Popular Bible Verses from JOHON 15

Share

Neia rikrou ping, naanna mbaak in pti. Nei kihin kak baang tlit, ungta Neiji mma hin ka am tlit mii ava thei knemmi kchui, mleija Nei ktaakki naanni do khat lee tlo pchaang nimaanti.

Nei kihin kbaang chaan, ungta Neiji ahin inni am nikdi. Rikrou baak ava mdingtu mkurjom mabi, mthina ngi thei mchui pchaan ma lulu ngi, naanni Nei kihin akbaan tlit chaak maanbi, thei chui pchaang nimaanti.

Naanni Nei kihin kbaang tlit da, ungta Nei kpauna ngi naan hin makbaan tlitbi, naanni ado ṭhil nuwm in aṭhil chaan, ungta ava akurthut pik raan.

Naanni Neia mukchol maanti, pdainu Neiji naanna ado kukchol in, ungta nong ado kpupuwk in, naanni chetda thei achui nraan, ungta naanki thei makbaan tlit daat nra, Nei kmiing ngi naan doṭhil chaak khim khai, Mma ngi akpii chraan.

Maplap tummi ku mii khatti mrinkhu kpii cha hava kheelli wonsat kthloi ku khat lee ame.

Thei kchui kma mbaak khim khaija kapra pthiira, ungta thei kchui mbaak khim khaija knem betti mchui nra kardiin pik ra.

“Neiji naan wonsat ado klo in lulu ngi, naan rukva khat leh khat wonsat kurlo in, ditta hava Nei kpaureen.

Naanni thei chuida, ungta Nei ksiikhu akurthut in hava ngi Kpah mdo punlor.

Neia kindit rikrou dii ava ping, ungta rikrou kpurthlot ava Kpah.

Ku mii khatti Nei kihin makbaan tlit chaak mabi, mma ava mbaak lulu kipthira, tuṭon ruk kṭong chra, ungta mbaak rekka purkukda meithung ngi var pthi donle kukbung chra.

Nei kakanpat ava naan thung ngi ma am nra, ungta akanpat in mkurkhum nra, hava lea Neiji ahin inni kdo the.

Neiji Kpah paureen rek arkhinu Mma wonsat thung ngi kakbaan tlit lulu ngi, naanni Nei kpaureen arkhii inra, Nei kwonsat thu jiam in.

Naanni khat leh khat wonsat akurlo nraan Neiji hava pau ado kreen pik in.

Naanna dultipaam ki akurthut inbi, dultipaam va mthina ngi wonsat kurlo chra, pdainu naanna dultipaam ki akurthut maan leiji, naanna Neiji dultipaam thungki ado kukchol dok in, ava ngi mlei kurthuwk da dultipaam ava ngi ado tipder chaak in.