Popular Bible Verses from PAWTDAWKNA 2

Share

Khutichun, Pathien in a tau thawmteu chuh a na za ta a, Abraham te, Isak te, Jakob te kawma a thugawlh kha a hezing a. Tichun, Pathien in Israel chate chuh a entha zing a, amau haw chuh a ngaihsak mah mah ta a.

Chun, hiti hi ahung hi a, kum khat vel nung chun Aigupta lengpa chuh a thi ta a, himahleh Israel chate chuh a nasep uh a haksat bêk ziekin a mau zing u a, panpihna ngên in a kiko u a, nasep a gim bêk ziek u a a tau git u chuh Pathien kawm a tung ta a.

Chun, nausen chuh a hung khanglien a, Pharaoh chanu kawm achun a pui a, tichun a chapa’n a um ta a, “Tui apat a ka lâkdawk a hih ziekin, a min dingin Mosi sa’ng ka,” a ti a.

Chun, Pharaoh chanu chun a kawmah, “Zie nausen hi pui inla, ei va dawnsak in, tichun na lawh ding hun pie’ng ka,” a ti a. Khutichun numei chun nausen chuh a la a, a dâwn ta a.

Chun, Pharaoh chanu chuh kisil dingin lui ah a hung a; a suok numeite chule lui pang achun a vakviel u a. Phailuong kung laka bawm chuh a vak muh phet chun a la dingin a suok numei khat a vak sawl a.

Chun, zielai chun hiti hi ahi a, Mosi a hung pitin phet chun, Hebrai mi a suohpihte veh dingin a pawtdawk a, pawngbawl a haksa taktak na a sep dân teu chuh a va mu ta a; Aigupta mi khatin a suohpite laka khat Hebrai mi a thah lai tak hih a vak mu a. Ziephet chun Mosi chuh a dâk viel a kuomah a um puou hi tih a het phet in Aigupta mi chuh a that a, lei ah a vui ta a.