KAHTAMYENGHAN 37
37
Joseph Mangpu (Üyong)
1Jacob yelakpe Kanan kahtok Ipa nyoiyangpu ken me ngoh. 2Hüyange hatüowa Jacob nyahtüp pungao. Joseph wangpeng pen me nyit naosheha wante, Ipa phongphe nyu Bilhah hei Zilpah ühalan; yoi jeilan phei nyee hei younlan yomme ngoh. I jeilanne hanghe lingyangki, tüopa ngaolan ümeng, lye yoipa tangte yahpei.
3Sha-a Jacob#Jacob-Israel she-o tüolak wupa ne mengteiye Joseph puhpu jingne hayimlan üshei yo me Ipawe Ite ünyei ken. Tüokhei lye o maapu phakshaoh ülao ja I jingne shünge tam. 4Aope I jeilanne iman üpawe iman üshei phei-a Joseph te shekenpu ngeye ok, iman-e iman ünao Joseph te yeonge nu, tüokaiye iman-e Ite meimawe yengaope ngoh.
5Yaja Joseph-e mang ja mang, hüyange aope lye tüopa-a yoi jeilante i, iman-e Ite ünyei ünyei nu. 6Iye i, “Taowe mang yangpu mangte jaikei. 7Teman khongkümpu kah me tahyak shüp ütüp shawe ngoh, aope üjing tahyak shüp ütüp lüoyange tingkhakke yong, hüwante numan jinga üjing neikonne yong, hüyange tüopate khuhtawe khüm.”
8I jeilanne Ite tong, “Hüma-a nanga ahngne menglak hüyange toman tangme wanglam lamlak she nange teih nangkü a?” Tüokhei lye mangyangpu jingne hüyange tüopa jeng lye imante hanghe iyangki, tüopa jingne iman-e Ite ünyei ünyei nu.
9Tüophei me Joseph-e üne-o ülao mang ja mang, hüyange hatüo I jeilante ngaowe i, “Leitüoh, taowe üne-o ülao mang ja mangyangki; hüyange tüopa mangme wanghe, linnyu, hüyange shanhalan pen me jawe üte khuhtawe khüm.”
10Hüyange lye tüopa-a Ipa hüyange I jeilante i: hüyange Ipawe Ite teeye i, “Nange mangpu hatüowa hangkihpu mang shi? Ütingme Tao hüyange nangnyu hei nangjeilan, toman-e nang shong te peiye khuhtawe nangte khümlak she nange teih nangkü a?” 11#Lam 7.9.Tüokhei Joseph I jeilanne Ite mong yehahpe müktakpu ngai; hüpoi Ipawepa-a tüopa ngao mong me ange ngoh.
Ijeilan-e Joseph Yüowetam
12Sha-a I jeilan iman ü-pa jing mantoop yomlak jingne Shekhem te taiye ngoh, 13Jacob-e Joseph te i, “Taowe nanga ümeken me nangjei lanne mantoop yomnang tüoken nyoi Shekhem te taine tamhu nangki.”
Joseph-e janne i, “Tao tümyange ngohnang.”
14Ipawe i, “Taitüoh hüyange nangjeilan meiye ngohya üne-o mantoop hangke ngoh leihu; tüophei me leihye-e üte ngaolan yahkei.” Tüokhei Ipawe I Hebron kahjee mepu I tailamte shonne tei. Joseph Shekhem ngoiye pei, 15hüyange yiha kah me lingleiye ngoh, hüwante kahta jawe nge hüyange Ite tong, “Nanga hanghe te leiye lingleipu shi?”
16Iye janne i, “Taowe üjeilan aoyinne imanjing mantoop yomnang iman yamhüm puweih.” “Iman ümeken me ngohlak, nange üte ipu oklak jeya?”
17Kahtawe i, “Iman tüomepu taitepu; teman-e Dothan te taihah she iman teingaopu taowe jaiki.” Tüokhei Joseph I jeilan pheite woitai, hüyange Dothan kahmük me iman tüo.
18Hüyange I jeilanne I üjai me muh ngeye, hüyange I üne-o iman shongte owe manpeipe, I toilak jingne iman-e konkon. 19Iman-e jawe japhei teingaowe i, “Leitüoh, tüome mang mangpa peiküki. 20Kei, sha-a teman-e I toihah, hüyange kahsa ja me yeitam hah; tüophei me phao yinmok jawe I toi she teman-e ilak; tüophei me I manga hanghe ne menglak teman-e ngelak.”
21Hüpoi aope Reubenne tüopa ngao jai, iman yak mepu Joseph yinlak jingne ngang hüyange imante i, “Teman-e I tahtoi hah.” 22“Kahko mepu tüopa kahsa ja me I shüppe angtüoh, hüpoi Ite yak tah yu.” lye hatüo ipuwa iman yak mepu I yinhuwe hüyange Ipa tangte shonne yetamlak jingne ngao. 23Tüokhei aope Joseph Ijeilan shongte ngoiye pei, iman-e I phakshaoh ülao o ümei ülam maapuwe shüngyang phei I püm mepu khokke yah; 24hüyange iman-e Joseph phoyange, kahsa te hintam; hüpoi kahsa me yeng yenangpe eawah-e ngoh.
25Tüophei me iman hahyinglak jingne shot, hüyange nganne leiwante Ishmaellan pheeileihpu ükhong ja nge; iman-e üpe meipu nyeiti, üpe meipu tinju, tikhah, udh me ki ne tamyange Gilead mepu Egypt kahtok te taiye ngoh. 26Hüwante Judah-e yoi jeihei naolante i, “Teman-e teman ünao toiyange; I iy lowe angma-a teman-e hanghe küw tüolak? 27Kei, tüolan Ishmael lante I yüowe tamhah, hüyange Ite teman yak tah yu hah; ine ima-a, I-a teman ünao teman noksa hüyange iymei ngoh nang.” Hüyange I jeihei naolanne I ngaote monge yah. 28Hüwante iman sheshao me Midianlan pheeileihpalan owe peiwante, iman-e Joseph kahsa mepu shui ngaiye, nginkhüo da te Ishmael lante yüo; hüyange iman-e Joseph Egypt, kahtok te woitei.
29Aope Reuben kahsate leih ye, hüwante Joseph tüoken me yenangpe ngoh, mongmengpuwe lye yoi inkhek hit. 30Inaolan tangte I leih ye hüyange i, “Tüoken me naha-a yenang! Tao ümpe yete lüplak?”
31Tüophei me iman-e younpong ja toiyange, tüopa iy me Joseph phakshaoh ülaowa hünge tam. 32Iman-e phakshaoh ülaowa iman üpa tangte yah pei hüyange i, “Toman-e tüopa-a tüoki; hatüowa nangha phakshaoh ne jeya?”
33Hüyange lye hatüo shinge okke i, “Hatüowa ü-ha phakshaoh! Phao yinmok ütam-e I toipuyang. Üting ting me ü-ha Joseph khoihnyai-e hit tamteki?” 34Mongmeng üyong phei Jacob-e yoi inkhek hitte win, hüyange monnye in. lye yoi ha jingne nyih nangjange shappe yoong. 35Ihalan sheko hei netan khongküm Ite mong toloimeiye tamlak jingne peiye wang; hüpoi lye toloi yemeihupe i, “Yeje Tao mang shapjang shappe ü-ha tangte yimching te tailak.” Hüke Ipawe yoiha Joseph jingne yelakpe shap-e yoong.
36Hüke ngohpu hipak me Midianlanne Egypt ahngpa Pharaoh yakjongpa Potiphar te Joseph yüo. Tüopa Potiphar ahngpa yompa yo me üshang ne ngohyangki.
Избрани в момента:
KAHTAMYENGHAN 37: KONYBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 37
37
Joseph Mangpu (Üyong)
1Jacob yelakpe Kanan kahtok Ipa nyoiyangpu ken me ngoh. 2Hüyange hatüowa Jacob nyahtüp pungao. Joseph wangpeng pen me nyit naosheha wante, Ipa phongphe nyu Bilhah hei Zilpah ühalan; yoi jeilan phei nyee hei younlan yomme ngoh. I jeilanne hanghe lingyangki, tüopa ngaolan ümeng, lye yoipa tangte yahpei.
3Sha-a Jacob#Jacob-Israel she-o tüolak wupa ne mengteiye Joseph puhpu jingne hayimlan üshei yo me Ipawe Ite ünyei ken. Tüokhei lye o maapu phakshaoh ülao ja I jingne shünge tam. 4Aope I jeilanne iman üpawe iman üshei phei-a Joseph te shekenpu ngeye ok, iman-e iman ünao Joseph te yeonge nu, tüokaiye iman-e Ite meimawe yengaope ngoh.
5Yaja Joseph-e mang ja mang, hüyange aope lye tüopa-a yoi jeilante i, iman-e Ite ünyei ünyei nu. 6Iye i, “Taowe mang yangpu mangte jaikei. 7Teman khongkümpu kah me tahyak shüp ütüp shawe ngoh, aope üjing tahyak shüp ütüp lüoyange tingkhakke yong, hüwante numan jinga üjing neikonne yong, hüyange tüopate khuhtawe khüm.”
8I jeilanne Ite tong, “Hüma-a nanga ahngne menglak hüyange toman tangme wanglam lamlak she nange teih nangkü a?” Tüokhei lye mangyangpu jingne hüyange tüopa jeng lye imante hanghe iyangki, tüopa jingne iman-e Ite ünyei ünyei nu.
9Tüophei me Joseph-e üne-o ülao mang ja mang, hüyange hatüo I jeilante ngaowe i, “Leitüoh, taowe üne-o ülao mang ja mangyangki; hüyange tüopa mangme wanghe, linnyu, hüyange shanhalan pen me jawe üte khuhtawe khüm.”
10Hüyange lye tüopa-a Ipa hüyange I jeilante i: hüyange Ipawe Ite teeye i, “Nange mangpu hatüowa hangkihpu mang shi? Ütingme Tao hüyange nangnyu hei nangjeilan, toman-e nang shong te peiye khuhtawe nangte khümlak she nange teih nangkü a?” 11#Lam 7.9.Tüokhei Joseph I jeilanne Ite mong yehahpe müktakpu ngai; hüpoi Ipawepa-a tüopa ngao mong me ange ngoh.
Ijeilan-e Joseph Yüowetam
12Sha-a I jeilan iman ü-pa jing mantoop yomlak jingne Shekhem te taiye ngoh, 13Jacob-e Joseph te i, “Taowe nanga ümeken me nangjei lanne mantoop yomnang tüoken nyoi Shekhem te taine tamhu nangki.”
Joseph-e janne i, “Tao tümyange ngohnang.”
14Ipawe i, “Taitüoh hüyange nangjeilan meiye ngohya üne-o mantoop hangke ngoh leihu; tüophei me leihye-e üte ngaolan yahkei.” Tüokhei Ipawe I Hebron kahjee mepu I tailamte shonne tei. Joseph Shekhem ngoiye pei, 15hüyange yiha kah me lingleiye ngoh, hüwante kahta jawe nge hüyange Ite tong, “Nanga hanghe te leiye lingleipu shi?”
16Iye janne i, “Taowe üjeilan aoyinne imanjing mantoop yomnang iman yamhüm puweih.” “Iman ümeken me ngohlak, nange üte ipu oklak jeya?”
17Kahtawe i, “Iman tüomepu taitepu; teman-e Dothan te taihah she iman teingaopu taowe jaiki.” Tüokhei Joseph I jeilan pheite woitai, hüyange Dothan kahmük me iman tüo.
18Hüyange I jeilanne I üjai me muh ngeye, hüyange I üne-o iman shongte owe manpeipe, I toilak jingne iman-e konkon. 19Iman-e jawe japhei teingaowe i, “Leitüoh, tüome mang mangpa peiküki. 20Kei, sha-a teman-e I toihah, hüyange kahsa ja me yeitam hah; tüophei me phao yinmok jawe I toi she teman-e ilak; tüophei me I manga hanghe ne menglak teman-e ngelak.”
21Hüpoi aope Reubenne tüopa ngao jai, iman yak mepu Joseph yinlak jingne ngang hüyange imante i, “Teman-e I tahtoi hah.” 22“Kahko mepu tüopa kahsa ja me I shüppe angtüoh, hüpoi Ite yak tah yu.” lye hatüo ipuwa iman yak mepu I yinhuwe hüyange Ipa tangte shonne yetamlak jingne ngao. 23Tüokhei aope Joseph Ijeilan shongte ngoiye pei, iman-e I phakshaoh ülao o ümei ülam maapuwe shüngyang phei I püm mepu khokke yah; 24hüyange iman-e Joseph phoyange, kahsa te hintam; hüpoi kahsa me yeng yenangpe eawah-e ngoh.
25Tüophei me iman hahyinglak jingne shot, hüyange nganne leiwante Ishmaellan pheeileihpu ükhong ja nge; iman-e üpe meipu nyeiti, üpe meipu tinju, tikhah, udh me ki ne tamyange Gilead mepu Egypt kahtok te taiye ngoh. 26Hüwante Judah-e yoi jeihei naolante i, “Teman-e teman ünao toiyange; I iy lowe angma-a teman-e hanghe küw tüolak? 27Kei, tüolan Ishmael lante I yüowe tamhah, hüyange Ite teman yak tah yu hah; ine ima-a, I-a teman ünao teman noksa hüyange iymei ngoh nang.” Hüyange I jeihei naolanne I ngaote monge yah. 28Hüwante iman sheshao me Midianlan pheeileihpalan owe peiwante, iman-e Joseph kahsa mepu shui ngaiye, nginkhüo da te Ishmael lante yüo; hüyange iman-e Joseph Egypt, kahtok te woitei.
29Aope Reuben kahsate leih ye, hüwante Joseph tüoken me yenangpe ngoh, mongmengpuwe lye yoi inkhek hit. 30Inaolan tangte I leih ye hüyange i, “Tüoken me naha-a yenang! Tao ümpe yete lüplak?”
31Tüophei me iman-e younpong ja toiyange, tüopa iy me Joseph phakshaoh ülaowa hünge tam. 32Iman-e phakshaoh ülaowa iman üpa tangte yah pei hüyange i, “Toman-e tüopa-a tüoki; hatüowa nangha phakshaoh ne jeya?”
33Hüyange lye hatüo shinge okke i, “Hatüowa ü-ha phakshaoh! Phao yinmok ütam-e I toipuyang. Üting ting me ü-ha Joseph khoihnyai-e hit tamteki?” 34Mongmeng üyong phei Jacob-e yoi inkhek hitte win, hüyange monnye in. lye yoi ha jingne nyih nangjange shappe yoong. 35Ihalan sheko hei netan khongküm Ite mong toloimeiye tamlak jingne peiye wang; hüpoi lye toloi yemeihupe i, “Yeje Tao mang shapjang shappe ü-ha tangte yimching te tailak.” Hüke Ipawe yoiha Joseph jingne yelakpe shap-e yoong.
36Hüke ngohpu hipak me Midianlanne Egypt ahngpa Pharaoh yakjongpa Potiphar te Joseph yüo. Tüopa Potiphar ahngpa yompa yo me üshang ne ngohyangki.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.