Popular Bible Verses from Luke 18

Share

Eema 'aigeda gwae hegehegedi Yesu 'i'ebwaediya ma 'abehega sahena 'ahwanoi 'oinega siwe'awe'a.

Wete gide Yehoba 'ina tomotaiyao hehesinuwaidi nata 'ilemedi, 'eguma si'ahwanoi hilahila 'oina, sabwelo ma nihuwana 'oidiya. Moisa tuwa, 'ina lemaina dumwaluna nata 'ipaihowa 'oidiya. “Ma togidega 'omi wanuwatuhu 'eseya 'eguma saugaina taugu Loheyaiguina yahilama bale'u bewa 'oina, hisa tomota ma'idi hemisa yalobadi sitoholo pa'ala?”

Coinega 'igwaeya 'oidiya, “To'aha tomota 'oidiya geya sowasowahina, Yehoba 'oina ginaulaedi meyameyahadi.”

“Tuta 'aigeda 'aigeda gide 'ina paihowa, ma toloinaina genuwana ma 'ileme. Ta 'aigeda tuta 'oina toloinaina 'ilowahi'wata, 'oinega 'iboinamo 'oina 'igwaeya, ‘Tuwa Yehoba geya yamataute ta wete loheloheya geya yada he'asisiyanediya, ma hesi hiwape bewa 'ina tauya hilahilama 'oiguwa weyahina ya'abihete 'ana 'aleha 'oinega, tabu ma 'agu wahi'wata 'ilagu hila.’”

Yahegwaegomi 'eguma taiyewedi taudi gwagwama bewa gide 'idi hemisa, sowasowana Yehoba 'ina 'ebeloina 'oina siluhuluhu, ma hesi 'eguma geya, nata geya.”

Ma Yesu 'ibwau he'autediya ma 'igwae, “Sahena gwagwama wa'au'ausidi ma hesi watagwaledi ma 'oiguwa sinaoma. Weyahina gwagwama bewa gide Yehoba 'ina 'ebeloina 'ilobwaine bwaibwainidiya.

Ma Yesu 'igwaeya, “Bewa tuwa matau 'i'asilala, weyahina 'ino hemisa 'oinega 'ubwebwe'ana.”

Ma Yesu loheyaina 'ihegwaeya, “Togidega ta 'oinega 'u'ahwa bwebwe'anaegauwa? Geya 'eta taiya bwebwe'ana, beno tuwa Yehoba.