Popular Bible Verses from Luk 14

Share

Ni kʉn, akil tepa wamp rʉⱡaip mam ti, Jisas kʉn rʉp rok purung. Wote Jisas ndi, ropʉl ropa, wamp mbʉ kundpa, nimba mel, “Wamp ti, na kʉn pep ropa uimp nimba pilim ndam, elim nga tipam mam raⱡ kep, amp kangambuⱡa mbʉ kep, ʉngʉnʉl kimʉnʉl mbʉ kep, wote elim nga mul uⱡ ei kep, wak ropa om wamp ei, na nga kitip kʉni wamp ti moⱡmba.

Wamp ti, elim nga uⱡ mbun mindil mbʉ, nde peta mel, mi namʉmba, na pep rom ndam, wamp ei, na nga kitip kʉni wamp muⱡi nambʉⱡmba.

Wamp nam ti, elim nga kʉng orunga mepa oⱡa mba moⱡum ndam, Got ndi, wamp ei, ropa mana ndumba. Wamp ti elinga, kʉng orunga mepa mana mba moⱡum wamp ei, Got ndi, wamp ei, paka rondʉmba,” nitim.

Uⱡ ei mel ku, wamp nam ti ndi, elim nga mel mbʉ, wak rui narʉm ndam, na nga kitip kʉni wamp muⱡi nambʉⱡmba,” nitim.

Wote, wu nam ti ndi, manga mam ti, rʉkimp nimba kʉn, ku moni namba iti ndi, manga ei, rakʉp timp nda nimba, numan ila kuimp tepa to rorum. Kuimp elim tepa, elim nga numan ila pilpa, kun iti natʉpa kʉn, ku ronduⱡ etpa pendʉm ndam, wote mang ei rakpa, pora ndui nʉndangga kʉn, wamp mbʉ ndi kandʉk, ik raka rondʉk nʉk mel, ‘Manga ei rakpa, pora ndui nʉndrʉm ei ka!’ ning.

Ei mon! Nim ndi, rʉng mam ti kuin ndam, wamp kurpa na, kʉmp ki kit wamp na, mong ti wamp mbʉ, wi rok nana ok rʉng neing. Got ndi, nim memp pendʉmba. Nambuⱡ emel, wamp kit mbʉ ndi, nim nga rʉng ngʉn mbʉ nok kʉn, punt rui nʉring. Got ndi, nim punt ropa ngumba ui ila, wamp kun kai korung wamp mbʉ, on kona ila ⱡoprʉk yant ong,” nitim.

Wote Jisas ndi, ik ti, nimba mel, “Ip kuta ei, mel kai. Wote, ip kuta nga tʉngʉn ei, pora nim ndam, namba uⱡ ti etpʉn kʉn, ip kuta nga tʉngʉn ei kai moⱡmba. Ip kuta kit morum ei, tʉpʉn kongun kona na mbila, ropʉn mundi namʉndʉrmʉn. Kng kau te na mbila, tʉp rak ndupʉn, pana kona na mbila, mundi namʉndʉrmʉn ku. Ropʉn mundpʉn ketmin ni ka! Wamp ti, kum nombuⱡa tem ndam, ik mong ei pilʉi!” nitim.