Matayo 9
9
Jeso Waponya Muntu Uzuminine Mubili
(Maako 2:1-12; Luka 5:17-26)
1Jeso wakanjila mu bwato walanduka waya ku munzhi wakwabo, 2koko bamwi bantu nkubakamuletela muntu wakaakuli mulema a macila. Jeso naakalubona lushomo lwabo, wakamwaambila mulema ati, “Kwata camba mwanangu shibi shako shalekelelwa.” 3Ngoonaawo balembi bakalyaambauzha beni ati, “Wezu muntu ulasampaula Leza!” 4Pele Jeso wakacizhiba ncibakaakutelaika ngoonaawo wakababuzha ati, “No nciinzhi ncimutelaikila shintu shibiyabi mu myonzo yenu?”
5“Nciciliye cuuba-uba u kwaamba ati, ‘Shibi shako shalekelelwa,’ na kwaamba ati, ‘Buka uyende?’ 6Inzho ndamutondezha kwaamba Mwanaa Muntu ulikwete insana shakulecelela shibi ano anshi.” Ubobo wakamwaambila mulema ati, “Buka, bweza macila ako uukuya kwako!” 7Wezo muntu wakabuka wakaya kwakwe. 8Inkamu ya bantu niyakaabona aza yakatiya cini cini, ngoonaawo bakalumbaizha Leza wakapa insana shili bolya ku bantu.
Jeso Woompolola Matayo
(Maako 2:13-17; Luka 5:27-32)
9Inzho Jeso naakakuhwa koko wakabona mulombwana uutewa ati Matayo ulishite amulimo wakwe wakutezha. Wakamwaambila ati, “Ncilila.” Ngoonaawo Matayo wakazhimuka wakamucilila.
10 #
Lk 15:1, 2 Jeso naakaakulya muŋanda mwa Matayo, bashimitelo banji banji ubamwi ba shishibi bakeza kulya antoomwi etebulu u Jeso. 11Nibakacibona ceci ba Falisi bakababuzha ba shiciiya bakwe ati, “Nkaamboonzhi mwiiyi wenu ulalya uba shimitelo uba shishibi?” 12Jeso wakabateelela amane wakabaingula ati, “Bantu batali balwazhi tabazanda mushilishi, cita bulyo balwazhi. 13#Mat 12:7b; Hos 6:6Kamuya mukaiye ncaamba mazwi a Leza aamba ati, ‘Ndazanda inkumbu kutali shipaizho shabanyama.’ Nkaambo ume ndiina kwiza kwita baluleme ndakezhila ba shishibi.”
Mubuzho wakuliimya kulya
(Maako 2:18-22; Luka 5:33-39)
14Kuhwaawo ba shiciiya baka Johani Mupapatizhi bakeza kwa Jeso kubuzha ati, “Nkaamboonzhi uswe uba Falisi tulaliimya kulya lyoonse, pele uwe u ba shiciiya bako tamuliimya kulya?” 15Jeso wakabaingula ati, “Sa umwe mulazunga ati beenzhiina shibwinga bali kwipobwe lya bwinga balakonzha kulila ciindi naacili abo? Pe pe! Pele cilakashika ciindi shibwiinga nibakaamutola ba shinkondonina lelyo balakaliimya kulya. 16Kwiina usasa cikamba cipiya acisani cikulukulu nkaambo ceco cikamba cakahungana cilakamonkola ipulo ikando kubaala citaanzhi. 17Nikuba kubika waini mupiya mucikomo cakasebeza kale nkaambo cilazapuka amana waini ulatika asho inkomo ati shabula mulimo linji. Waini mupiya ulabikwa munkomo impiya kwaamba shoonse shizobolwe kabotu.”
Jeso Wabusha Mwana Mushimbi wa Mweendelezhi u Kuponya Mukaintu Waakusata Kalobola
(Maako 5:21-43; Luka 8:40-56)
18Jeso kacaamba bobo, kwakabulika mweendelezhi waba Juda umwi amane wamukotamina waamba ati, “Mwanangu wafwa pele ndalomba atweende ukamwaampe matashi kwaamba abuke.” 19Ngoonaawo Jeso wakazhimuka wakaya antoomwi u ba shiciiya bakwe. 20Ngoonaawo aze mukaintu wakaakusata kalobola kwa myaka ili ikumi u myaka yobile wakeza munshi wookumya moombe wacisani cakwe. 21Wakacita bobo nkaambo wakaamba u monzo wakwe ati, “Kufwumbwa kuti ndacikumya cisani cakwe ndapona.” 22Ngoonaawo Jeso wakacebuka, amane wamubona wamwita ati, “Lya monzo mwanangu, lushomo lwako lwakuponya.” Ngoonaawo aciindi mukaintu wakapona.
23Jeso nakashika kuŋanda ya mweendelezhi wezo wakayana bashimitoolilo iinkamu ya bantu baloomoka. 24Wakabaambila ati, “Amwaahwe awa noonse, mwana tafwile uloona bulyo!” Bantu boonse bakamuseka. 25Mbubakamuhwila bulyo muŋanda, Jeso wakenjila muŋanda mwakaakulele mushimbi amane wakamukwata etashi ngoonaawo wakabuka. 26Aza makani akaya impuwo busena boonse bwa cishi ceco.
Jeso Waponya Boofwu Bobile
27Naakakuhwa koko balombwana boofwu bobile bakaakwiza bumucilila baloompolola ati, “Jeso Mwana Devidi tufwile luse!” 28Jeso naakanjila muŋanda imwi babo balombwana bakashika amane wakababuzha ati, “Sa mulashoma ati ndakonzha kumuponya?” Bakaingula ati, “Ee!” 29Amane Jeso wakabaampa amenso waamba ati, “Acibe nkumubele umbona mbumwashoma!” 30Ngoonaawo bakabona. Amane Jeso wakabalailila ati, “Kutabi muntu ngumushimwina aza makani!” 31Balo bahwe awo bakaya balaya bumwaazha mulumbe waka Jeso mucishi coonse ceco.
Jeso Wamuponya Shicintaamba
32Mbubakakuhwila bulyo koko, Jeso bakamuletela muntu utaamba wakaakunjililwe moza mubiyabi. 33Pele mbwakookushizha moza mubiyabi Jeso, wezo mulombwana wakakanka kwaamba, bantu boonse bakazhingwa u kwaamba ati, “Tatunacibwene ceci cili bolya mu Izilaili!” 34#Mat 10:25; 12:24; Mk 3:22; Lk 11:15Balo ba Falisi bakaamba bulyo ati, “Ulakusha myoza mibiyabi kwiita mu mwami wa myoza mibiyabi.”
Basebezhi Baceya
35 #
Mat 4:23; Mk 1:39; Lk 4:44 Jeso wakaakuya bweenda u minzhi mikando u mishoonto ulaya buyiisha mu shikombelo shaba Juda Makani Mabotu a Bwami bwa kwizeulu u kuya buponya malwazhi u shicisa shamishobo yoonse. 36#Mye 27:17; 1 Bami 22:17; 2 Maka 18:16; Eze 34:5; Mk 6:34Naakabona makamu makamu a bantu wakeetezhewa nkaambo bakaakukatele ukupenga ukoya imbelele shabula mweembezhi. 37#Lk 10:2Ubobo wakabaambila ba shiciiya ati, “Butebuzhi bwahula, pele basebezhi baceya. 38Amukombe ku mukamwini butebuzhi kwaamba atume basebezhi kwiza kutebula.”
Избрани в момента:
Matayo 9: ILL
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Ila New Testament © Bible Society of Zambia, 2015.
Matayo 9
9
Jeso Waponya Muntu Uzuminine Mubili
(Maako 2:1-12; Luka 5:17-26)
1Jeso wakanjila mu bwato walanduka waya ku munzhi wakwabo, 2koko bamwi bantu nkubakamuletela muntu wakaakuli mulema a macila. Jeso naakalubona lushomo lwabo, wakamwaambila mulema ati, “Kwata camba mwanangu shibi shako shalekelelwa.” 3Ngoonaawo balembi bakalyaambauzha beni ati, “Wezu muntu ulasampaula Leza!” 4Pele Jeso wakacizhiba ncibakaakutelaika ngoonaawo wakababuzha ati, “No nciinzhi ncimutelaikila shintu shibiyabi mu myonzo yenu?”
5“Nciciliye cuuba-uba u kwaamba ati, ‘Shibi shako shalekelelwa,’ na kwaamba ati, ‘Buka uyende?’ 6Inzho ndamutondezha kwaamba Mwanaa Muntu ulikwete insana shakulecelela shibi ano anshi.” Ubobo wakamwaambila mulema ati, “Buka, bweza macila ako uukuya kwako!” 7Wezo muntu wakabuka wakaya kwakwe. 8Inkamu ya bantu niyakaabona aza yakatiya cini cini, ngoonaawo bakalumbaizha Leza wakapa insana shili bolya ku bantu.
Jeso Woompolola Matayo
(Maako 2:13-17; Luka 5:27-32)
9Inzho Jeso naakakuhwa koko wakabona mulombwana uutewa ati Matayo ulishite amulimo wakwe wakutezha. Wakamwaambila ati, “Ncilila.” Ngoonaawo Matayo wakazhimuka wakamucilila.
10 #
Lk 15:1, 2 Jeso naakaakulya muŋanda mwa Matayo, bashimitelo banji banji ubamwi ba shishibi bakeza kulya antoomwi etebulu u Jeso. 11Nibakacibona ceci ba Falisi bakababuzha ba shiciiya bakwe ati, “Nkaamboonzhi mwiiyi wenu ulalya uba shimitelo uba shishibi?” 12Jeso wakabateelela amane wakabaingula ati, “Bantu batali balwazhi tabazanda mushilishi, cita bulyo balwazhi. 13#Mat 12:7b; Hos 6:6Kamuya mukaiye ncaamba mazwi a Leza aamba ati, ‘Ndazanda inkumbu kutali shipaizho shabanyama.’ Nkaambo ume ndiina kwiza kwita baluleme ndakezhila ba shishibi.”
Mubuzho wakuliimya kulya
(Maako 2:18-22; Luka 5:33-39)
14Kuhwaawo ba shiciiya baka Johani Mupapatizhi bakeza kwa Jeso kubuzha ati, “Nkaamboonzhi uswe uba Falisi tulaliimya kulya lyoonse, pele uwe u ba shiciiya bako tamuliimya kulya?” 15Jeso wakabaingula ati, “Sa umwe mulazunga ati beenzhiina shibwinga bali kwipobwe lya bwinga balakonzha kulila ciindi naacili abo? Pe pe! Pele cilakashika ciindi shibwiinga nibakaamutola ba shinkondonina lelyo balakaliimya kulya. 16Kwiina usasa cikamba cipiya acisani cikulukulu nkaambo ceco cikamba cakahungana cilakamonkola ipulo ikando kubaala citaanzhi. 17Nikuba kubika waini mupiya mucikomo cakasebeza kale nkaambo cilazapuka amana waini ulatika asho inkomo ati shabula mulimo linji. Waini mupiya ulabikwa munkomo impiya kwaamba shoonse shizobolwe kabotu.”
Jeso Wabusha Mwana Mushimbi wa Mweendelezhi u Kuponya Mukaintu Waakusata Kalobola
(Maako 5:21-43; Luka 8:40-56)
18Jeso kacaamba bobo, kwakabulika mweendelezhi waba Juda umwi amane wamukotamina waamba ati, “Mwanangu wafwa pele ndalomba atweende ukamwaampe matashi kwaamba abuke.” 19Ngoonaawo Jeso wakazhimuka wakaya antoomwi u ba shiciiya bakwe. 20Ngoonaawo aze mukaintu wakaakusata kalobola kwa myaka ili ikumi u myaka yobile wakeza munshi wookumya moombe wacisani cakwe. 21Wakacita bobo nkaambo wakaamba u monzo wakwe ati, “Kufwumbwa kuti ndacikumya cisani cakwe ndapona.” 22Ngoonaawo Jeso wakacebuka, amane wamubona wamwita ati, “Lya monzo mwanangu, lushomo lwako lwakuponya.” Ngoonaawo aciindi mukaintu wakapona.
23Jeso nakashika kuŋanda ya mweendelezhi wezo wakayana bashimitoolilo iinkamu ya bantu baloomoka. 24Wakabaambila ati, “Amwaahwe awa noonse, mwana tafwile uloona bulyo!” Bantu boonse bakamuseka. 25Mbubakamuhwila bulyo muŋanda, Jeso wakenjila muŋanda mwakaakulele mushimbi amane wakamukwata etashi ngoonaawo wakabuka. 26Aza makani akaya impuwo busena boonse bwa cishi ceco.
Jeso Waponya Boofwu Bobile
27Naakakuhwa koko balombwana boofwu bobile bakaakwiza bumucilila baloompolola ati, “Jeso Mwana Devidi tufwile luse!” 28Jeso naakanjila muŋanda imwi babo balombwana bakashika amane wakababuzha ati, “Sa mulashoma ati ndakonzha kumuponya?” Bakaingula ati, “Ee!” 29Amane Jeso wakabaampa amenso waamba ati, “Acibe nkumubele umbona mbumwashoma!” 30Ngoonaawo bakabona. Amane Jeso wakabalailila ati, “Kutabi muntu ngumushimwina aza makani!” 31Balo bahwe awo bakaya balaya bumwaazha mulumbe waka Jeso mucishi coonse ceco.
Jeso Wamuponya Shicintaamba
32Mbubakakuhwila bulyo koko, Jeso bakamuletela muntu utaamba wakaakunjililwe moza mubiyabi. 33Pele mbwakookushizha moza mubiyabi Jeso, wezo mulombwana wakakanka kwaamba, bantu boonse bakazhingwa u kwaamba ati, “Tatunacibwene ceci cili bolya mu Izilaili!” 34#Mat 10:25; 12:24; Mk 3:22; Lk 11:15Balo ba Falisi bakaamba bulyo ati, “Ulakusha myoza mibiyabi kwiita mu mwami wa myoza mibiyabi.”
Basebezhi Baceya
35 #
Mat 4:23; Mk 1:39; Lk 4:44 Jeso wakaakuya bweenda u minzhi mikando u mishoonto ulaya buyiisha mu shikombelo shaba Juda Makani Mabotu a Bwami bwa kwizeulu u kuya buponya malwazhi u shicisa shamishobo yoonse. 36#Mye 27:17; 1 Bami 22:17; 2 Maka 18:16; Eze 34:5; Mk 6:34Naakabona makamu makamu a bantu wakeetezhewa nkaambo bakaakukatele ukupenga ukoya imbelele shabula mweembezhi. 37#Lk 10:2Ubobo wakabaambila ba shiciiya ati, “Butebuzhi bwahula, pele basebezhi baceya. 38Amukombe ku mukamwini butebuzhi kwaamba atume basebezhi kwiza kutebula.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Ila New Testament © Bible Society of Zambia, 2015.