Popular Bible Verses from Lucas 23

Share

Degi, Jesús sogded: “Bab-Dummad, we-dulemar isgussuliyob be dako, ar wissurmalad ibu imaknanai.” Degi, suar-ibgan Jesús-morgi dodoarmalad, wilubdaknai-guarmalad, igid-mor emargadga guodibeye. A-sorba, Jesús-mor mimismarsunnad.

Geb degi, Jesús, abin-sogded: —Napira an bega soged, emi-ibagi Neg-Nued-naidgi be anba gudiguoed.

Geb degi, Jesúsʼga sogded: —Be Reyga-negdakmaidgi-danikir, be an-insao.

Geb degi, Jesús binnasur goted, sogded: “Baba, be-argangi an-san-burba an uksun.” Deyob-sogsad-sorba, Jesús burgwided.

Nonogarye-neg-nugadse mosmargu, agi nakrusgi Jesús-bioksamalad. Dulemar-isgana-warbogwad nakrusgi bioklesmarmogad. Wargwen, Jesús-argan-nuedsik ogwichismalad. Baiddi, Jesús-argan-sapiledsik ogwichismalad.

Degine, yorukugusgua, bela napneggi negsichid nagusad, wachi-irbaase naigusad. Degine, dad-ibeler gwen bar gassulid. Jerusalénʼgi Bab-Dummadse-goled-neggi, Neg-Islidikid-irwa-mor-naid, negabar achirmakde gusad.

Roma-sorda-dulatar-sediid (100), weyob-ibmar-gusad daksagu, Bab-Dummad-nug ogannoded, sogded: “Ar we-dule, dule-nueddaed-napiragwadid, gwen-ibmar-oakalossulid.”