LUK 21
21
Ha̧a̧mɔ ko ŋma ko-gera-san
(Zɔk Mt 12.41-44)
1Jesu baa yí nɛ̀ ŋgɔn ɓɛɛ zɔk o wi nɛ̀ pi̧ ha̧a̧mɔ kɔ‘i sɛn kɔ̧̀ kuɓa; o wi nɔ‘i duka so nɛ́ o wanmbɔi. 2A̧ zɔka ŋma ko-gera-san fara aa be kɔya-sede yiitoo kɔ̧ kuɓa'i mbɛt, 3ɓɛɛ Jesu tɔ̧: «Nɛ́ kpasawen a̧‘m tɔ̧ h’ɛ́nɛ́, ko-gera’ɛ nɛ̀ oi san kɔ‘i ha̧a̧ mɔ gan oi dɔka bíí lɛŋ. 4Wen o dɔka bíí lɛŋ ha̧ nɛ́ mɔ nɛ̀ daŋ zu mbɔi kɔ‘i, ɓɛɛ kɔ̧-a̧, zu san kɔ̧-a̧‘i, a̧ ha̧a̧ nɛ́ sɔŋkur be mɔɔ-nyɔŋ-mɔ nɛ̀ ɓɔna er-a.»
Jesu tɔ̧ɔ̧ wen ɗaŋa-a ko Tua ko Sɔ̧
(Zɔk Mt 24.1-2; Mk 13.1-2)
5Hee mɔ'ɔ nɛ̀ o ŋma bíí ya zɔn nɛ̀ Tua ko Sɔ̧ in o de ta nɛ̀ wa ɗafa nɛnɛ, in o mɔ nɛ̀ bíí ha̧a̧ ha̧ Sɔ̧ ga, Jesu tɔ̧a̧: 6«Mɔ n’ɛnɛ zɔn’ɛ, ŋgimbi tɛ hɔ nɛ̀ ŋma ta kpɔk beka duk zu ŋmaa na; o bíí tɛ gbin a nù lɛŋ.»
Ku̧u̧naŋ bɔnɛ
(Zɔk Mt 24.3-14; Mk 13.3-13)
7Nɛ́ mɔ'ɔ nɛ̀ wa aka a̧: «Wan-usi-mɔ, nɛ́ ge ŋgimbi ge a̧ mɔ‘i tɛ hɔ nɛnɛ ge? Ɓɛɛ nɛ́ ge a̧ tɛ usi'e mɔ‘i tɛ hɔ ge nde?»
8A̧ kifa nú: «Ɛ̀nɛ̀ zɔ́k tɛ‘nɛ́ wen ká o bíí tɛɛ ɔr'nɛ́, wen o bíí nɛ̀ dɔka-a tɛ́ tɛ nɛ̀ nin-am tɔ̧ nɛnɛ‘e, wi nɛ́ Krist, in mbɛt'e, ‹Ŋgimbi hɔɔ kaɗi!› K’ɛ́nɛ́ nɛ ɗoŋ wa na. 9Ŋgimbi n’ɛnɛ tɛ zii nyɛrɛ biro in o sakala-mɔ, k’ɛ́nɛ́ de kíì na, wen mɔ‘i tɛ hɔ kànà, ɓɛɛ sɔŋkur-mɔ bo a̧‘i na.» 10Ɓɛɛ Jesu tɔ̧ ha̧ wa: «O dukbíí tɛ bi ŋmaa, o wan tɛ duk zù nɛ̀ ŋmaa mbɛt. 11Nù tɛ nak nɛ̀ ŋgaya-a, ŋga-zɛɛ in kaɓa tɛ tik nù fara nɛtɛ nɛtɛ; o mɔɔ-kifi, in o gasa mɔɔ-usi-mɔ tɛ́ tɛ̀ nɛ̀ yiwese mɛ mbɛt.»
Ŋga bɔnɛ nɛ̀ tɛ hɔ
12«Nɛti ha̧ mɔ‘i lɛŋ mɛ hɔ, wa tɛ ba'nɛ́, wa tɛ usi bɔnɛ h’ɛ́nɛ́, wa tɛ gbur'nɛ́ nɛnɛ si kɔ̧́ tua-mɔi̧a-a in si kɔ̧́ zɔɓɔ, wa tɛ mgbɔ‘nɛ́ nɛnɛ si ti o wannu in o wi-duk-zu zika-nù wen zu'm, 13ɓɛɛ mɔ‘i tɛ duk nɛ́ yuwar h’ɛ́nɛ́ mɛ de sedaako wen am. 14Ɛ̀nɛ̀ íŋ‘e ŋma mɔ n’ɛnɛ tɛ kii mɛ tɔ̧ sɛk’ɛ́nɛ́ foo nɛ̀ wen zu'nɛ́ yinɛ bo na,#Lk 12.11-12 15wen mi nɛ̀ tɛ‘m, mi tɛ ha̧ iŋa-mgbara-mɔ h’ɛ́nɛ́ in wen n’ɛnɛ tɛ tɔ̧, nɛ̀ ŋma wi sɛn'nɛ́ beka si kafɛ sɛnɛ, bɛ̧ nɛnɛ na mbɛt. 16O dáà k’ɛ́nɛ́ in nàà k’ɛ́nɛ́, o nya'nɛ́ in o nàm k’ɛ́nɛ́, gú nɛ̀ o sɛm k’ɛ́nɛ́ tɛ wuli'nɛ́ mbɛt, ɓɛɛ o bíí tɛ gɔn kita-fio zu o ŋma mgbara'nɛ́. 17O bíí lɛŋ tɛ sɛn'nɛ́ wen nin-am. 18Mɔ kpɔk, mui̧-zu'nɛ́ kpɔk beka yɔ na. 19Nɛ́ nɔɔ-ŋgiɗi k’ɛ́nɛ́ a̧ tɛ de h’ɛ́nɛ́ mɛ kpasi.
Kita zu Jerusalɛm
(Zɔk Mt 24.15-21; Mk 13.14-19)
20«Ŋgimbi n’ɛnɛ tɛ zɔk'e ndé o wi-biro kɛra Jerusalɛm, ɓɛɛ ɛ̀nɛ̀ íŋ‘e ndé ye Jerusalɛm hɛɗa ɗaŋa-a kaɗi. 21Hegɔ, o bíí nɛ̀ tɛ ya sɛn Judee a̧ yú mɔ si mgbara kaya, o bíí nɛ̀ tɛ ya saaye a̧ gbó yak, ɓɛɛ o bíí nɛ̀ tɛ ya nú fɔ, ká wa pii ɗoŋ saaye na; 22wen ŋgimbi'i tɛ duk nɛ́ ŋgimbi kifa-er, wen ha̧ mɔ lɛŋ nɛ̀ yɔra so mɛ hɔ gba̧a̧.#Os 9.7 23O nàá-zaŋ in o nana-oi-kɔra tɛ zɔk bɔnɛ wese'i, wen gasa bɔnɛ tɛ hɔ zu nù‘i in nyimsea nɛ̀ tɛ tik zu dukbíí‘i. 24Wa tɛ gɔm wa nɛ̀ gba-paa gbɛ; wa tɛ kai wa nɛ̀ bara pɛsi dam mgbara o tugun bíí lɛŋ; ɓɛɛ o wi nɛ̀ iŋ kpasa Sɔ̧ na tɛ i̧si̧ Jerusalɛm nɛ̀ naŋ hɔ wese nɛ̀ ŋgimbi kɔ-wa tɛ nyɛm sɛnɛ.»
Tɛa-a ko Bem ko bíí
(Zɔk Mt 24.29-31; Mk 13.24-27)
25«O mɔɔ-usi-mɔ tɛ duk tɛ wese in tɛ nyaŋa-zɛ ká bá nɛ̀ o sɔra mbɛt; gasa kíì tɛ ba o tugun bíí zaŋnu, ɗɛɗɛ-wa tɛ gɔn wen gítí gba-tɔp in pɛŋa-yì;#Es 13.10; Ez 32.7; Jɔɛl 3.4; Tɔ̧ɔ̧ Hu̧ 6.12-13 26bele tɛ zar o bíí wen o ŋgamɔ nɛ̀ tɛ hɔ zu nù, wen o ŋgayamɔ mɛ yiwese tɛ nak. 27Ɓɛɛ wa tɛ zɔk Bem ko bíí fara tɛa-a nɛ̀ mgbara bu-zan nɛ̀ ŋgayamɔ in gasamɔ kɔ‘i.»#Dan 7.13; Tɔ̧ɔ̧ Hu̧ 1.7
Tɛa-a ko Wan ko Sɔ̧
(Zɔk Mt 24.32-35; Mk 13.28-31)
28«Ŋgimbi nɛ̀ mɔ‘i tɛ ku̧ naŋ hɔa-a, ɛ̀nɛ̀ nɔ́ ŋgiɗi, ɛ̀nɛ̀ bá zu'nɛ́ nɛ̀ ŋgɔn, wen ɛnɛ hɛɗa mɛ kpasi kaɗi.» 29Ɓɛɛ Jesu tɔ̧ ŋma lizaŋ ha̧ wa woyo: «Ɛ̀nɛ̀ zɔ́k te-mbɔra in o dɔka te lɛŋ. 30Kà te-mbɔra nɛ́ ku̧u̧ naŋ ɓɔa-a, ɓɛɛ tɛ̀ zɔka wa, ɛnɛ iŋa'e nú-kórò hɛɗa kaɗi. 31Hegɔ mbɛt, ŋgimbi n’ɛnɛ tɛ zɔk o mɔɔ nɔ‘i lɛŋ hɔa, ɓɛɛ ɛ̀nɛ̀ íŋ‘e, Wan ko Sɔ̧ hɛɗa hɔa-a kaɗi. 32Nɛ́ kpasawen a̧‘m tɔ̧ h’ɛ́nɛ́, o bíí nɛ̀ ya sɔsɔɔ beka fe lɛŋ na ɓɛɛ mɔɔ nɔ‘i lɛŋ hɔa. 33Yiwese in nù tɛ kaɗi, ɓɛɛ wen kɔ‘m beka kaɗi na ɓɔnsɛnɛ.»
Duka zu-naŋ
34«Ɛ̀nɛ̀ dúk zu naŋ‘nɛ́, ɓɛɛ k’ɛ́nɛ́ e see'nɛ́ tɛ dee ndiŋmɔ nɛtɛ nɛtɛ gbɛ nɛ̀ dɔ̧ɔ̧, ai nɛ̀ nú wen mɔɔ-zaŋnu na, wen ká Wese'i tɛɛ tik zu'nɛ́, gbaŋ nɛ̀ ɛnɛ 35hee yɔk ga; wen Wese'i tɛ hɔ zu o bíí zu nù'ɛ lɛŋ. 36Wen hegɔ, ɛ̀nɛ̀ pɛ́m mɔ, ɛ̀nɛ̀ kɔ́fí Sɔ̧ ŋgimbi lɛŋ, h’ɛ́nɛ́ mɛ kpa ŋgai mɛ gbo ɗɔɔ o mɔɔ nɔ‘i lɛŋ nɛ̀ tɛ hɔ‘i, in h’ɛ́nɛ́ mɛ yor ti Bem ko bíí mbɛt.»
Sɔŋkur wese ko Jesu kɔ̧́ Tua ko Sɔ̧
37Mɛ wese, ɓɛɛ Jesu usa mɔ kɔ̧́ Tua ko Sɔ̧, ɓɛɛ mɛ zɛ a̧ yaka nɛ́ɛ̀ ɔ zu Kaya Te-nɔ̧́. 38Ɓɛɛ mɛ tutuyɛ sút, o bíí lɛŋ nɛɛ tɛ a̧ kɔ̧́ Tua ko Sɔ̧ ha̧ wa mɛ zii wen kɔ̧-a̧.
Избрани в момента:
LUK 21: GB11DC
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
LUK 21
21
Ha̧a̧mɔ ko ŋma ko-gera-san
(Zɔk Mt 12.41-44)
1Jesu baa yí nɛ̀ ŋgɔn ɓɛɛ zɔk o wi nɛ̀ pi̧ ha̧a̧mɔ kɔ‘i sɛn kɔ̧̀ kuɓa; o wi nɔ‘i duka so nɛ́ o wanmbɔi. 2A̧ zɔka ŋma ko-gera-san fara aa be kɔya-sede yiitoo kɔ̧ kuɓa'i mbɛt, 3ɓɛɛ Jesu tɔ̧: «Nɛ́ kpasawen a̧‘m tɔ̧ h’ɛ́nɛ́, ko-gera’ɛ nɛ̀ oi san kɔ‘i ha̧a̧ mɔ gan oi dɔka bíí lɛŋ. 4Wen o dɔka bíí lɛŋ ha̧ nɛ́ mɔ nɛ̀ daŋ zu mbɔi kɔ‘i, ɓɛɛ kɔ̧-a̧, zu san kɔ̧-a̧‘i, a̧ ha̧a̧ nɛ́ sɔŋkur be mɔɔ-nyɔŋ-mɔ nɛ̀ ɓɔna er-a.»
Jesu tɔ̧ɔ̧ wen ɗaŋa-a ko Tua ko Sɔ̧
(Zɔk Mt 24.1-2; Mk 13.1-2)
5Hee mɔ'ɔ nɛ̀ o ŋma bíí ya zɔn nɛ̀ Tua ko Sɔ̧ in o de ta nɛ̀ wa ɗafa nɛnɛ, in o mɔ nɛ̀ bíí ha̧a̧ ha̧ Sɔ̧ ga, Jesu tɔ̧a̧: 6«Mɔ n’ɛnɛ zɔn’ɛ, ŋgimbi tɛ hɔ nɛ̀ ŋma ta kpɔk beka duk zu ŋmaa na; o bíí tɛ gbin a nù lɛŋ.»
Ku̧u̧naŋ bɔnɛ
(Zɔk Mt 24.3-14; Mk 13.3-13)
7Nɛ́ mɔ'ɔ nɛ̀ wa aka a̧: «Wan-usi-mɔ, nɛ́ ge ŋgimbi ge a̧ mɔ‘i tɛ hɔ nɛnɛ ge? Ɓɛɛ nɛ́ ge a̧ tɛ usi'e mɔ‘i tɛ hɔ ge nde?»
8A̧ kifa nú: «Ɛ̀nɛ̀ zɔ́k tɛ‘nɛ́ wen ká o bíí tɛɛ ɔr'nɛ́, wen o bíí nɛ̀ dɔka-a tɛ́ tɛ nɛ̀ nin-am tɔ̧ nɛnɛ‘e, wi nɛ́ Krist, in mbɛt'e, ‹Ŋgimbi hɔɔ kaɗi!› K’ɛ́nɛ́ nɛ ɗoŋ wa na. 9Ŋgimbi n’ɛnɛ tɛ zii nyɛrɛ biro in o sakala-mɔ, k’ɛ́nɛ́ de kíì na, wen mɔ‘i tɛ hɔ kànà, ɓɛɛ sɔŋkur-mɔ bo a̧‘i na.» 10Ɓɛɛ Jesu tɔ̧ ha̧ wa: «O dukbíí tɛ bi ŋmaa, o wan tɛ duk zù nɛ̀ ŋmaa mbɛt. 11Nù tɛ nak nɛ̀ ŋgaya-a, ŋga-zɛɛ in kaɓa tɛ tik nù fara nɛtɛ nɛtɛ; o mɔɔ-kifi, in o gasa mɔɔ-usi-mɔ tɛ́ tɛ̀ nɛ̀ yiwese mɛ mbɛt.»
Ŋga bɔnɛ nɛ̀ tɛ hɔ
12«Nɛti ha̧ mɔ‘i lɛŋ mɛ hɔ, wa tɛ ba'nɛ́, wa tɛ usi bɔnɛ h’ɛ́nɛ́, wa tɛ gbur'nɛ́ nɛnɛ si kɔ̧́ tua-mɔi̧a-a in si kɔ̧́ zɔɓɔ, wa tɛ mgbɔ‘nɛ́ nɛnɛ si ti o wannu in o wi-duk-zu zika-nù wen zu'm, 13ɓɛɛ mɔ‘i tɛ duk nɛ́ yuwar h’ɛ́nɛ́ mɛ de sedaako wen am. 14Ɛ̀nɛ̀ íŋ‘e ŋma mɔ n’ɛnɛ tɛ kii mɛ tɔ̧ sɛk’ɛ́nɛ́ foo nɛ̀ wen zu'nɛ́ yinɛ bo na,#Lk 12.11-12 15wen mi nɛ̀ tɛ‘m, mi tɛ ha̧ iŋa-mgbara-mɔ h’ɛ́nɛ́ in wen n’ɛnɛ tɛ tɔ̧, nɛ̀ ŋma wi sɛn'nɛ́ beka si kafɛ sɛnɛ, bɛ̧ nɛnɛ na mbɛt. 16O dáà k’ɛ́nɛ́ in nàà k’ɛ́nɛ́, o nya'nɛ́ in o nàm k’ɛ́nɛ́, gú nɛ̀ o sɛm k’ɛ́nɛ́ tɛ wuli'nɛ́ mbɛt, ɓɛɛ o bíí tɛ gɔn kita-fio zu o ŋma mgbara'nɛ́. 17O bíí lɛŋ tɛ sɛn'nɛ́ wen nin-am. 18Mɔ kpɔk, mui̧-zu'nɛ́ kpɔk beka yɔ na. 19Nɛ́ nɔɔ-ŋgiɗi k’ɛ́nɛ́ a̧ tɛ de h’ɛ́nɛ́ mɛ kpasi.
Kita zu Jerusalɛm
(Zɔk Mt 24.15-21; Mk 13.14-19)
20«Ŋgimbi n’ɛnɛ tɛ zɔk'e ndé o wi-biro kɛra Jerusalɛm, ɓɛɛ ɛ̀nɛ̀ íŋ‘e ndé ye Jerusalɛm hɛɗa ɗaŋa-a kaɗi. 21Hegɔ, o bíí nɛ̀ tɛ ya sɛn Judee a̧ yú mɔ si mgbara kaya, o bíí nɛ̀ tɛ ya saaye a̧ gbó yak, ɓɛɛ o bíí nɛ̀ tɛ ya nú fɔ, ká wa pii ɗoŋ saaye na; 22wen ŋgimbi'i tɛ duk nɛ́ ŋgimbi kifa-er, wen ha̧ mɔ lɛŋ nɛ̀ yɔra so mɛ hɔ gba̧a̧.#Os 9.7 23O nàá-zaŋ in o nana-oi-kɔra tɛ zɔk bɔnɛ wese'i, wen gasa bɔnɛ tɛ hɔ zu nù‘i in nyimsea nɛ̀ tɛ tik zu dukbíí‘i. 24Wa tɛ gɔm wa nɛ̀ gba-paa gbɛ; wa tɛ kai wa nɛ̀ bara pɛsi dam mgbara o tugun bíí lɛŋ; ɓɛɛ o wi nɛ̀ iŋ kpasa Sɔ̧ na tɛ i̧si̧ Jerusalɛm nɛ̀ naŋ hɔ wese nɛ̀ ŋgimbi kɔ-wa tɛ nyɛm sɛnɛ.»
Tɛa-a ko Bem ko bíí
(Zɔk Mt 24.29-31; Mk 13.24-27)
25«O mɔɔ-usi-mɔ tɛ duk tɛ wese in tɛ nyaŋa-zɛ ká bá nɛ̀ o sɔra mbɛt; gasa kíì tɛ ba o tugun bíí zaŋnu, ɗɛɗɛ-wa tɛ gɔn wen gítí gba-tɔp in pɛŋa-yì;#Es 13.10; Ez 32.7; Jɔɛl 3.4; Tɔ̧ɔ̧ Hu̧ 6.12-13 26bele tɛ zar o bíí wen o ŋgamɔ nɛ̀ tɛ hɔ zu nù, wen o ŋgayamɔ mɛ yiwese tɛ nak. 27Ɓɛɛ wa tɛ zɔk Bem ko bíí fara tɛa-a nɛ̀ mgbara bu-zan nɛ̀ ŋgayamɔ in gasamɔ kɔ‘i.»#Dan 7.13; Tɔ̧ɔ̧ Hu̧ 1.7
Tɛa-a ko Wan ko Sɔ̧
(Zɔk Mt 24.32-35; Mk 13.28-31)
28«Ŋgimbi nɛ̀ mɔ‘i tɛ ku̧ naŋ hɔa-a, ɛ̀nɛ̀ nɔ́ ŋgiɗi, ɛ̀nɛ̀ bá zu'nɛ́ nɛ̀ ŋgɔn, wen ɛnɛ hɛɗa mɛ kpasi kaɗi.» 29Ɓɛɛ Jesu tɔ̧ ŋma lizaŋ ha̧ wa woyo: «Ɛ̀nɛ̀ zɔ́k te-mbɔra in o dɔka te lɛŋ. 30Kà te-mbɔra nɛ́ ku̧u̧ naŋ ɓɔa-a, ɓɛɛ tɛ̀ zɔka wa, ɛnɛ iŋa'e nú-kórò hɛɗa kaɗi. 31Hegɔ mbɛt, ŋgimbi n’ɛnɛ tɛ zɔk o mɔɔ nɔ‘i lɛŋ hɔa, ɓɛɛ ɛ̀nɛ̀ íŋ‘e, Wan ko Sɔ̧ hɛɗa hɔa-a kaɗi. 32Nɛ́ kpasawen a̧‘m tɔ̧ h’ɛ́nɛ́, o bíí nɛ̀ ya sɔsɔɔ beka fe lɛŋ na ɓɛɛ mɔɔ nɔ‘i lɛŋ hɔa. 33Yiwese in nù tɛ kaɗi, ɓɛɛ wen kɔ‘m beka kaɗi na ɓɔnsɛnɛ.»
Duka zu-naŋ
34«Ɛ̀nɛ̀ dúk zu naŋ‘nɛ́, ɓɛɛ k’ɛ́nɛ́ e see'nɛ́ tɛ dee ndiŋmɔ nɛtɛ nɛtɛ gbɛ nɛ̀ dɔ̧ɔ̧, ai nɛ̀ nú wen mɔɔ-zaŋnu na, wen ká Wese'i tɛɛ tik zu'nɛ́, gbaŋ nɛ̀ ɛnɛ 35hee yɔk ga; wen Wese'i tɛ hɔ zu o bíí zu nù'ɛ lɛŋ. 36Wen hegɔ, ɛ̀nɛ̀ pɛ́m mɔ, ɛ̀nɛ̀ kɔ́fí Sɔ̧ ŋgimbi lɛŋ, h’ɛ́nɛ́ mɛ kpa ŋgai mɛ gbo ɗɔɔ o mɔɔ nɔ‘i lɛŋ nɛ̀ tɛ hɔ‘i, in h’ɛ́nɛ́ mɛ yor ti Bem ko bíí mbɛt.»
Sɔŋkur wese ko Jesu kɔ̧́ Tua ko Sɔ̧
37Mɛ wese, ɓɛɛ Jesu usa mɔ kɔ̧́ Tua ko Sɔ̧, ɓɛɛ mɛ zɛ a̧ yaka nɛ́ɛ̀ ɔ zu Kaya Te-nɔ̧́. 38Ɓɛɛ mɛ tutuyɛ sút, o bíí lɛŋ nɛɛ tɛ a̧ kɔ̧́ Tua ko Sɔ̧ ha̧ wa mɛ zii wen kɔ̧-a̧.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.