Popular Bible Verses from Lom 4

Share

Ma miŋ hawa auk ju hathak abô atu ba Wapômbêŋ havak haviŋ yani ami. Mi, anêŋ hêvhaviŋ halumbak bêŋ ba hêv athêŋ lôkmaŋgiŋ hadêŋ Wapômbêŋ. Yani hayala yôv nena Wapômbêŋ hatôm indum êtôm atu ba bôk habutiŋ.

Hatôm abô atu ba Wapômbêŋ bôk hanaŋ ba eto nena, “Lêk yahatak o ek umbitak avômalô lodôŋlodôŋ iniŋ lim.” Abô êŋ ma avanôŋ hêk Wapômbêŋ ma. Ablaham hêvhaviŋ yani atu ba hathak hêv lôkmala hadêŋ ŋê ŋama ma hathak halam nômkama takatu ba miŋ hamô ami, ma lôkthô ibitak aêŋ.

Yisu êŋ intu Wapômbêŋ hatak ek ema esak alalôaniŋ kambom ma hik liŋ hathak loŋbô ek êpôpêk loŋôndê ek alalô nambitak thêthôŋ.

Avômalô sapêŋ leŋiŋhabi nena nôm êŋ miŋ hatôm imbitak ami. Ma doŋtom Wapômbêŋ hik vuliŋ leŋsawa thô hadêŋ yani ba hanaŋ, “Anêm libumi tem nimbitak aêŋ.” Ma Ablaham hêvhaviŋ ba hêv ma ba intu habitak lodôŋlodôŋ iniŋ lambô.

Aêŋ ba avômalô ewa nôm takatu ba Wapômbêŋ habutiŋ abô hathak anêŋ anôŋ hathak iniŋ êvhaviŋ. Ba intu hathak anêŋ wapôm ma Wapômbêŋ hadum nôm êŋ. Ma Wapômbêŋ hik anêŋ abô habutiŋ haviŋ Ablaham loŋ hathak anêŋ limi sapêŋ atu ba êvhaviŋ, avômalô Islael takatu ba bôk ewa anêŋ balabuŋ lôk avômalô loŋ buyaŋ haviŋ. Ba intu yani ma bumalô ek alalô lôkthô.

“Ŋê takatu ba Wapômbêŋ bôk hêv iniŋ kambom vê lôk haluviŋ iniŋ sek, thêlô lêk êmô lôk leŋiŋmavi. Ma ŋê takatu ba bôk Wapômbêŋ lapaliŋ iniŋ kambom, lêk êmô lôk leŋiŋmavi.”

Bôk eto aisê? Eto nena, “Ablaham hêvhaviŋ Wapômbêŋ ba intu halam yani nena anyô thêthôŋ.”