Popular Bible Verses from Luku 17

Share

Yesu ma luto ana bo lu emi'ehina: Kai kaga keheli ule'ale nohatanauba kele'mo bati nohinagi kai ho tito bubo.

To sebeni'a yupahi moneko yegegu foipana huloto sebeni'a yupahi kaitoga oto ma luto lu kimilibe: Nani yatai komopa'ni i gelehe nohube, ya lulenogomo kai yalo foipana'a li he'mi etobo.

Ya higo moneko bouba falame'a bu gana gololo ti su nohago bu goloto ai i behe huto nooto sipi kehe ito Hu'mamofihi fokehi ho emito o'ehina yabe. Ya huloto oto Yesuhi gigusagu golaga fito nokoto Yesuhi gepohi li'ehina yabe. Ya'mana bo ai Samalia kapolo bouba yabe. Yuta bona'magi ya'ma Samalia bona'mofihi enele'mo laba hilata nehana.

Lenali kaba hu bati lenalitinimu'i hilo. Kogonakauba foipana li huto nohinogomo kai ka emekibo. To komopa'a i gelehe nohinogomo kai foipana'a li he'mi etobo.

Ya nohigo Yesu kehe ito lu'ehina: Nayahi luga luga su hago bo enele'mo bati hu'ohube. Ya hu'ohuna naeni'a hiya'a nehabe? Enali henabe lite ete Hu'mamofihi fokehi menehabe?

Yesu ka'anilo ma luto lu epi'ehina: Lenali yafa legeya lagaso'asi mone'mofihi suhi luto kaga kehelise'natini ni'inogomo ya'mana nemuya yafa'a ma lite lu etalo: Kai ma yafamaka hapa'aka hiti i gonomi huloto buto hege nagamilugu kaika hekololoto tibo, lite linogo ana yafauba lenabaga liyafa huto kagatini kehelilina'mu yabe, luto Yesu lu epi'ehina yabe.

Bo moneuba nugufa'ni sibina hiligi luto kaba huto le'mo bati bati hilina gufa'a he'milina'mu yabe. To bo moneuba nani lili'na nolito gufa'a kaba hu bati mehuse he'mi hale hilina alihi gufa'a huto hilina'mu yabe.

Yesu koko panana'a lu epi'ehina: Asaga'na fato fato ninauba huto hulenogo asaga boana'i foipanagu enele'mo malalina huto hu'ehina yabe. Ya hu'ehina enali'ani anana li huto hilata nehana bona'moya ke luto nolu epolobe. Ma lagaso meso boana'magihi foipanagu enele'moto folo lalibe. Ya hu laligi sipi efahi mone lubaha'alo naga ilete hege nagamilugu lita fo bilenogo ai aku'i ana foipa foipana li huto mehilibe.

Koyapa'i Noaha kanalo huto hu'ehina suhi lito ana huto Kokulumaguti limi'ehina Bomofihi kana'alo huto hilina'mu yabe. Asaga bona'i minete nose'na neba neba nehite ana'i kata hite nehago Noau sipi botigu tilago nagami'i bilito asaga boana'i enoho fito su ho'ehina suhi hilina'mu yabe.