Popular Bible Verses from JOHAN 15

Share

“Ih shükusishü, ko nührü ajengza. Sü I chah liro, ko Ih sü chah liro, abinü asih khütang sihre; tunüo Ih müzehpü nührünü tu münguchicheh.

I chah lieng, ko Ih nührü chah linung. Ajengzanü ashü chah mülikhang ajangjang asih müsihcheh. Hütsü kyo nührünü I chah mülikhang asih müsihcheh.

Nührü I chah likhang ko I yu nührü chah likhang; nührü khyünyücho ching, ko hütsü nührünü ngunung.

Nührünü Ih throchehcho mah; ta Ihnü nührü throchehcho ko nührünü wünü singsih khütango sihsohnung Ihnü nührü jehsohcho. Hütsünü nührünü I nengla tuturü chingnang Aunü hütsü nührü khyang jünung.

Nyüh khüdunü müyangrü khüdu nengdang apu akang jüba tenü adiu amüi mühle.

I chah liba asih müsihba ajengza tsü abinü kyopehre, ko asih sihba jengza tsü asih alaa sihsohnung abinü hütsü dhrükehjüre.

I yuzeng tsü hi: Ihnü nührü müicho kyo, nührü khüdunü khüdu te müitaang.

Nührünü asih khütango sihcho khu I U ahechi ngusohre; ko hütsüta nührü I monoti kangre.

“Ih shükusishü khung, ko latbü thsaba tsü I U lile.

Sü I chah müliro abilü ajengza kyopehre ko mükupehre; hitari ajengza tsü khyübülung michang la yoh tahpehre.

“I akünyang nührü chah linung ko nührü akünyang ajeng kangnung nengdang, Ihnü nührü te hi yoko.

Ihnü tu khüta I U yuzeng bichiro, ko abi amüila liro; hütsü roh-i nührünü I yuzeng bichikhang, nührüsü I müi la linung.

Hütsüeko, Ihnü nührü te hi mülare: Nührünü khüdunü khüdu te müitaang.

Nührü limih yoerelang, abi yo roh-i nührü müiba thsako. Ta hiba limih lanü Ihnü nührü throchehcho, ko nührü abi yo mah; hütsünü limihnü nührü thrünyire.