Popular Bible Verses from THILSIEMBUL 21

Share

Chun, LALPA’n a gensa guol khan Sarah chuh a va veh a, LALPA chun a gensa guolin Sarah chungah a hih ta a.

Chun, Pathien in naupang aw chuh a za a; Pathien vânsâwlchâk in van apat in Hagar chuh a vak sama, a kawmah, “Hagar, bang na ti a ahi? lau kih, a umna a naupang aw kha Pathien in a za apuo! Tho inla, naupang kha kaitho inla, na khut in tu’n; amah chuh nam lopi taka siem ding ka hi,” a ti a.

Tichun, Sarah chun nau a vawp a, Pathien in a kawma hun a tiem hun tak chun Abraham chuh a têk nung in chapa a hinsak ta a.

Chun, Sarah chun “Pathien in ei nuih sak tai, mitin a he taphawt in ei nuih pih in au,” a ti a.

Himahlele, Pathien in Abraham kawmah, “Naupang chungchâng leh na suoknu chungchâng thu hi nang ngaih in thil phalo tak hi kihen; Sara’n na kawma a gen cheng chuh zawp mai in; Isak ahin na suonte hun ti ding ahi ngâl u a.

Suoknu chapa hile nang suon ahih ziekin, chi a gen kham zet hung pawt ina,” a ti a.