Popular Bible Verses from EPHESAMAI 6

Share

Daiolouzü Eletaowo ke-zheye reihzümoe, ana rakilo buhtaohi buyu ashi rakotao vei khoukotao, paopu maitao, peikho maitao, alia chu teizhi hainavei teideiphao vei khoukotaoye reih züwe.

Ramai hinou soukha khoa haitao pfüphou hai veachi pao-a soulouwo. Rakonou süthai peiyu thaifüa phabu sanou veachi paolo. Qo haina vanou leikeilo ea hakia thaokhaiso, teisanou sheeyumaitao hrülai donou veachi paolo.

Neletao nou Rashinavei do ashitao hinou laloure donou Ramai nou neletao hi peikhai touyu reihna pfüphou sü thoulo.

Südonou chuo Ramai vei reihnasü noulo! Süthaisü teithe ashi veyukisü, ngaoba mainou reih duveyu sü neletao nou nulou süe; alia akhai koute reih zükouyu kisü, neletao nou ko-a laloulai.

Ha teitei jünou, teisanou lüvei rü nasü pfülo; daiolouzü süna vanou neletao nou ashi nanou leitei poa buyu meikeiyu loushuh teiteisü sounghi lousüe. Alia khailu louyuhai reih peirü büa ea Rako nou neletao hi peikhai touyu Ramai chipao hai khoche büa polo.

Südonou acheche nanou khyakho büa neletao khyahi khoteiloua ea cheche-a hrüyu sünanou neletao khaokha büa kholoua latoulo, alia kaonayu vei Ko Avei paodoure souda-a buyu sünanou neletao phikha nouyu büa noulo.

Akhai hinou, Athaihou jürai maitao, Mapaowo hinou ea puhvei achana khouko hinou khoua bulo.

“Nepfü nepuoye tsükhoulo;” (haisü apaopei khaitouyu ali koua thoupu peikhai touyu raikaiyu chikha nasüe): “Sükulouzü ha teitei hai neye donou kao-zhou veiloulai ea deiphao hinou ne maishoa buloulai.”

Nahkhe maitao, Mapaowo hinou neletao pfüpuomai chi zülo, daiolouzü haisü souzüe.