Popular Bible Verses from THILSIEMBUL 50

Share

Nang un vang lungthim phalo nei in ka chungah thil gilo hih na guou a; himahlele, Pathien chun tuni banga, mi tamtak hingledam a hukhinna dingin, thilpha a suoh sak guot ahi zaw ngâl a.

Himahlele, Joseph chun a kawm u ah “Lau kiu in, Pathien thasang ka hi a ahim?

Khutichun lau kiu in, nangmau haw leh na cha neuchacha teu chuh vak ing ka,” a ti a. Khutichun a thamuon a, zaidam takin amau chuh a hopih a.

‘Lungsiet takin na suohpihte bawhsietna leh a gitlohnau chuh ngaidam in, na chungah thil vang ana hihkhiel uh ahi,’ ti a na gen ding u ahi, ti’n thu ei pie a, tichun lungsiet takin na pa Pathien suokte sukkhelhna chuh ngaidam in,” a tiu a. Chun, a kawma thu a gen lai u chun Joseph chuh a kap ta a.

Chun, Joseph in a suohpihte kawmah, “Thi ding ka hi ta a, himahlele Pathien in hun tawhtha ngêi ngêi intin, zie gam apat hin hun puidawk in, Abraham te, Isak te, Jakob te kawma kihâksiela piek a tiem gam ah hun puito ina,” a ti a.

Chun, Joseph in Israel suonte chuh a kihâksiel sak a, “Pathien in hun tawhtha ngêi ngêi ding ahi a, ka guhhaw hi zie apat ahih na zawn toh dinguh ahi,” a ti a.

Khutichun, Joseph chuh kum za leh sawmkhat mi ahih in a thi a; tichun, a luong chuh muot thei lo in a siem u a, Aigupta gam ah thankuong ah a siel tau hi.