Popular Bible Verses from Luku 21

Share

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

Lenali amuya melete kehelise ule'ale hite mino bati hite nehite aku'i lenali mino bati huse hepatini lilabe.

Nani'ni kaga hetofa'a lenabagalo mololoto'ni to ka kehelise'na hetofa'a lepiluna'mu yabe. To asaga fatehatinimagi nani lepilina kaga li gofa mehila to lisi'ani luga mebilana'mu yabe.

Kokuluma'i hiti me'i hiti su hoto fenene huto bilinaya nani kaga'ni su hoto fenene huto mebilina mino lito buto minalina'mu yabe, luto Yesu lu'ehina yabe.

Ikato yegelo to sonofito fato fato lu huse lu huse'na huto hilina'mu yabe. To melugu asaga bona'magi enipa'anigu koli hulenogo hege nagamiluguti sipi nogo moloto bililina'mu yabe. Asaga boana'magi melugu ana'ina mone huto hilube'mu nohibe lite enekesa yigi fato fato hite minete sipi enelesa luto enubu'ani metepu ito loe loe hilina'mu yabe. Hena'mugope kokulumalugu sonofi'i hiti ifo muya hiti asaga'i mopo hu baga ilana'mu yabe. Ya hulenogo analo Kokulumaguti limi'ehina Bo aku huto hilina'mu yabe. Soponugu lusi sipi amuya'a hiti fana mehena'aguti a'alina'mu yabe.

To asaga bona'magi sipi lenipakafa halana'mu yabe. Hena'mugope lenali nani nigi'ni lu yege homofa'na hilana'mu lite yabe.

Sipi imima'i melugu lilina'mu yabe. To mone kegi'a sipi kau'na helenogo enebesise'na babu lito huto hilina'mu yabe. To kokulumalugu babeyafana sipi sipi, fato fato'i huto huloto lenele'mo lenelesa fato'na huto lilina'mu yabe.

To aliha'a sipi luba nehabe lite nelinogomo lenali lenuluhayaguti fiki fiki hinogo koli mehilo. Lubana hena asaga'na yata'a fato fato'i huto hu su holenogo alihi anana me'me huto mehilina'mu. Yesu ma luto ka mone lu epi'ehina: Mone bo naga'magi ho tite mone bo naga'i hiti luba hilina'mu yabe. To mone gihiti bomofihi bo'a hiti fato gihiti bomofihi bo'a hiti luba li huto hite hilana'mu yabe.

Ikato yegelo to sonofito fato fato lu huse lu huse'na huto hilina'mu yabe. To melugu asaga bona'magi enipa'anigu koli hulenogo hege nagamiluguti sipi nogo moloto bililina'mu yabe. Asaga boana'magi melugu ana'ina mone huto hilube'mu nohibe lite enekesa yigi fato fato hite minete sipi enelesa luto enubu'ani metepu ito loe loe hilina'mu yabe. Hena'mugope kokulumalugu sonofi'i hiti ifo muya hiti asaga'i mopo hu baga ilana'mu yabe.

Yesu ma luto ka mone lu epi'ehina: Mone bo naga'magi ho tite mone bo naga'i hiti luba hilina'mu yabe. To mone gihiti bomofihi bo'a hiti fato gihiti bomofihi bo'a hiti luba li huto hite hilana'mu yabe.

Ya lago Yesu lu epi'ehina: Lenali kaba hu bati hilo. Mone lenimi'i mele lalabe'mu nolube. Babu bona'i nani nigi'ni hete ma lite lilana'mu yabe: Nani'ni ya'mana bomo nohube. To ma lite lilana'mu yabe: Kana'a anasi yatai lebato huto nohibe. Ya nelinogomo lenali ana bona'i bite enemege'i memalalo.