Popular Bible Verses from JOHON 6

Share

“Ki iringnii tar chuping taka Jesu ing eningna ariir. Kaningting ihuung meechu utaraenkho aven chaammahnii; vokhehkho ki ynthacha mee inche utaraenkho achii raarmah reehnii.”

Ringkum ympeehchu Thangnang laetha vatah; laaruw mee ruwreng chuve ikanii yntangakho omah. Nening-na chong kariir vakhae i laetha chuva vokhehkho iringnii ympeeh chuva.

Maangvachii isahfhuw khaenache nong tumahruw; ama changdenna ichen naemah ing chitha paarvachii ringkum phanii khaenache nong turuw. Haviva Mee Sapa inche thaemin ipiva chiichu, akhaechuve ampa Thangnang inche ataklina ahakpa.”

Kapa ing amandenrem chuve Mee Sapa chu munaka aningna athacha vakhaechu ichen naemah iringnii ipha chuva. Amana ki ing achinii inii nache manringva katae.

Jesu ing abasang ae, “Thangnang ing tutanuwka achii amanden chuve ama ing ajenchiir ningnache ithacha chuva.”

Kapa ing kaningna ymmansir vakhae ae chuve kaningting huung vaatae. Kaningting ihungruwh chaap achuwkho hedamahning

Simon Pitar ing abasang, “Aafhuw, kenuw ing achuw ningtingche siva kenchiiva? Ichen naemah ringkum ympeeh chongsaechu nang ing nadeensa.

Ki i thangbaen tanii ijungtheng iring tar chuping. Achuw yngkheh ing havana tar i sanave, ama ichen naemah ing ringvaata. Amanche laaruw paam mee ringnii khaena pivakachii tar chuve ki kasha iva.”

Ki ynjenchiir kapa ing sirmah naka achuw ingkho kabuumne huungcheh mahnii, ihuung mee chuve achinii inii nache manring vakata.

Thangnang ing ympeeh tar chuve thangbaen tanii juwngka laaruw paamna iringnii apeeh chuva.”

Ki iringnii tar chuping.

Jesu ing tarchu verika bor apeeh aanuwna, asebok ae ningting jepika, amana asebok aenche mee vakhaechu empeehpa. Nga chukho aanghakjaeh ing bor pika enven ynva ing ensah ae. Mee vakhaechu enven abava aanuwna Jesu ing sebok ae ningna ariir, “Abarii chaap aekha mampaam rudeh ing khuumruw.”

Sebok aenche meil runga kuruk vakhae enjehuur aanuwna Jesu ing chii taklina ivasichu emutah nache ynchiksae. Amana Jesu ing ynchik mahruw kiping taka eningna averiir.