Popular Bible Verses from Yoni 14

Share

To nani he'mi lepoloto fuluna mone lepinogo'ni ya'ma fuluna'niuba lenalitoga minolata nohibe. Noto noto bona'magi fuluna'a epise'na ya'ma nani melepilube'mu, fato'na lepilube'mu nohube. Lenegekesa yigi yigi mehise to komopatinigu lenelesa linogo koli mehilo.

Ya ligo Yesu lu emi'ehina: Ya'ma kapomo nani'ni nohube. To ka lamana'a hiti nohuna to mino kosaba huse'na hiti nani'ni nohube. Ya nohunagi bona'i mone'amagi Afo'nifitoga bilune'mu nohune lite aku i pebisa ho netete aitoga bi menehetilabe.

To Yesu pana'alobo'a ka lu epi'ehina: Komopatinigu koli mehilo. Lenali Hu'mamofitoga keheli ule'ale hite to nani'nitoga ana hite keheli ule'ale hilo.

Afo'nifu nigi'nilo lenehe'malina ya'ma Sikalafu'i lenalitoga ho lifilina'mu yabe. Ai nehetito asaga nasana'mu lenelepiloto to asaga kaga'ni lu lepi'ohuna'a beto hu lepilina'mu yabe.

To bona'i mone'amagi komopa'ani nimi'ahanamagi kaga molo'ohunana kehelite nemege'i melelata nehabe. Ana komopa'ani nimi'ahanamagihi Afo'nifu enali'i komopa'a epilibe. Nani ana huto ya'ma bona'magihi komopa'ni epito nani hapa'ni enelepilube.

Ya hilenogo'ni Afo'nifitoga Sikalafu'i ka lamana'amofihi afo'afu ai lenehe'malina ai'i loka holenogo lepilibe. Ya'ma Sikalafu'i lepilenogo ai hiti lenalitoga minoba minoba hilina'mu yabe. Noto noto bona'magi ai'i bu megelata to mekehelilata nehite ana Sikalafu enalitoga melimilina'mu yabe. To lenali ai'i kehelilata nehabe. Hena'mube? Ai lenali hiti moneka minoto komopatinigu huto nohibe.

To lenali hena hena nasana'mu nigi'nilo lite loka helenogo nani ya'ma huto hu lepalalube. Afo'nifihi pana'a nohunagi ya hu lepalalube'mu hugo bona'magi kehelite Afo'nifihi enofoke ka li emilabe. To lenali fato fato'namu nigi hete noloka helenogo ya'ma huto hu lepalalube.

Lenali komopatini neniminogo ya'ma kaga lu molo'ohunanamo keheli nimilabe.

Ifo muyalo Afo'nifihi hepa'i ni'inalo nohi babu luto ni'inagi nani kohe toto tito hepatini li kuguma hilube. Yanuga li kuguma hu su holoto'ni i behe hu limito lenali kumu lenele'malube luto'ni lenali hiti nani nohunalo minalune. Ya'ma huto hilinamo meni'itita lu hokolo hu leputita'mu yabe.

Ifo muyalo Afo'nifihi hepa'i ni'inalo nohi babu luto ni'inagi nani kohe toto tito hepatini li kuguma hilube. Yanuga li kuguma hu su holoto'ni i behe hu limito lenali kumu lenele'malube luto'ni lenali hiti nani nohunalo minalune. Ya'ma huto hilinamo meni'itita lu hokolo hu leputita'mu yabe.

Yesu ya luto lu epigo Tomasiu lu emi'ehina: Sipi Bo yale, bilata hepa'i mekeheli'ohuta ya'ma kapo'a hiya'a huto kehelilune?