Popular Bible Verses from Woo bɛ ŋa 2

Share

Ŋɔi Piɛɛ í sɔ̃ ŋa í ni, iŋɛ fei i kpaasi idɔ nŋɛ i jɔ̀ a dasi ŋɛ inyi do irii Jesu Kirisi ku ba Ilaaɔ̃ ku kpa idei dulum du ŋɛ, nɔ aa ba amuai Ilaaɔ̃ má ŋa iyi í jɛ Hundeɛ.

Nɔ à ya gbɔ cio iyi woo bɛ ŋau à ya maa kɔ ŋa siu fei, nɔ à ya maa wɛɛ do anu akã, à ya maa jɛ ijɛ iyi aa yeò gigii ikui Jesu, nɔ à ya maa ce kutɔɔ ajɔ.

Ŋɔi aŋa iyi à wa bɛ fei à kɔ̃ò Hundei Ilaaɔ̃ nɔ à waa fɔ fee mmu gɔ ŋa, si bɛi Hundei Ilaaɔ̃ í mu nŋa aŋa fei ikã ikã.

Gbakã ŋɔi à gbɔ iba gɔ í naa hai lele bɛi fufu nla, nɔ si inɔ ileu fei inɛ ŋa à gbɔ ibau. Si anyiɛ ŋɔi à yɛ ngɔgɔ ŋa bɛi amɛi ina ŋa à kpɛ̃ à na à lesi irii aŋa fei akã akã. Ŋɔi aŋa iyi à wa bɛ fei à kɔ̃ò Hundei Ilaaɔ̃ nɔ à waa fɔ fee mmu gɔ ŋa, si bɛi Hundei Ilaaɔ̃ í mu nŋa aŋa fei ikã ikã.

Ajɔ fei à ya tɔtɔɔi si bantumai kpasɛ̃i Ilaaɔ̃. À ya tɔtɔɔ a maa jɛi si inɔ kpasɛ̃ nŋa ŋa do inɔ didɔ̃. Muafiti ci ya wa si. À ya maa saabu Ilaaɔ̃ nɔ inɛ fei í mà bɛɛrɛ nŋa. Ajɔ fei inɛ ŋa à ya dasi naanɛi nɔ a ba faaba. Bɛɛbɛi Lafɛ̃ɛ Jesu í ya maa kɔ̃ɔsi kukpɔi woo dasiɛ naanɛ ŋau waati kãma fei.

Ilaaɔ̃ í ni, si ajɔi ankãanyi ŋau an daa inɛ fei si Hundem. Ama inɛmɔkɔ do ama inaabo nŋɛ ŋa aa ce walii. Awaasũ nŋɛ ŋa aa ya maa ce kuyɛ ŋa, nɔ mɔkɔ ngbo nŋɛ ŋa mɔ an ba ŋa ide ku fɔ si ala.

Woo dasi Jesu naanɛ ŋau fei à ce anu akã nɔ mii iyi à nɛ fei ti aŋa feii í jɛ. Waati iyi inɛ gɔ í nɛ bukaatai ngɔgɔ fei à ya ta iko nŋa ŋai do mii ndu ŋa ŋa nɔ a na lafɛ̃ɛ fiau zaka bɛi í nɛ bukaataɛ.

Amma inɛ ŋa iyi à waa kpe Aɔ̃ Lafɛ̃ɛ fei aa ba faaba.

Inunu á kuku inya nɔ cukpa ku kpã bɛi njɛ. Si anyii nŋui ajɔi Lafɛ̃ɛ á to wa, ajɔ nla ilu amboeu.