1
Matius 16:24
Buk Niu In Hida Balu nol Dehet deng Apan-kloma ki in Dadi ka
Hidi kon, Yesus tui Un ima-ii las noan, “Atuil in le muid Au ka, un musti tahang le muid tutungus lelo-lelon! Un musti nadidingun soleng un in koma-koma ngas, le muid se Ama Lamtua in koma ka tuun. Atuli las le keo un kon no, un musti muid napiut, banansila el atuli in haal un kai sangsuli la le laok mate ka.
Compare
Explore Matius 16:24
2
Matius 16:18
Hii ke! Nol nia, Auk ngali ku ngalam ma ‘Petrus’. Ta ngaal na nahin na noan, batu. Undeng ku in parsai ka didi na el batu ka son, tiata mam ku daid baut netes taung Auk atulin in parsai ngas. Le halin oen tom in diku-puang didiin mates kon no, oen tahang napiut.
Explore Matius 16:18
3
Matius 16:19
Mam Auk bel ku hak, le doha-tinang Auk atulin nas, banansila el ku kil kunci sorga la. Ta asa man ku kaing se apan-kloma kia, lam Ama Lamtua Allah kon kaing ne sorga son. Nol asa man ku belen dola se apan-kloma kia, Ama Lamtua kon belen dola ne sorga son.”
Explore Matius 16:19
4
Matius 16:25
Ta atuil ol man tade le mate undeng in muid Au, mam un haup in nuli napiut nol Ama Lamtua. Mo atuil man suma nuil taung un apa ka sii ka, mam un haup in nuli napiut nol Ama Lamtua lo!
Explore Matius 16:25
5
Matius 16:26
Hii ke! Eta ku haup apan-kloma ki isin nas totoang, mo Ama Lamtua Allah hutun soleng ku lam, ku in ulat ti saa la? Ku lep lai-niin apan-kloma ki isin nas totoang kon no, nas seda nal ku hmangim ma lo!
Explore Matius 16:26
6
Matius 16:15-16
Yesus ketan oen pait noan, “Eta muid mia lam, Auk niam asii la?” Kon nam, Simun Petrus siut noan, “Paap niam Kristus, Atuling man Ama Lamtua Allah hid lolo hmunan nu le tunang maa ka! Nol Paap niam, Ama Lamtua in nuli hidi nutus taan lo ka, Ana!”
Explore Matius 16:15-16
7
Matius 16:17
Kon Yesus tekan noan, “Simun, Yunus ana! Ku niam ulat! Ta atuli li man tek ku dais na lo. Molam Auk Amang in ne sorga ku, man tek ku dais na.
Explore Matius 16:17
Home
Bible
Plans
Videos