Popular Bible Verses from Luku 13

Share

Lenali felisatini li amuya melete minalana Hu'mamofihi hepatoga bilana kapogu kitili'a folo hokolo hite bilana'mu yabe. Nani lu nolepube. Asaga bona'i ana hite ana kapogu folo hokolo hite tilune'mu hilanaya folo hokolo hite metilana'mu yabe.

Ya hinalo a'i mone foipa feleuba besise'na le'mo gufalo malago 18 kufu'a mino'ehina a'i mino'ehina. Ana a'i asaga yupahi koli'ali huto ho tito humofa'na mehuse minolata nohina a'i yabe. Yesu ana a'i bu goloto kehe i emito ma luto lu'ehina: A'ise, kai kebesise'naka ali nohe'mi ketobe.

Ya luloto Yesu ana a'mofihi gufalo yahi ligo analo mele'isi besise'na he'mi etago ana a'i ho ti fefe luloto Hu'mamofihi gi'a li saga huto fokehi ho'ehina yabe.

Yatai bona'i alihi neana enali yata'a neenogo to bona'i yata'a yatai neana enali alihi alana'mu yabe, luto Yesu lu epi'ehina.

Alihi nohi afo'afu ho tiloto kafe li hekini lolenogo lenali fegutoga ho tilete nehite kasito begele begele hiba hiba nehite: Kafe sigi letobo, nelinogo nohi afo'afu ma luto lilina'mu yabe: Lenali hiya'agati neana bona'i nehabe? Nani lenali'i mekeheli lepolo'ohuna bona'i nehabe luto lilina'mu yabe.

O'e. Nani lu nolepunaya, lenali foipanatini li mehe'milana lenali asaga'i enali hi'ahana suhi hite fili su halana'mu yabe, luto Yesu lu epi'ehina.

Ya nelinogo nohi afo'afu aku'i ma luto lu lepilina'mu yabe: Lenali hiya'agati e'ahafi nani mekeheli lepolo'ohube. Lenali foipa hise fagalo bona'i bifa hilo, luto nohi afo'afu lilina'mu yabe.

Yesu lu'ehina: Hu'mamofihi Kapo'a hena suhi luto ni'ibe lu'ehina? Henana hiti etele'mo legege hilube? Ai nose'na mone'mofihi kitili legeya'a legi huto ni'ibe. Bo moneuba ana yafa legeya'a lito buto foya'agu he kofolenogo anana hofa toto yafa legi huto tilenogo ana yafa musa'alo namamagi noha'ani gilata nehabe, luto Yesu lu'ehina.