Popular Bible Verses from Matiu 19

Share

Ya lago Yesu enubugu enogo fiya iloto ma luto lu epi'ehina: Ma melugu bona'magi ya'manana mehilana'mu yabe. Hu'mau aisigo asaga'na lolo hilina'mu yabe.

Etali loe bona'i meminese hite'atiti moneko bona'i nemina'ina yabe. Hu'mau etele'mo moneko hu'ehina alobole lenali bona'magita loko mehi etatalo.

Yesu lu epi'ehina: Lenali mono bukugu bu gelete ana ka mekeheli'ahanafiye? Ya'ma kagaguti go'ehina: Yata'a kanagu Hu'mau bomo hiti a'mo hiti lolo hu molo'ehina yabe. Ya lolo hu'ehinagi bouba ito'afihi afo'afihi noha'atitiguti he'mito liha'a le'moto bigo etali nupa hite minete moneko bona'i minala'ibe.

Yesu lu'ehina: Lenali yagapana'i he'mi epelenogo nanitoga eno. Lenali enele'mo memalalo. Kokuluma kapoya yagapana ya'ma'asimagihina ni'ibe.

Ya hu'ehina babu bo luga'a yatai yata'a kohe kohe hite nebanamagi aliha'a yupahi alihi alabe. To babu bo luga'a enali alihi nebanamagi alihi yupahi enali kohe tete bilana'mu yabe. Yesu ya'ma luto lu'ehina.

To enali bona'i luga'amagi nani kumu lite enekesa yigilete noha'anifi enogona'anifi enetali'anigifi ito'anigi afo'anigihifi yagapana'anifi to foya'anifi he'milete nanitoga alanamagi enali anana'anilo babu lite lilana'mu yabe. To enali bati huto minoba minoba hepa'i lilana'mu yabe.

Ya ligo Yesu ana neheya kola bomofihi ma luto lu emi'ehina: Kai bati huto minalube lutomo asaga fe'nohaka buto bona'i noepito efahi lilotoka guna ito musufalo bona'i epibo. Ya hitogo hetofanaka kokulumalo minalibe. To kai ya huloto nani'i oto nemege'i molobo.

Ya ligo Yesu lu emi'ehina: Hena hibe luto hetofanamu noloka nohane? Moneko kene'isi nohina Hu'ma aisigo bati hu'ehibe. To kai minoba hepa'i lilube lutomo keya ka li pili koloto mege'i molobo.

Nani mone'a hiti kaga lu lepilube lu'ehina. Kameli yagauba kata hetise neka'mofihi hokolo kapo'agu nesi'asi keta besinogo tilinaya to fe'noha'a babu luto nina bouba Hu'mamofihi kapo'alo bilube'mu hilinaya sipi keta besilina'mu yabe luto Yesu lu epi'ehina yabe.

Nani lu nolepube. Bo moneuba liha'a fato bolo mebu'ehinamofihi le'mo he'miloto fato a'i lilina huto gumina nofalabe, Yesu ya luto lu'ehina yabe.

To Yesu koko pana'a ma luto lu epi'ehina: Nani ma'naka luto lu nolepube. Fe'noha'a hiti bouba ai kokuluma kapo'alo tilinaya aitoga sipi keta hu etalina'mu yabe.