KAHTAMYENGHAN 41
41
Joseph-e Pharaoh Shinmang Lüppe Tam
1Tüo phei me wangpeng ni linyang phei me Egypt ahngpa I Nile Yengyin nah me yongyange mang; 2hüyange leitüoh, Nile yeng mepu shüpshepapu hüyange nütpu mahu nyit ngaiye phümha yo me hüng hah-e ngoh. 3Tüophei me ülao mahu nyit, nunu shepu hüyange jienpu, iman pheite Nile mepu ngai, hüyange ülaolan phei jamme Nile yengnah me yong. 4Hüyange nunushepu, jienpu mahu lanne shüpshepapu shenütpu mahu nyit-a hahtai. Hüwante ahngpa shinyang. 5I üne-o shi-e ye, hüyange ülao mang ja mang. Hüke, tahpe ja me tahlick üjüoh üjüoh ümei nyit ngai. 6Hüyange leihu, tüopa phei me, phantephei hüyange wanghe ongjing wangyange phanne tamyang phei tahpe nyit ngai. 7Hüyange tüolan üphanlanne üjüoh üjüoh ümei nyit-a hah-e lünge tai. Tüophei me ahngpa shinyang hüyange leihu, hatüowa yaning shinmang ne ngoh. 8Tüokhei napning I yaha me toloi yemei ok; hüyange Egypt kahtok me ngohpu yepahipa, hüyange shinge manpalan nyiklak jingne lye shonne tei. Iye imante I mangyangpu iye tam. Hüpoi naoshe jawe nehoi Ite tüolan Iye tampu yenang.
9Hüwante wanjonpa üshangpawe ahngpa te i, “Taowe püoh pienyangpu yang she tenyih taowe teih peinang. 10Hipak ja me hahying lingpa ütahpa tom nite Ahngpa mongshih ngai, hüyange tomni-a yompa ütahpa nok küpnok me phowe ang. 11Yajame muh tomni moiniye mang japong mang, hüyange mang me-a leppu yoi yoi ne ngoh yangki. 12Hüyange yompa woipa shaoshanpa, Hebrewlan naoshe ja tomni phei ngoh; tomni-e Ite yoi yoi mang iwante, Iye tomni mang yoi yoi phei shupu lüppe i. 13Hüyange Iye tomnite hangke lüppe i, hüke ütingme ngaiyangki; taowa üwangne ngohpu toishao temuh yah yene tam, hüpoi anlingpa shümpa-a toine tam.”
14Hüwante ahngpawe Joseph woi peilak jingne shon, hüyange iman-e küpnok longsa mepu I mamshe yah-e ngai; hüyange I shang linyange, inkhek jeilei yange, ahngpa shongte woi pei. 15Hüyange ahngpawe Ite i, “Taowe mang ja mang, hüyange tüopa leppu iye okpa ao-o yenang; nange-a mang lüppe inang she nang jeng taowe jaiyang ki.”
16Hüwante Joseph-e ahngpate janne i, “Tüopa-a taowe oklakne yeje, Nang üyongpa! Hüpoi Kahwange khakshupu lüppe tampu yah phalak.” 17Hüwante Ahngpawe Joseph te i, “Leihu, ü-mangme tao Nile yengyin nah me yongyange ngoh yangki. 18Hüyange mahu nyit, nütpu hüyange shüpshepapu Nile mepu ngai hüyange phümha yo me hüng hah; 19Tüophei me ülao mahu nyit shange jienpu hüyange nunushepu iman pheite ngai, hükihpu lanna taowe Egypt kahtok üshei ye me aope-o mannge; 20Hüyange jienpu nunushepu mahu nyit-e üwangne ngaipu mahu shenütpu nyit-a hahmah. 21Hüpoi iman-e tüolan hah taiyapoi yehah taipu kih hei nge; hangjingne iman üshongpu kih hei, nunu she ngoh yangki. Tüophei me tao shinyang. 22Nishe tao shi ye, taowe üne-o mangme tahpe ja me tahlick maawe meipu nyit ngaiye nge; 23hüyange leihu tüopa phei me, wantepu, ükeng, hüyange heong wangyange heapyang phei tahpe nyit ngai; 24hüyange tahpe üphanlanne tahpe ümei nyit-a hahmah. Hatüo mang taowe yepahipa lante i; hüpoi üte tüopa lüppe ipa ao-o yenang.”
25Hüwante Joseph-e ahngpate i, “Mang moinite leppuwa ja hei yang. Kahwang lye hanghe linghu nang tüopa jeng ahngpate ngao yangki. 26Shenütpu mahu ümei nyit-a wangpeng nyit, hüyange tahpe ümei nyit-a wangpeng nyit; moini me leppuwa ja hei. 27Hüyange iman phei me ngaipu mahu üjient hüyange nunushepu nyit-a wangpeng nyit; hüyange wanghe ongjing wangyange menge tampu phantephei tahpe nyit-a wangpeng nyit; wangpeng nyit mongme seanyao yenglelak. 28Taowe ahngpa sheshao me ngaopu ngaowa; Kahwange mamshe hanghe linghu nang; hatüo ahngpate hüo yangki. 29Leihuyah, wangpeng nyit mongme Egypt kahtok üshei yeme hahying wangman-e ngailak. 30Hüpoi tüolan phei me wangpeng nyit seanyao yenglepu ngaikülak; hüyange Egypt kahtok me moimanpu hipak-a pemahlak; hüyange seanyao yenglepuwe kahtoknyu maalak; 31hüyange seanyao yenglepu peipu kaiye kahtoknyu me lintepu hipak me maawe ngoh yangpu jeng ye-i-okpe ngailak; hangjingne seanyaopuwa yeonge loilak. 32Hüyange ahngpa te mang ülam ni me mangne tam, hangjingne Kahwange ngao hatüowa tümme tan; hüyange Kahwange hatüo mamshe peine tamkülak.
33“Sha-a tüokhei wange ngoiye teih okpu, hüyange shinge manpu kahta ütam ahngpawe yamme Egypt kahtok me shot ne tamtüoh. 34Nange üne-o ülao shaoshanpalan letüoh, hüyange tüolan kaiye Egypt kahtok me moimanpu wangpeng nyit mongme ngaipu üphong nga meitam ahngpawe shaine tamtüoh. 35Hüyange iman-e, tüolan wangpeng ümei me hahying khongkümpu yo ne tamtüoh, hüyange hahyinglak jingne ahngpa ngaokeng me, chingshao khongkümpu me tah yowe angyange yom ne tamtüoh. 36Tüokhei Egypt kahtok me peine ngohpu nyaolak wangpeng nyit jingne bung me hatüowa yowe angküme, nyao lewante kahtoknyu yemahlak.”
Egypt Tangme Joseph Governor Ne Meng
37Tüopa juteih phapuwa Pharaoh hei I shaoshanpalan khongkümpuwe meinang she monge yah. 38#Lam 7.10.Pharaohwe I shaoshanpalan te hüke i, “Kahwang yaha ngohpu hatüo kahta kihpu teman-e ülao tüolak a?” 39Tüokhei Pharaohwe Josephte i, “Kahwang ngao tüolan khongkümpu nangte hüo, hüma-a nangkihpu juteih wang ngoipu hüyange shingemanpu ao-o yenang; 40taowe nanga ü-kahmük me nokpu ne menge tamnang, hüyange üpin-nyuha khongkümpuwe nangte nyamlelak, hüke ahngpa shotjing me hei tao nang phei üyongpa ne mengkü ning.” 41“Sha-a taowe nanga Egypt kahtok nopu tangme Governor ne letam nang.” 42Tüophei me ahngpawe yoi yak mepu ahngpa füosang pheipu shüptet yahyange Joseph yaklan me lange tam, nye ükhai pheipu phakshaoh ülao shaohtam, hüyange üngme hon yük yükke tam; 43hüyange lye yoi nishepupa woipa ne tongtoi me I shotne tam; hüyange iman-e I sheshao me “Ümmekhüm tüoh, ümmekhüm tüoh#Tailam tümtüoh she-o ngelak” she üngwün. Hüke Joseph-a Egypt kahtok nopu me Governor ne mengne tam. 44Ahngpawe Joseph te i, “Taowa ahngpa, hüyange nang ye-ompe Egypt kahtok khongküm pume aowe-o yak jeyah, ya jeyah yepolak.” 45Hüyange ahngpawe Joseph te Zaphenath-Paneah she nyik; hüyange On mepu ngengpa Potiphera üha Asenath Joseph te sheko ne yahtam.
46Egypt ahngpa toishao te aope yuyapeih, Joseph wangpeng delüm lwngmei ne ngoh yangki. Hüyange Joseph, ahngpa sheshao mepu yayong Egypt kahtok üshei yete kem pong. 47Juwan meipu wangpeng nyit mongme kahtok-e wangmanne ülick lick-e tam, 48hüyange Egypt kahtok me wangpeng nyit mongme ngaipu tah mepu Joseph-e shaijemme, chingnyu lili me yo ang; Chingnyulan neikonne ngohpu kahmepu ngaipu hahying khongkümpu lye yowe ang. 49Hüke Joseph-e yengching pheih kih-e tah yowe ang, jamloi she ngohpu jingne hatüo ipu ye-ok, hüke tüoh.
50Seanyao yenglepu wangpeng manpei pe On mepu ngengpa, Potiphera üha Asenath kaiye Joseph me netan naha ni tüo. 51Joseph-e üwangpa ha min Manasseh she nyik. Hangjingne, lye i, “Kahwange ü-shaoshi yangpu üshei hüyange üpa nok khongkümpu pemah ne tam.” 52Nishepupa min lye Ephraim she nyik, “Hangjingne tao shangyangpu kahtok me Kahwange tao ülick maatam.”
53Wangpeng nyit Egypt kahtok me moiman wangmanne ngaipu üküm ngoiye pei; 54#Lam 7.11.hüyange Joseph-e iyangpu kih-e, wangpeng nyit nyaolene ükong wang; hüyange kahtok üshei yeme nyaole; hüpoi Egypt kahtok üshei yeme hahying ngoh yangki. 55Aope Egypt kahtok üshei me kuimah, Egyptlan-e ahngpa te üngwünne hahying yu: tüokhei ahngpawe iman üsheite i, “Joseph tangte taitüoh; lye hanghe ilakei tüopa jaiyah.” 56Tüokhei aope kahtoknyu nopu me nyaowele; Joseph-e bung khongkümpu epyange, Egyptlante tah yüo; hangjingne Egypt kahtok me nyaolepu jamloi wongnange ngoh yangki. 57Tüophei jamme kahtoknyu nopu tah shaklak jingne Egypt kahtokte Joseph tangte pei; hangjingne kahtoknyu nopu me nyaolepu jamloi ngoh yangki.
Избрани в момента:
KAHTAMYENGHAN 41: KONYBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 41
41
Joseph-e Pharaoh Shinmang Lüppe Tam
1Tüo phei me wangpeng ni linyang phei me Egypt ahngpa I Nile Yengyin nah me yongyange mang; 2hüyange leitüoh, Nile yeng mepu shüpshepapu hüyange nütpu mahu nyit ngaiye phümha yo me hüng hah-e ngoh. 3Tüophei me ülao mahu nyit, nunu shepu hüyange jienpu, iman pheite Nile mepu ngai, hüyange ülaolan phei jamme Nile yengnah me yong. 4Hüyange nunushepu, jienpu mahu lanne shüpshepapu shenütpu mahu nyit-a hahtai. Hüwante ahngpa shinyang. 5I üne-o shi-e ye, hüyange ülao mang ja mang. Hüke, tahpe ja me tahlick üjüoh üjüoh ümei nyit ngai. 6Hüyange leihu, tüopa phei me, phantephei hüyange wanghe ongjing wangyange phanne tamyang phei tahpe nyit ngai. 7Hüyange tüolan üphanlanne üjüoh üjüoh ümei nyit-a hah-e lünge tai. Tüophei me ahngpa shinyang hüyange leihu, hatüowa yaning shinmang ne ngoh. 8Tüokhei napning I yaha me toloi yemei ok; hüyange Egypt kahtok me ngohpu yepahipa, hüyange shinge manpalan nyiklak jingne lye shonne tei. Iye imante I mangyangpu iye tam. Hüpoi naoshe jawe nehoi Ite tüolan Iye tampu yenang.
9Hüwante wanjonpa üshangpawe ahngpa te i, “Taowe püoh pienyangpu yang she tenyih taowe teih peinang. 10Hipak ja me hahying lingpa ütahpa tom nite Ahngpa mongshih ngai, hüyange tomni-a yompa ütahpa nok küpnok me phowe ang. 11Yajame muh tomni moiniye mang japong mang, hüyange mang me-a leppu yoi yoi ne ngoh yangki. 12Hüyange yompa woipa shaoshanpa, Hebrewlan naoshe ja tomni phei ngoh; tomni-e Ite yoi yoi mang iwante, Iye tomni mang yoi yoi phei shupu lüppe i. 13Hüyange Iye tomnite hangke lüppe i, hüke ütingme ngaiyangki; taowa üwangne ngohpu toishao temuh yah yene tam, hüpoi anlingpa shümpa-a toine tam.”
14Hüwante ahngpawe Joseph woi peilak jingne shon, hüyange iman-e küpnok longsa mepu I mamshe yah-e ngai; hüyange I shang linyange, inkhek jeilei yange, ahngpa shongte woi pei. 15Hüyange ahngpawe Ite i, “Taowe mang ja mang, hüyange tüopa leppu iye okpa ao-o yenang; nange-a mang lüppe inang she nang jeng taowe jaiyang ki.”
16Hüwante Joseph-e ahngpate janne i, “Tüopa-a taowe oklakne yeje, Nang üyongpa! Hüpoi Kahwange khakshupu lüppe tampu yah phalak.” 17Hüwante Ahngpawe Joseph te i, “Leihu, ü-mangme tao Nile yengyin nah me yongyange ngoh yangki. 18Hüyange mahu nyit, nütpu hüyange shüpshepapu Nile mepu ngai hüyange phümha yo me hüng hah; 19Tüophei me ülao mahu nyit shange jienpu hüyange nunushepu iman pheite ngai, hükihpu lanna taowe Egypt kahtok üshei ye me aope-o mannge; 20Hüyange jienpu nunushepu mahu nyit-e üwangne ngaipu mahu shenütpu nyit-a hahmah. 21Hüpoi iman-e tüolan hah taiyapoi yehah taipu kih hei nge; hangjingne iman üshongpu kih hei, nunu she ngoh yangki. Tüophei me tao shinyang. 22Nishe tao shi ye, taowe üne-o mangme tahpe ja me tahlick maawe meipu nyit ngaiye nge; 23hüyange leihu tüopa phei me, wantepu, ükeng, hüyange heong wangyange heapyang phei tahpe nyit ngai; 24hüyange tahpe üphanlanne tahpe ümei nyit-a hahmah. Hatüo mang taowe yepahipa lante i; hüpoi üte tüopa lüppe ipa ao-o yenang.”
25Hüwante Joseph-e ahngpate i, “Mang moinite leppuwa ja hei yang. Kahwang lye hanghe linghu nang tüopa jeng ahngpate ngao yangki. 26Shenütpu mahu ümei nyit-a wangpeng nyit, hüyange tahpe ümei nyit-a wangpeng nyit; moini me leppuwa ja hei. 27Hüyange iman phei me ngaipu mahu üjient hüyange nunushepu nyit-a wangpeng nyit; hüyange wanghe ongjing wangyange menge tampu phantephei tahpe nyit-a wangpeng nyit; wangpeng nyit mongme seanyao yenglelak. 28Taowe ahngpa sheshao me ngaopu ngaowa; Kahwange mamshe hanghe linghu nang; hatüo ahngpate hüo yangki. 29Leihuyah, wangpeng nyit mongme Egypt kahtok üshei yeme hahying wangman-e ngailak. 30Hüpoi tüolan phei me wangpeng nyit seanyao yenglepu ngaikülak; hüyange Egypt kahtok me moimanpu hipak-a pemahlak; hüyange seanyao yenglepuwe kahtoknyu maalak; 31hüyange seanyao yenglepu peipu kaiye kahtoknyu me lintepu hipak me maawe ngoh yangpu jeng ye-i-okpe ngailak; hangjingne seanyaopuwa yeonge loilak. 32Hüyange ahngpa te mang ülam ni me mangne tam, hangjingne Kahwange ngao hatüowa tümme tan; hüyange Kahwange hatüo mamshe peine tamkülak.
33“Sha-a tüokhei wange ngoiye teih okpu, hüyange shinge manpu kahta ütam ahngpawe yamme Egypt kahtok me shot ne tamtüoh. 34Nange üne-o ülao shaoshanpalan letüoh, hüyange tüolan kaiye Egypt kahtok me moimanpu wangpeng nyit mongme ngaipu üphong nga meitam ahngpawe shaine tamtüoh. 35Hüyange iman-e, tüolan wangpeng ümei me hahying khongkümpu yo ne tamtüoh, hüyange hahyinglak jingne ahngpa ngaokeng me, chingshao khongkümpu me tah yowe angyange yom ne tamtüoh. 36Tüokhei Egypt kahtok me peine ngohpu nyaolak wangpeng nyit jingne bung me hatüowa yowe angküme, nyao lewante kahtoknyu yemahlak.”
Egypt Tangme Joseph Governor Ne Meng
37Tüopa juteih phapuwa Pharaoh hei I shaoshanpalan khongkümpuwe meinang she monge yah. 38#Lam 7.10.Pharaohwe I shaoshanpalan te hüke i, “Kahwang yaha ngohpu hatüo kahta kihpu teman-e ülao tüolak a?” 39Tüokhei Pharaohwe Josephte i, “Kahwang ngao tüolan khongkümpu nangte hüo, hüma-a nangkihpu juteih wang ngoipu hüyange shingemanpu ao-o yenang; 40taowe nanga ü-kahmük me nokpu ne menge tamnang, hüyange üpin-nyuha khongkümpuwe nangte nyamlelak, hüke ahngpa shotjing me hei tao nang phei üyongpa ne mengkü ning.” 41“Sha-a taowe nanga Egypt kahtok nopu tangme Governor ne letam nang.” 42Tüophei me ahngpawe yoi yak mepu ahngpa füosang pheipu shüptet yahyange Joseph yaklan me lange tam, nye ükhai pheipu phakshaoh ülao shaohtam, hüyange üngme hon yük yükke tam; 43hüyange lye yoi nishepupa woipa ne tongtoi me I shotne tam; hüyange iman-e I sheshao me “Ümmekhüm tüoh, ümmekhüm tüoh#Tailam tümtüoh she-o ngelak” she üngwün. Hüke Joseph-a Egypt kahtok nopu me Governor ne mengne tam. 44Ahngpawe Joseph te i, “Taowa ahngpa, hüyange nang ye-ompe Egypt kahtok khongküm pume aowe-o yak jeyah, ya jeyah yepolak.” 45Hüyange ahngpawe Joseph te Zaphenath-Paneah she nyik; hüyange On mepu ngengpa Potiphera üha Asenath Joseph te sheko ne yahtam.
46Egypt ahngpa toishao te aope yuyapeih, Joseph wangpeng delüm lwngmei ne ngoh yangki. Hüyange Joseph, ahngpa sheshao mepu yayong Egypt kahtok üshei yete kem pong. 47Juwan meipu wangpeng nyit mongme kahtok-e wangmanne ülick lick-e tam, 48hüyange Egypt kahtok me wangpeng nyit mongme ngaipu tah mepu Joseph-e shaijemme, chingnyu lili me yo ang; Chingnyulan neikonne ngohpu kahmepu ngaipu hahying khongkümpu lye yowe ang. 49Hüke Joseph-e yengching pheih kih-e tah yowe ang, jamloi she ngohpu jingne hatüo ipu ye-ok, hüke tüoh.
50Seanyao yenglepu wangpeng manpei pe On mepu ngengpa, Potiphera üha Asenath kaiye Joseph me netan naha ni tüo. 51Joseph-e üwangpa ha min Manasseh she nyik. Hangjingne, lye i, “Kahwange ü-shaoshi yangpu üshei hüyange üpa nok khongkümpu pemah ne tam.” 52Nishepupa min lye Ephraim she nyik, “Hangjingne tao shangyangpu kahtok me Kahwange tao ülick maatam.”
53Wangpeng nyit Egypt kahtok me moiman wangmanne ngaipu üküm ngoiye pei; 54#Lam 7.11.hüyange Joseph-e iyangpu kih-e, wangpeng nyit nyaolene ükong wang; hüyange kahtok üshei yeme nyaole; hüpoi Egypt kahtok üshei yeme hahying ngoh yangki. 55Aope Egypt kahtok üshei me kuimah, Egyptlan-e ahngpa te üngwünne hahying yu: tüokhei ahngpawe iman üsheite i, “Joseph tangte taitüoh; lye hanghe ilakei tüopa jaiyah.” 56Tüokhei aope kahtoknyu nopu me nyaowele; Joseph-e bung khongkümpu epyange, Egyptlante tah yüo; hangjingne Egypt kahtok me nyaolepu jamloi wongnange ngoh yangki. 57Tüophei jamme kahtoknyu nopu tah shaklak jingne Egypt kahtokte Joseph tangte pei; hangjingne kahtoknyu nopu me nyaolepu jamloi ngoh yangki.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.