Popular Bible Verses from Luka 3

Share

Niyo wantu wose weze wabatizwe, Yesu naye niyo abatizwa. Umo akalombeza, kulanga kwembingu niyo kwagubuka, Muye Ukukile niyo asela mnanga mwakwe mwe mligano uge suwa manga. Niyo izwi kulaila kwembingu dyevika, “Weye nuyo mwanangu, hungisa. Weye waniwagila.”

Yohana niyo awahitula, “Miye nawabatizani kwa mazi, mna eza mntu mta udahi kujinka miye. Uyo akwiza miye sikuwagila hata kufungula izisigi ze vilatu vyakwe, uyo nawabatizeni kwa Muye Ukukile na kwa moto.

Elo lagisani kwa ntendwa kugamba mweila masa yenyu. Msekwelongela mwe myoyo yenyu, ‘Bulahimu ni tati yetu!’ Nawagambilani kugamba, Chohile adaha kuyahitula mayuwe yano kutende wana Bulahimu!

Mna haluse hoya imalanywa kale kukanta masina ye miti, chila mti haukweleka matunda yedi naukantwe na kudulwa mo moto.”

Saviya iwandikwe mwe chitabu cha muwoni Isaya “Izwi dya mntu akwila kwe nyika, ‘Idamanyeni sila ya Zumbe, mchumize hadya akunga ajinkile! Chila kolongo nadigubikwe, chila gulu na kagulu visalahazwe. Sila zigonjize zichumizwe, na sila zibanike zidamanywe vyedi. Chila mntu nawone ivyo Chohile nachambule!’ ”