Popular Bible Verses from DANIEL 3

Share

Shadrak, Meshak ae Abednego nou Veo hisü chila peie, “Oh Puo Veo, haina vanou la Etaoye vupa loure ludu phoulai moe. Etao nou thoa buyu Ramai nanou Etaoye mei hinou ae ne bah hinou vupa peilai toulouzü vupapei shulai. Ana puhnou vupapei moyuma, Oh Puo Veo, Etao louzü nevei rahye tholai moe, alia nenou sana nou soukhai touyu maizhurai nasü khurükhailai moe.”

Veo nou paoe, “Neletao-a zhukhaio, Ewo mai adai meifü hinou rai phumoa ta-a buyu zhingaoe; ae puletao vasou hi mei taomoe, alia mai adai chena hai rakivamai büa bue.”

Veo Nebukhadnezzar nou paoe, “Rakivamaiye seive puhvei kilai maitaoye vupa peiyu Shadrak, Meshak ae Abednego Ramai ye paosholo! Puletao hai avei kharochi koutea züba-a ae rah kukhe liye thore jüo thaiyu koute ngaopi moa lah puletao vei Ramai ye thoa baie.

“Südonou chuo Enou tyahrü hrülai hi, mai hrülai hi ae la tyakukua paiyu mai veishi hisü kharochi haina peiwe, süolouzü mai tarali noua Shadrak, Meshak ae Abednego Ramai ye ngaophou moa paoshi louzü, puhye sü souvava nou daodesasa khaiwulai alia puhvei ki-lu khesü soushi khaiwulai, daiolouzü rah kukhe taralia haibüa khailupa peilou hoe.”