Popular Bible Verses from Génesis 25

Share

Bab-Jehová Rebeca-abin sogded: “Be-sapi-dukugine, neggwebur-sogabo danikid, amba yoo napnegse-aideged-idu, bato neggwebur-sogabogwad na ebo gae-nanaid. Gwensak, baidba bur-dutusur guoed, ia, urba-sogedba nanadii guoed.”

Geb Esaú, Jacobʼga sokalid: —An ukudmaada itoged, wis be anga we-ibmar-gisi-dunaid be udage. (A-ulale, Esaú, Edomʼye bilebalid).

Rebeca geg mimmi-baked. Degisoggu, Isaac Bab-Jehováʼse ega gochad. Bab-Jehová Isaac-ese-gochad itosad. Agi, Rebeca gurgin-nika gunonikid.

Esaú abin-sogded: —An ukudba burgwedanisoggu, anga-bela-ibmar-uklegoed, an bega ukodo. ¿Ar ibiga bar an we-ibmar abesunna? An abesuli. Geb Jacob sogded: —Emisbinne, ise-sogar be anga sogdo, deyob an bega ibmar ukedseye. Esaú abin-sogded: —Ise-sogar an bega sogye, deyob an bega ibmar ukedseye. Esaú, machi-sailagined-guedgi-bela-ega-ibmar-uklegoed e-urba-Jacobʼga uksad.

Geb a-sorba, e-urba e-argan-nailikgi e-ia-maligi-akanai aidenonikid. A-ulale, Jacobʼye onugsasmalad. Deunni, Isaac birga-dulapaa (60) nikad.

Isaac bur bule Esaú-sabed, ar ade, Esaú-ibmar-maked-gunned yeer-itodaed. Ar Rebecaʼdina bur bule Jacob-sabmogad.