Popular Bible Verses from Juan 5

Share

’Nabe ñimun isa kømø, cierton trendamønrrun: Møikkøben na wamindigwan mørøb, nan Karua Ørøbigwan køreb inchibiibe managatig øsig kømigwan tøgagønrrun cha. Incha truigwane kaigyu pasrønrrai pasrig kømønrrun cha, kaguende kwamigugurri øsig kømigumay yandø puraya pasramisrikkurri.

Inchen Jesúsbe truyu tsui ashabe, øyeetø truba yana kwanrrø tsubig kuin kui ashabe, trenchibig køn: —¿Tammisrøg køtah?— cha.

Ñimbe Tiuswei wamwan pørigwan ashippe, maig køtashchab truba tab ashib labelø køn cha, kaguende managatig øsig kømigwan truyu wetørranrrab isubelø kua. Inchen tru pøriiløbe nan mu kui ashchai naimburab waminchibelø køn cha. Inchendø ñimbe naimay amrrug kømuindan cha, tru srøig øsig kømigwan tøgagønrrab.

Inchene Jesúsbe trenchibig køn: —¡Kurrø! cha. ¡Ñui tsigalwan mutab, punab inrrø!— cha. Inchen tru urastø tru møøbe tabig kørrømisra, nui tsigalwan muta, punab ib mendabig køn. Inchen tru kwalømbe isrin kwaløm købig køn.

Inchen Jesúsbe nømun løtappe, trenchibig køn: —Nabe ñimun isa kømø, cierton trendamønrrun cha: Tiuswei Nusrkaimbe ka nuimburaptøbe chigucha marmøn cha. Møskai chi mari asha, trunundø maran cha. Møskai chi marin kuindø Nusrkaingucha treetøwei maran cha.