မဲ့ အာအိုနန်းခေါက်လင်ကိုယ်တော်မေငါ့ထွို့ အာစခွိုင်းဟို့ အာရောဂါ တမာစွူတွို့ခရာ အာဒေါင့်နေဖီပလား ကားကအို။ 48ကိုယ်တော်အွယ့် "နားကခိုဒါနိန်ဒွိုးဒွိုပြန့်တွို နားတယွမ်အမ်၊ ဗွယ်ဖရာဒွို ဖီးအိုငင်လိထွို့နာ"မိန့်ပမွော်အွယ့်ပလားနိန့်အွယ့်။ 49ကိုယ်တော်ယေရှု မိန့်နိန်းအွယ့်ခိန့် ပလူးအပလားအို ယာဣရု ယွမ်ကူ့ တွိုလေးထွို့ "နားဖုမွော် စီ့ကေ့လိထွို့၊ကျန်မိုးချုပ်မာဒွမ်းမာ ဆရာမာ" လေဒေါင့် ယာဣရုနိန်းအွယ့်။ 50ကိုယ်တော်ယေရှုထွိုင်းဟွမ့်ငိုအွယ့်ဘားထွို့ "ကျန်းနန်မာ။ အမ်ဒင်းဘို့ တယွမ်အမ်းငါးလုဲင်။ နားဖုမွှော် အီပြန်ခိုချာဒါ့တို"အာမိန့်လေ ယာဣရု နိန်းအွယ့်။ 51ကိုယ်တော်ကြွလေး ယာဣရုယွမ်ကူ့ခါ့ လွို့ထွို့ ပေတရု၊ ယောဟန်၊ ယာကုပ် ဒေါင် ပမွှော်ပီးပလားမွိုဖထွို့ခွင်ဖီဟ ပလူလငါ့ နွူးကျိန်းယွမ်ကူ့။ 52ပမွှော်ပီပလားစီ့ထွို့ ပလူးကားကအိုအွယ့် ငွိုယွမ်လိုကာတွို့တာ။ ဒေါင့်မာလဲ့ "ပသာဒွိုးပလားလီစိ့ဟာ၊ အာအိုငြီ့ပိန့်တာဟို့တို" ကိုယ်တော်ထွိုင်မိန့်နိန်းအွယ့် 53ပလူးဖုန်းအွယ့် တငါးပလာကားကိုယ်တော်ယေရှု။ မေဒေါင့်ဗားကွက်သဟနာအွယ့် အာကာသိစေးကမ်းကာ ပမွှော်အွယ့်ပလား စီ့လိမဲ့ ဟနေ။ 54ကိုယ်တော်ယေရှုအွယ့် ကျန်းစေးကန်း ပမွှော်အိုစီ့တာအွယ့်ပလားကျွော့်ထွို့ "ပသာပီ၊ထွိုင်ချန်းလုဲင်" မိန့်နိန်းအွယ့်။ 55ပမွှော်ပီအွယ့် ဆက်မွမ်ထန်စွူတွို့အလိုင်ချင်ထွို့ ထွိုင်အိုနန်းတာ။ ကိုယ်တော်ယေရှုအွယ့် ဖီးအမ်ပသာပီတအမ်တစွိုစွို လုဲင်ဒေါင့်အာကား နိန်းအွယ့်။ 56အာမွိုဖ ဖုန်းအွယ့် ဟွမ့်ဆန်လွန်လိုကာတွို။ ဒေါင့်မားလဲ့ ကိုယ်တော်အွယ့် တပျန့် ဒွိုးဘာဒွိုး ကျန်ဒေါင့်နေမ ဟလမားမားမှာ မိန့်နိန်းအွယ့်။
Избрани в момента:
Luke 8: ltpv-rv
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 8
8
1ထွို့မဲ့ ငြီးဟ ကိုယ်တော်အွယ့် နောင်သာဝကအစီ့ငြီ့ပလား လေးကာဝိန်းဖုန်းဒုန့်ဖုန်းကျွက်ကျက်တွို့ထွို့ အာစာဟိုစွမ်းဖီ ဗွယ်ဖရာ သာသနာတော်ခရာဖုန်း။ 2နောင်ကိုယ်တော်၊ ကခံဘာဒါ တစာ့ရောဂါတမာစာဖုန်းနောင် ပမွော်ကခံဘာဒါ ကုတမာဖီးတလီးခိုးဟပူးဖုန်းလဲ့ ပါလေးတွဲ့ကာ။ အွယ့်ကုပါးအွယ့် ခံဘာတလီခိုဟအန်နျို့ဘာပူးထွို့ ကခံဘာ ဝါစွာ့ထန်းဖီးကေ့ တလီခိုဟအွယ့်ဟိုဖုန်း ပမွော်နျန်းမာရိအိုဒုန့်'မာဂဒလ' လဲ့ပါပါ။ 3ထွို့မဲ့ ခွမ့်ဟေရုဒ်တမိုးစား ခုဇ အာမာကနျန်းဒါ ယောဟန္န၊ ရှုရှန္နဒေါင် ပမွော်လငါ့ဖုန်းအွယ့်လဲ့ ထောက်ပံ့ဖီးကာ ကိုယ်တော်ယေရှု ဒေါင်အာတပည့်ဖုန်း နောင် အာကာတရျတ်တိုး။ 4ပလူးကျွို ကအိုဒါ ဝိန်းဒုန့်ဖုန်းကူ့အွယ့် စုထွို့ တွဲ့လေးလိုကာ ကိုယ်တော်ယေရှု ကန်စာ့။ ကိုယ်တော်အွယ့် ဒေါင့်နေ ပလူးကျွို တတိုက်တွိုင်ဒွို့ဘာ။ 5အကီခါ့ဒီ့ လုဲင်စာအပလားအွယ့် အီးရုဲင့်တစူ့တာ အလေးလေလုဲင်ကွင်ကူ့။ လုဲင်စာအွယ့်ပလားထွိုင်ရုဲင့် ထွို့တစူ့ခါ့ တစူ့ပိန်ကွော့ကွောအွယ့် တွိုထန်းကေ့ ကလေ့စို့ကူ့ ။ ပလူးဖုန်းယျန်လိုကားထွို့ထူးဖုန့်တွမ်းအမ်းလိုကာ တစွို့အွယ့်ဟို။ 6တစူ့လငါ့ဖုန်းအွယ့် လင်တေး ဟန်းစာလီအိုဟ နောင် လုံဟန်လောင်ထွို့ အမွိုင်ဖုန်း ဒို့ထန်းလိုကာ။ ဒေါင့်မာလဲ့ သျှီဖုန်း ဟန်စာဖုန်းလီနွမ်းဟအွယ့်မဲ့ ငီးဟ နျွူးထွို့စိုင့်ကျိန်းလိုကာ။ 7တစူ့ပိန်ကွော့ကွော့အွယ့် လင်တေးလိုကားတဟွော်ကျုံးခလား။ အာမွိုင်ဖုန်းမေဒိုးထန်းလဲ့ ခံဗားတငွိုး တဟွော်ကျုံးလား။ 8တစူ့ပိန်ကွော့ကွော့အွယ့် လင်တေးလိုကား ခလမ်ဟမ်စာခိုကူ့မဲ့ အမွိုင်ဒို့ကားထန်ထွို့ အာသားဒါးတွို့ အပွမ်အယား" မိန်းလေနိန်းအွယ့်။ ထွိုင်မိန့်နိန်းအွယ့်ထွို့ " ပလူးကနာမိုဒါ နာအိုစာဖုန်း နားကြိုင်ကြိုင်ကာလုဲင်"အာက့လေနိန်းအွယ့်။ 9ထွို့မဲ့ တပည့်ဖုန်းအွယ့် တစိ့လိုကား ကိုယ်တော်ယေရှု တတိုက်တွိုင်အွယ့် ဘာသဒေါင့်ဟနာ။ 10ထွို့မဲ့ ကိုယ်တော်အွယ့် "ဗွယ်ဖရာဒွို ဖီအပ်ထွို့လိနားက့ ဟွမ်သိဘာဒါ အာသာသနာတော်လျှို့ဝှက်ချက်အခွင်။ ဒေါင့်မာလဲ့ ပလူးလငါ့ဖုန်းအွယ့် ဟွိုင့်လဲ့ လီသျှီ၊ ဟွမ့်လဲ့လီသိနာဟအွယ့်ကြားမဲ့ ရှင်နေဖီးဘာ အာကာနောင် တတိုက်တွိုင်ဖုန်း" မိန့်နိန်းအွယ့်။ 11တတိုက်တွိုင် အဓိပ္ပာယ်ဒွို တစူ့ဒွို ပျန့်တိုဗွယ်ဖရာ နှုတ်ကပတ်တော်ဖုန်းဟနေ။ 12တစူ့ကလင်တေးဒါ ကလေလောင်ဖုန်းအွယ့် ဘာသဒေါင့်ဗွမ့်နောင် ပလူးနာဟွမ့်ဘာ ဗွယ်ဖရာနှုတ်ကပတ်တော်ဖုန်း။ဒေါင့်မာလဲ့ မာရ်နတ်အွယ့်လေးတွိုထွို့ မိုးကေ့ကေ့ အာကာတယွမ်အန် ဖီကျန်တွိုမှာ တကယ်ကုမာထွို့ လေသျှီထန်ကေ့ ဗွယ်ဖရာနှုတ်ကပတ်တော်တရာ ကအိုဒါ ပလူးအွယ့်ဟိုသကူ့ဖုန်း။ 13တစူ့ကလင်တေးဒါလုံဟမ်းလောင်အွယ့် ဘာသဒေါင့် ဗွမ့်နောင် ကာနာဟွမ့်ဘာ ဗွယ်ဖရာနှုတ်ကပတ်တော်တရာဖုန်းထွို့ ဟွမ်ခိုလက်ခံစွူတို့အလိုင်းချင်။ ဒေါင့်မာလဲ့ အကျွူဒွို့ အီအိုကျွိုင်ငါ့ဟ။ အာကာအွယ့် ယွမ်အန် လက်ခံကာဘို့ အခိန်းအဆင်းကူ့ဟို့။ ဖဝကူ့ မေကြုံခွယ်ဘားဒေါင်တခုဲင်းခါ့ ဖီကြွ့လိုကားကေ့နှုတ်ကပတ်တရာအွယ့်ဟို အလိုင်ချင်။ 14တစူ့ကလင်တေးဒါ တဟွော်ကျုံးခါဖုန့်အွယ့် ဘာသဒေါင့်ဗွမ့်နောင် နားထွို့လက်ခံ နှုတ်ကပတ်တရာဖုန်း ဒေါင့်မာလဲ့ လောဖလွမ်ငါ တချမ်စားနောင် တစားယာဖုန်းမဲ့ ကမားခါ့ယောဝ် လီမိုးပွာကာဟ နှုတ်ကပတ်တရာဖုန်း။ 15တစူ့ကလင်တေးဒါ ဟမ်းယာဟမ်းစာခိုးလောင်အွယ့် ဘာသဒေါင့်ဗွမ်နောင့် နားဟွမ့်ဗားနှုတ်ကပတ်တော်တရာဖုန်းထွို့မဲ့ ဈန်စေးကာအာကသရိုစားကူ့ထွို့ အသာအကောဝ်ဖုန်း သာကောဝ်ထန်းလိုကာ။ 16လီ့မီးအိမ်ထွို့ ဖီကလူးနောင် ခရောင့်ခယောဝ် အမ်ဒင်းကူခအလားခယောဝ် ပလူးကောဈန်နိန်းအွယ့်စာ လီအိုဟ။ မီးအိမ်အွယ့် မေဖီဗွိုင် မီထွမ်လောင်မဲ့ ပလူးကနျူးကျိန်းစာ အီးသျှီးဗား တရောင်ခ။ 17တာဒင်းအွိုးဒါ ဖီကျန်သိဒါမာဒွို လီဒါဟာ။ လျှို့ဝှက်ချက် ဖီကျန်သိဒါမာလဲ့ လီအိုဟာ။ 18အွယ့်ကြားမဲ့ နားကြိုင်ကြိုင်ကားလုဲင်။ ပလူး တစွိုစွို ကအိုစာကျွမ်ပလားပလားဒွို အီခံဗာတိုတဖီးလွို့။ ဒေါင့်မာလဲ့ ပလူးတစွို လီအိုဟစာစောင့်ဒီ့ အာအီစွမ်ဘာ တာကထင်ဒါး တအိုးဖုန်း" မိန့်နိန်းအွယ့်။ 19အငြီးကူ့ ကိုယ်တော်မွိုနောင် အာဟွော်ဖုန်းအွယ့် လေးလိုကာ အီခွယ်ကိုယ်တော်တာ။ ဒေါင့်မာလဲ့ ပလူးပရိသတ်ဖုန်း ဟေငါလွမ်ထွို့မဲ့ တွိုလေကာဒါဟ ကိုယ်တော်စောင့်။ 20အွယ့်ကြားမဲ့ ပလားအပလားအွယ့် "ကိုယ်တော်မွိုဒေါင် ပွော်ဖုန်း ဘာသခွယ်လိုကားဗွယ်မဲ့ အိုပွိုင်းလိုကား ခူ့နောင့်ကူ့" အာလျှောက် ကိုယ်တော်နိန်းအွယ့်။ 21အွယ့်ခါ့ ကိုယ်တော်အွယ့် "နာထွို့ ဗွယ်ဖရာနှုတ်ကပတ်တော်တရာဖုန်းထွို့မဲ့ ကလွိုက်နာစာကားကအိုဒီ ပျန့်တို ငါးမွိုနောင် ပွော်ဝေဖုန်း" မိန့်လင်နိန်းအွယ့်။ 22ဒါ့အငြီးကူ့ ကိုယ်တော်အွယ့် ထန်းကာဖောင်းလောင်ဒေါင်အာတပည့်ဖုန်းထွို့ "ကာ့လေးကာ သျှီ့အွိုင် ဒွိုးဗား" မိန့်နိန်းအွယ့်။ 23အွယ့်ကြားမဲ့ အာကား ကားလေးကာ သျှီ့အွိုင်အွယ့်ဗားခါ့ ကိုယ်တော်ယေရှုအွယ့် အိုငြီ့ ပိန်းတာဖောင်လောင်။ ကန်ဇျီးဒူထန်ကျွို့တာထွို့ ဖောင်တေဗင့်လင်းထွို့မဲ့ အာကာကြုံကာဘာဒေါင် အန္တရာယ်။ 24အွယ်မဲ့ အာကားမိုးထွိုင်းလိုကား ကိုယ်တော်ထွို့ " ဗွယ်၊ ဗွယ်က့အီစီ့ဘာလိထွို့" လျှောက်နိန်းအွယ့်။ ကိုယ်တော် အိုးငြီ့တာထွိုင်းထွို့ အာမိန့်လင်း ကန်ထွမ်ဒူ နောင် လိုင်ဒူဖုန်း ဖီးကာယွို့ကေ့။ ထွို့မဲ့ကန်ထွမ်ဒူ နောင် လိုင်ဒူဖုန်း ယင်လင်တွို့။ 25ထွို့မဲ့ "နားက့တယွမ်အမ်းဖုန်း စအိုကမာ" ကိုယ်တော် တစီ့လေ အာတပည့်ဖုန်းနိန်းအွယ့်။ ဒေါင့်မားလဲ့ အာကာအွယ့် ဟွမ့်ဆန်ထွို့ သဝလိုကာ။ အာကာအွယ့် "ပလူးဒွိုးပလား ဒွိုပလူးနိန်းမာ" လိုင်နောင် ကန်စွူးဖုန်းပလိုင်းနားခံဗား တွိုးအာအမိန့်" ဒေါင့်လိုလေလိုကားနိန်းအွယ့်။ 26ထွို့မဲ့ ကိုယ်တော်နောင် အာတပည့်ဖုန်းအွယ့် ကာလေးဂါလိလဲသျှီ့အွိုင်ထွို့ တွမ်လေကာဖောင်း ကမ်းခြေကအိုဒါ ဂါရစဝိန်းဆောင့်။ 27ကိုယ်တော်အွယ့် အိုဖောင်လောင်လင်းထွို့ ပလူးအိုဝိန်းအွယ့်ဝိန်း ကခံဘားတလီခိုဟပူစာအပလားအွယ့် လေခွယ် ကိုယ်တော်။ ပလားအွယ့်ပလားကုအွယ့် ပျန့် သလီခိုးဟအိုပူးစေးဟနေ။ အာအွယ့် ပျန့်တိုပလူး အိုဟယွမ်ကူ့၊ ကွမ်လာလဲ့ လီအိုတို့ဟ ထွို့ စစွာ့လေတာ စင်ခိုင်အောင့်ခါဖုန်းအပလား။ 28ပလားအွယ့်ပလား သျှီကိုယ်တော်ထွို့ အိုနန်းခေါက်လင် ရိုရိုစေစေ ကိုယ်တော်မေငါ့ထွို့ က့စင်တာထွို့မဲ့ "ဗွယ်ဖရာဖုခု ယေရှု၊ အိုလူတာငါးဆောင့်တဟနာ၊ ကျန်နိက်စက်မာငါးမာ၊ ငါးတောင်ပလန်တို "လျှောက်နိန်းအွယ့်။ 29ကလျှောက်ဒါးနိန်းအွယ့်ဒီ ကိုယ်တော်မိန့်လင် ဖီတလီခိုဟအွယ့်ဘာ ဖီစစွာ့ထန်းကေ့ပလူးအွယ့်ပလားကူ့အွယ်ကြားမဲ့ဟနေ။ တလီခိုဟအွယ့် ဖီမိုးဒုက္ခ ပလူးအွယ့်ပလား ခမိန်လိုင်လိုင်။ တွိုင့်ပလူးအွယ့်ပလား ကျွေ့ာ်ခင်နောင် နန်ပီးထထွို့ အိုပွိုင်းဟွိုင့်စေကန်းလဲ့ အာအွယ့် မိုးတကျွောကေ့ နန်ပီးထဖုန်းထွို့ အာခံဘာ တလီခိုဟဝါစွာ့ အွိုက် ပလူးလီအိုဟ တယင်တစ်ကူ့။ 30ကိုယ်တော်အွယ့် "နားနျန်းလမာ"ထွိုင်တစီ့အာထွို့ ပလားအွယ့်ပလားကူ့အွယ့် တလီခိုဟ ခမိန်ဘာဘာ အိုပူစေကန်းအွယ့်ကြားမဲ့ အာအွယ့် ပျန့်လေဂေါင်" အာလျှောက်ချာနိန်းအွယ့်။ 31တလီခိုဟဖုန်းအွယ့် "ကျန်တုန်မာ တအောင့်ယိုးအကင့်လီအိုဟ ပလားဖီတလီခိုဟအပျက်ဖုန်းကုမာ" တောင်ပလန်ကာ ကိုယ်တော်ယေရှုနိန်းအွယ့်။ 32အွယ့်ခါ့ ထို့ဖုန်းဒူအဖုန်းအွယ့် အမ်လိုကာစားလောင်ခေါင်။ တလီခိုဟဖုန်းအွယ့် တောင်ပလန်ကာကိုယ်တော် ဖီကခွင်ဖီး ကျိန်ပူစို့ ထို့အွယ့်ဟိုဖုန်းကူ့။ကိယ်တော်လဲ့ ဖီခွင်ဖီ။ 33ထွို့မဲ့ တလီခိုဟဖုန်းအွယ့် အိုပလူးအွယ့်ပလားကူ့ စစွာ့ထန်းထွို့ နျူးကျိန်းကာ ထို့ကူ့။ ထွို့မဲ့ ထို့အဖုန်းအာ့အွယ့် အိုကာလိုင်တနွှိုင်းလောင်ထွို့ တထွို့လင်းလိုကာ သျှီ့အွိုင်ကူ့ အလိုင်ချင်ထွို့ ဗင့်လင်းကကေ့သျှီကူ့။ 34ထွို့မဲ့ ထို့တီစာဖုန်းအွယ့် သျှီကားထို့ပျန့်နိန်းအွယ့်ထွို့ တထွို့လိုကားထွို့မဲ့ ဒေါင့်လိုကားစတင်အွယ့်ဘာ ဒုန့်ယောဝ် ဝိန်းယောဝ် အိုကေဒွမ်တွို့။ 35ပလူးဖုန်းအွယ့် ဖီးကသျှီကာ တပျန့်အွယ့်ဗားတာ အိုဝိန်းကု စာစွထန်းလိုကားထွို့၊ တွိုလေးလိုကာကိုယ်တော်ယေရှုဆောင့်။ အွယ့်ခါ့အွယ့် သျှီလိုကာ ပလူးကလွတ်ထန်းဒါ တလီခိုဟပူစာအွယ့်ပလား အိုတို့နောင် ကွမ်လာထွို့ အိုနန်းတာကိုယ်တော်ခင်ထိဆောင့် နောင်အိုခိုပကတိထွို့ ဟွမ့်ဆန်သဝလိုကား။ 36ထွိုမဲ့ ပလူးကသျှီဘာ တပျန့်အွယ့်ဘာစာ ကားကအိုလဲ့ ဒေါင့်လိုကာ တလီခိုဟပူး ပလူးအွယ့်ပလား တမာကေ့ပုံ။ 37ပလူးအိုဂါရစဝိန်းဆောင့်လေး ကျွမ်ပလားပလားဒီ့ စကန်ကာယွမ်တွို့မဲ့ တောင်ပလန်လိုကာ ကိုယ်တော်ယေရှု ဖီအိုဝိန်းကူ့စစွာ့ထန်ကေ့။ ကိုယ်ယေရှု နောင် အာတပည့်ဖုန်းလဲ့ ထန်းကာဖောင်လောင်ထွို့ အိုအွယ့်ရပ်ကူ့ စစွာ့ထန်ကာကေ့။ 38ခံဘာတလီခိုဟပူမဲ့ ကူ့ထွို့တမာကေ့စာအွယ့်ပလားလဲ့ ဖီးကခွင်ဖီးလေးတွဲ့ ကိုယ်တော်ထွို့ တောင်ပလန်ကိုယ်တော်။ ဒေါင့်မာလဲ့ ကိုယ်တော်ခွင်ဖီအွယ့်ပလား လေးတွဲ့ထွို့၊ 39"ကျိန်းနားယွမ်ထွို့ ဗွယ်ဖရာအွယ့် မိုးဖီတခိုနားလောင်တျာမား ကျိန်ဒေါင်နေ့ ပလူးကားကအိုလုဲင်" မိန့်နိန်းအွယ့်။ ထွို့မဲ့ ပလူးအွယ့်ပလားလဲ့ စစွာ့ကျွတ်တို့ဝိန်းထွို့ စာဒေါင့်နေ့ တကပျန့်ထန်ဖုန်း။ 40ထွို့မဲ့ ကိုယ်တော်ယေရှု ပြန်ကြွဒါ သျှီ့အွိုင့်ဒါအဒိုင့်ခါ့ လူထုပရိသတ်ကအိုပွိုင့်အာစာဖုန်းအွယ့် ကြိုလိုကာအာ။ 41အွယ့်ကူ့အွယ့် ပလူးကနျန်းဒါ ယာဣရု ယုဒမျိုစာ ဓမ္မရုံတာဝန်ခံအိုအပလား။ အွယ့်ပလားအွယ့် လေအိုနန်းခေါက်တာ ကိုယ်တော်မေငါ့ထွို့ အာပင်လျှောက်ကိုယ်တော် ဖီကကြွလေအာယွမ်။ 42ကွက်သဟနာမေဒေါင့်အွယ့် အာဖုမွော်အပလားတို ဆက်လအစီ့ငြီ့နိန်းအွယ့် ကွင်စီ့စီ့လိတာ အွယ့်ကြားမဲ့ဟနေ။ ကိုယ်တော်ကြွကျိန်း ယွမ်အွယ့်မာ ကလေ့လောင်ခါ့ လူထုပရိသတ်ဖုန်းလဲ့ တွဲ့ကျိန်းလိုကာကိုယ်တော်။ 43လူထုကူ့ခါ ပမွော်အပလားကူ့အွယ့် ပျန့်ကျွူ့ပလိုင်ရောဂါ အိုလိ အစီ့ငြီ့နိန်းမှန်မှန်။ အာအွယ့် ခံကူနန်နောင်ဘာစီဆရာထွို့ ခံလူးနောင်ကွမ့်ကားကအိုလဲ့ ဆရာလမားလဲ့ လီကူ့တမာဖီဒါဟ။ 44အာအွယ့် ရီ့ဘို့လေ ကိုယ်တော်ကန်စာ့ထွို့ ခွိုင်း ဘို့ကိုယ်တော်စင်းကန်းနောင်အကျွော့်ထွို့ အလိုင်ချင် အာကျွူပလိုင်လဲ့ ယွတ်စွူတွို့။ 45ကိုယ်တော်တစိ့ "လမာခွိုင်းငါး" အွယ့်ကြားမဲ့ ပလူးအို အာဆောင့်စာအွယ့် က့ခွိုင်းဘာဟကိုယ်တော် ပြန်လျှောက်ချာဒါ့ နိန်းအွယ့်။ အွယ်ခါ့တွင်အွယ့် ပလူးဖုန်းအိုနျန်လိုကားတာမဲ့ ပေတရုအွယ့် " ဗွယ်တီးနိုက့် ပလူးဖုန်းအိုနျန်းလိုကာ ခွူ့နေတွို့တာ" လျှောက်နိန်းအွယ့်။ 46ဒေါင့်မာလဲ့ ကိုယ်တော်ယေရှုအွယ့် "ပလူးအပလားပလားခွိုင်း အွိုငါး ကွက်တဟနာမေဒေါင့်အွယ့် ငါးခံစာဘာ တန်ခိုအို ငါးစောင့်စထန်" မိန့်ချာဒါ့နိန့်အွယ့်။ 47ပမွော်အွယ့်ပလားလဲ့ အာဖီဒင်အွိုဒါဒွမ့်ထွို့ စွိုထန်တွို့မဲ့ အာအိုနန်းခေါက်လင်ကိုယ်တော်မေငါ့ထွို့ အာစခွိုင်းဟို့ အာရောဂါ တမာစွူတွို့ခရာ အာဒေါင့်နေဖီပလား ကားကအို။ 48ကိုယ်တော်အွယ့် "နားကခိုဒါနိန်ဒွိုးဒွိုပြန့်တွို နားတယွမ်အမ်၊ ဗွယ်ဖရာဒွို ဖီးအိုငင်လိထွို့နာ"မိန့်ပမွော်အွယ့်ပလားနိန့်အွယ့်။ 49ကိုယ်တော်ယေရှု မိန့်နိန်းအွယ့်ခိန့် ပလူးအပလားအို ယာဣရု ယွမ်ကူ့ တွိုလေးထွို့ "နားဖုမွော် စီ့ကေ့လိထွို့၊ကျန်မိုးချုပ်မာဒွမ်းမာ ဆရာမာ" လေဒေါင့် ယာဣရုနိန်းအွယ့်။ 50ကိုယ်တော်ယေရှုထွိုင်းဟွမ့်ငိုအွယ့်ဘားထွို့ "ကျန်းနန်မာ။ အမ်ဒင်းဘို့ တယွမ်အမ်းငါးလုဲင်။ နားဖုမွှော် အီပြန်ခိုချာဒါ့တို"အာမိန့်လေ ယာဣရု နိန်းအွယ့်။ 51ကိုယ်တော်ကြွလေး ယာဣရုယွမ်ကူ့ခါ့ လွို့ထွို့ ပေတရု၊ ယောဟန်၊ ယာကုပ် ဒေါင် ပမွှော်ပီးပလားမွိုဖထွို့ခွင်ဖီဟ ပလူလငါ့ နွူးကျိန်းယွမ်ကူ့။ 52ပမွှော်ပီပလားစီ့ထွို့ ပလူးကားကအိုအွယ့် ငွိုယွမ်လိုကာတွို့တာ။ ဒေါင့်မာလဲ့ "ပသာဒွိုးပလားလီစိ့ဟာ၊ အာအိုငြီ့ပိန့်တာဟို့တို" ကိုယ်တော်ထွိုင်မိန့်နိန်းအွယ့် 53ပလူးဖုန်းအွယ့် တငါးပလာကားကိုယ်တော်ယေရှု။ မေဒေါင့်ဗားကွက်သဟနာအွယ့် အာကာသိစေးကမ်းကာ ပမွှော်အွယ့်ပလား စီ့လိမဲ့ ဟနေ။ 54ကိုယ်တော်ယေရှုအွယ့် ကျန်းစေးကန်း ပမွှော်အိုစီ့တာအွယ့်ပလားကျွော့်ထွို့ "ပသာပီ၊ထွိုင်ချန်းလုဲင်" မိန့်နိန်းအွယ့်။ 55ပမွှော်ပီအွယ့် ဆက်မွမ်ထန်စွူတွို့အလိုင်ချင်ထွို့ ထွိုင်အိုနန်းတာ။ ကိုယ်တော်ယေရှုအွယ့် ဖီးအမ်ပသာပီတအမ်တစွိုစွို လုဲင်ဒေါင့်အာကား နိန်းအွယ့်။ 56အာမွိုဖ ဖုန်းအွယ့် ဟွမ့်ဆန်လွန်လိုကာတွို။ ဒေါင့်မားလဲ့ ကိုယ်တော်အွယ့် တပျန့် ဒွိုးဘာဒွိုး ကျန်ဒေါင့်နေမ ဟလမားမားမှာ မိန့်နိန်းအွယ့်။
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.