Salmos 12
12
Salmo 12
Sukan kakan‑ta'vi o nuu Su'si ma ja na chindee ña'a ya te kaku o nuu ñayii ka sa'a ja u'vi ma
1Iya Tátnuni, sa'a ni ja kaku sa,
vaa ñatuu‑ka na ñayii ka sa'a sukan jatna ini ni ma
ka iyo ne'un ñayii ka iyo ñuu ñayivi ya.
2Vaa ndaka ñayii a, ndimaa ka xnda'vi tna'a i,
te ñii yu'u i ma‑ni ka iyo tnu'u ka ka'an i ma,
kovaa masu inundija i ja ka ka'an i ma.
3Iya Tátnuni ma, xnaa ya
ndaka ñayii masu inundija i ja ka ka'an i ma,
ji'in ndaka ñayii ndimaa tnu'u vixi ka ka'an i ma,
4ji'in ndaka‑ka ñayii sa'a ka ka'an i ma:
“Ka kukanu ini o ja ndaka ja ka ka'an o ya, te jin kundee o,
vaa ji'in yu'u maa o a ka ka'an o,
te masu na in tátnuni nuu yo'o”,
ka kuu i ka ka'an i.
5Kovaa sa'a ká'an Iya Tátnuni ma:
“Ja kuechi ja ka sa'a ndeva'a ñayii ma
ñayii nda'vi ñayii kee ma, te vitna, te ndokuiñi o,
te sa'a o ja jin kaku ñayii ka kuxii ka kunda'vi ini ma,
ja ka ndo'o ka neni i nuu in‑ka ñayii ma”,
kúu ya ká'an ya.
6Tnu'u Iya Tátnuni a chi tnu'u nanimaa kúu,
sukan ni nduu nanimaa plata ma
ja ni ja'an i uja jichi nuu ñu'u i'ni ma.
7Vaa maa ni, vi Iya Tátnuni,
chi ko koto va'a ña'a ni ni‑kani ni‑jika,
te sa'a ni ja jin kaku sa nuu ñayii ka sa'a ja u'vi ma.
8Visi ni ka ndakonduu ña'a maa ñayii ka sa'a ja u'vi ma,
te ndaka maa ñayii ka iyo ñuu ñayivi ya,
ka jatna maa i ja jin sa'a i ja u'vi ma,
te ka jani ini i ja vii xeen kúu,
kovaa sa'a ni ja jin kaku saña nuu ja u'vi ma.
Избрани в момента:
Salmos 12: xtm
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2013, Wycliffe Bible Translators, Inc. All rights reserved.