Ageun 18
18
1 #
Age 13:18; 14:13; Asw 7:2. Kitaanyikin EJAKAIT ŋes koluan luka Mamure, nakiboio kokek loka ewemake kidin paaran: 2#Bur 13:2; Age 18:22; 19:1; 1 Pet 4:9. Kiteluo akekonye kite, ido koany, ebwoete ituŋa iuni kakonyeneke. Nakeanyunia kes, koker kokek loka ewema airiamun kakes; kisudedikin kwap. 3Kotema atiar, “Wu EkaJAKAIT, arai adumunit asianut kakonyenekon, kenaiŋait, sirikitubor ainac ekonibulesit. 4#Age 24:32; 43:24. Aso cabo koinun adisikipi, kilotasi akusikeje, kiyenut kotolim loka ekitoi. 5Ayauni eoŋ idionyamat, kolakaros itauonokus: kosodete konyet kotuboros. Naarai idolut neejai ekusibulesit.” Kotemasi atiar, “Kiswama kwaŋin kwape ibalar.” 6Kisunya Aburaam alomar owema neejai Sara, kotema atiar, “Kisunyak kitemok aitemisio auni nuka akiria nuidicic, kigurunio atap.” 7Koker Aburaam osipan, koyau itaok yenejok yenirosok, koinak ekejaanakinan; kisunyak aipoore. 8Koyana akinyet ka akile, ka itaok yenetemokinit, kibwaik akonyenekec; kobwo koapie kakes kotolim loka ekitoi, konyama.
9 #
Age 24:67; Tit 2:5. Kotemasi atiar, “Ai bo ejai akoniberu Sara?” Kotema atiar, “Koany, ejai owema.” 10#Rom 9:9; Age 21:2; Luk 1:13. Kotema atiar, “Abeit aboŋuni eoŋ neijai kedol apak; ido koany, euruuni akoniberu Sara ikoku yenitelepat.” Kiira Sara kokek loka ewema lokejai kauken, 11#Rom 4:19; Bur 11:11. Ido kemoiotjito noi Aburaam ka Sara, kokokosanito ikar luipu noi: mam bobo Sara ajai kwape ejaar eipone loka aŋor. 12#1 Pet 3:6; Luk 1:18; Age 17:17. Kokieni Sara kotauke atiar, “Kadau amoion kwana, ekajakait da emoionit, eyalamikin kereka eoŋ?” 13Kotema EJAKAIT Aburaam atiar, “Inyo bo etekien Sara, ebe, ‘Auruuni kereka eoŋ ikoku amojoŋit?’ 14#Luk 1:37; Sab 115:3; Yer 32:17; Sek 8:6; Mat 3:9; 19:26; Rom 4:21; Bur 11:19. Ejai ibore yenikaruni EJAKAIT? Aboŋuni eoŋ neijai kapaarasia kaŋun, kedolo apak, ido euruuni Sara esapat.” 15Kosodi Sara aipeg ebe, “Mam akienit”; naarai akuriana. Kotema ŋes atiar, “Mam; konye ikienit.”
16Konyout ituŋa kanen, kiteluosi Sodom; kinyamak Aburaam kes orot. 17#Sab 25:14; Amo 3:7; Yok 15:15. Kotema EJAKAIT atiar, “Emunonikini kereka eoŋ Aburaam nin naeswamai? 18#Age 12:3; 22:18; Sab 72:17; Asw 3:25; Gal 3:8,9,16,18. Naarai abeit eraun Aburaam ateker naepol nakagogon, isirerenio da atekerin kere nuka akwap kotomaken. 19#Ikis 6:6,7; Yos 24:15; Pes 6:4. Naarai ajenu ŋes kanuka nu, tetere icorakini ikedwe ka lukokaleke luetupakinete, tetere ericito erot loka EJAKAIT, aswam abeit ka etube; tetere einuni EJAKAIT Aburaam ŋun nuabu kinerak ŋes.” 20#Age 4:10; 19:13; Yak 5:4. Kotema EJAKAIT atiar, “Naarai epol noi aimony naka Sodom ka Gomora, ido naarai eroko noi adiakanaretakec; 21#Age 11:5; Any 3:8; Sab 14:2; Bur 4:13. Mere ber kejesar kaany arai eswamaata cut kwape ejaar aimony naabu kodol neajai; arai mere kwaŋin, aienuni.”
22 #
Age 18:1,2. Kotiakas ituŋa kanen, koloto Sodom; konye koroko Aburaam ebwoi kakonyen nuka EJAKAIT. 23#Mar 16:22; 2 Sam 24:17; Sab 11:4-7. Kikunyak Aburaam kotema atiar, “Imudiari kereka ijo ikadolitok nepepe kikaronok? 24#Mat 7:13,14. Elemuni ejaas ikadolitok akaisakany toma ore: imudiari komam itimi aibois kanuka ikadolitok akaisakany luejaas toma? 25#Isa 3:10,11; Yob 8:3,20; Sab 58:11; 94:2; Rom 3:5,6. Tiesil ijo aswam kwaŋin, aiar ikadolitok nepepe kikaronok; tiesilok ŋun; mam Ekatubon loka akwap kere iswamai nuka adolit?” 26#Yer 5:1; Esk 22:30; Mat 24:22. Kotema EJAKAIT atiar, “Arai kadum koSodom ikadolitok akaisakany kotoma ore, etimi aibois kere kanukec.” 27#Luk 18:1; Sab 8:4. Koboŋok Aburaam kotema atiar, “Koany, atamak eoŋ einer ka EJAKAIT, karaida karai eoŋ apua ka ekurwon: 28Elemuni emamuunete ikany kotoma ikadolitok akaisakany; imudiari ere kere naarai amamuut ikany?” Kotema atiar, “Mam amudiari, arai kadum kanen akaisaoŋon ka lukany.” 29#1 Ses 5:17. Kinera kaŋes bobo atiar, “Elemuni etakanunete akaisaoŋon.” Kotema atiar, “Mam eswamai kwaŋin kanuka nul akaisaoŋon.” 30#Isa 55:8,9. Kotema atiar, “Kenainait, wu EJAKAIT, sirikinyunyurikin, mere kener bobo: elemuni kotakanut akaisauni kanen.” Kotema atiar, “Mam eswamai kwaŋin arai kadum akaisauni.” 31#Bur 4:16. Kotema atiar, “Koany, atamak eoŋ einer ka EJAKAIT: elemuni kotakanut akaisaarei kanen.” Kotema atiar, “Mam amudiari kanuka ŋul akaisaarei.” 32#Tub 6:39; Any 34:6,7; Sab 34:15; Awa 15:29; 1 Yok 3:22; Yak 5:16. Kotema atiar, “Kenainait, EJAKAIT, sirikinyunyurikin, mere kener bobo irwan na bon: elemuni kotakanut itomon.” Kotema atiar, “Mam amudiari kanuka nul itomon.” 33Kolot EJAKAIT, napekedaunia ŋesi einer ka Aburaam: kobono Aburaam aiboisike.
Избрани в момента:
Ageun 18: AOV1961
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Ateso Old Version Bible © United Bible Societies, 1961.
Ageun 18
18
1 #
Age 13:18; 14:13; Asw 7:2. Kitaanyikin EJAKAIT ŋes koluan luka Mamure, nakiboio kokek loka ewemake kidin paaran: 2#Bur 13:2; Age 18:22; 19:1; 1 Pet 4:9. Kiteluo akekonye kite, ido koany, ebwoete ituŋa iuni kakonyeneke. Nakeanyunia kes, koker kokek loka ewema airiamun kakes; kisudedikin kwap. 3Kotema atiar, “Wu EkaJAKAIT, arai adumunit asianut kakonyenekon, kenaiŋait, sirikitubor ainac ekonibulesit. 4#Age 24:32; 43:24. Aso cabo koinun adisikipi, kilotasi akusikeje, kiyenut kotolim loka ekitoi. 5Ayauni eoŋ idionyamat, kolakaros itauonokus: kosodete konyet kotuboros. Naarai idolut neejai ekusibulesit.” Kotemasi atiar, “Kiswama kwaŋin kwape ibalar.” 6Kisunya Aburaam alomar owema neejai Sara, kotema atiar, “Kisunyak kitemok aitemisio auni nuka akiria nuidicic, kigurunio atap.” 7Koker Aburaam osipan, koyau itaok yenejok yenirosok, koinak ekejaanakinan; kisunyak aipoore. 8Koyana akinyet ka akile, ka itaok yenetemokinit, kibwaik akonyenekec; kobwo koapie kakes kotolim loka ekitoi, konyama.
9 #
Age 24:67; Tit 2:5. Kotemasi atiar, “Ai bo ejai akoniberu Sara?” Kotema atiar, “Koany, ejai owema.” 10#Rom 9:9; Age 21:2; Luk 1:13. Kotema atiar, “Abeit aboŋuni eoŋ neijai kedol apak; ido koany, euruuni akoniberu Sara ikoku yenitelepat.” Kiira Sara kokek loka ewema lokejai kauken, 11#Rom 4:19; Bur 11:11. Ido kemoiotjito noi Aburaam ka Sara, kokokosanito ikar luipu noi: mam bobo Sara ajai kwape ejaar eipone loka aŋor. 12#1 Pet 3:6; Luk 1:18; Age 17:17. Kokieni Sara kotauke atiar, “Kadau amoion kwana, ekajakait da emoionit, eyalamikin kereka eoŋ?” 13Kotema EJAKAIT Aburaam atiar, “Inyo bo etekien Sara, ebe, ‘Auruuni kereka eoŋ ikoku amojoŋit?’ 14#Luk 1:37; Sab 115:3; Yer 32:17; Sek 8:6; Mat 3:9; 19:26; Rom 4:21; Bur 11:19. Ejai ibore yenikaruni EJAKAIT? Aboŋuni eoŋ neijai kapaarasia kaŋun, kedolo apak, ido euruuni Sara esapat.” 15Kosodi Sara aipeg ebe, “Mam akienit”; naarai akuriana. Kotema ŋes atiar, “Mam; konye ikienit.”
16Konyout ituŋa kanen, kiteluosi Sodom; kinyamak Aburaam kes orot. 17#Sab 25:14; Amo 3:7; Yok 15:15. Kotema EJAKAIT atiar, “Emunonikini kereka eoŋ Aburaam nin naeswamai? 18#Age 12:3; 22:18; Sab 72:17; Asw 3:25; Gal 3:8,9,16,18. Naarai abeit eraun Aburaam ateker naepol nakagogon, isirerenio da atekerin kere nuka akwap kotomaken. 19#Ikis 6:6,7; Yos 24:15; Pes 6:4. Naarai ajenu ŋes kanuka nu, tetere icorakini ikedwe ka lukokaleke luetupakinete, tetere ericito erot loka EJAKAIT, aswam abeit ka etube; tetere einuni EJAKAIT Aburaam ŋun nuabu kinerak ŋes.” 20#Age 4:10; 19:13; Yak 5:4. Kotema EJAKAIT atiar, “Naarai epol noi aimony naka Sodom ka Gomora, ido naarai eroko noi adiakanaretakec; 21#Age 11:5; Any 3:8; Sab 14:2; Bur 4:13. Mere ber kejesar kaany arai eswamaata cut kwape ejaar aimony naabu kodol neajai; arai mere kwaŋin, aienuni.”
22 #
Age 18:1,2. Kotiakas ituŋa kanen, koloto Sodom; konye koroko Aburaam ebwoi kakonyen nuka EJAKAIT. 23#Mar 16:22; 2 Sam 24:17; Sab 11:4-7. Kikunyak Aburaam kotema atiar, “Imudiari kereka ijo ikadolitok nepepe kikaronok? 24#Mat 7:13,14. Elemuni ejaas ikadolitok akaisakany toma ore: imudiari komam itimi aibois kanuka ikadolitok akaisakany luejaas toma? 25#Isa 3:10,11; Yob 8:3,20; Sab 58:11; 94:2; Rom 3:5,6. Tiesil ijo aswam kwaŋin, aiar ikadolitok nepepe kikaronok; tiesilok ŋun; mam Ekatubon loka akwap kere iswamai nuka adolit?” 26#Yer 5:1; Esk 22:30; Mat 24:22. Kotema EJAKAIT atiar, “Arai kadum koSodom ikadolitok akaisakany kotoma ore, etimi aibois kere kanukec.” 27#Luk 18:1; Sab 8:4. Koboŋok Aburaam kotema atiar, “Koany, atamak eoŋ einer ka EJAKAIT, karaida karai eoŋ apua ka ekurwon: 28Elemuni emamuunete ikany kotoma ikadolitok akaisakany; imudiari ere kere naarai amamuut ikany?” Kotema atiar, “Mam amudiari, arai kadum kanen akaisaoŋon ka lukany.” 29#1 Ses 5:17. Kinera kaŋes bobo atiar, “Elemuni etakanunete akaisaoŋon.” Kotema atiar, “Mam eswamai kwaŋin kanuka nul akaisaoŋon.” 30#Isa 55:8,9. Kotema atiar, “Kenainait, wu EJAKAIT, sirikinyunyurikin, mere kener bobo: elemuni kotakanut akaisauni kanen.” Kotema atiar, “Mam eswamai kwaŋin arai kadum akaisauni.” 31#Bur 4:16. Kotema atiar, “Koany, atamak eoŋ einer ka EJAKAIT: elemuni kotakanut akaisaarei kanen.” Kotema atiar, “Mam amudiari kanuka ŋul akaisaarei.” 32#Tub 6:39; Any 34:6,7; Sab 34:15; Awa 15:29; 1 Yok 3:22; Yak 5:16. Kotema atiar, “Kenainait, EJAKAIT, sirikinyunyurikin, mere kener bobo irwan na bon: elemuni kotakanut itomon.” Kotema atiar, “Mam amudiari kanuka nul itomon.” 33Kolot EJAKAIT, napekedaunia ŋesi einer ka Aburaam: kobono Aburaam aiboisike.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Ateso Old Version Bible © United Bible Societies, 1961.