Popular Bible Verses from Zenez 32

Share

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

Apre, sa zonm ti dir, “Les mwan ale, akoz lizour pe fer.” Me Zakob ti dir, “Mon pa pou les ou ale, avan ou pa beni mwan.”

Zakob ti reste tousel. En zonm ti lite avek li ziska granmaten.

Zakob ti apel sa landrwa Penouel, savedir fas a fas avek Bondye. I ti dir, “Mon'n war SENYER fas a fas, e mon pa'n mor.”

Kan sa zonm ti war ki i pa ti kapab bat Zakob, i ti tap li lo son laans, e son laans ti debwete.

Alor, i ti dir, “Ki mannyer ou apele?” I ti reponn, “Zakob.”

Zakob ti demann li, “Dir mwan ou non.” I ti dir, “Akoz ou demann mwan mon non?” Alor, i ti beni Zakob.

Mon pa vo sa fidelite e tou sa lwayote ki ou'n montre pour ou serviter. Mon ti annan zis mon baton kan mon ti travers larivyer Zourden. La aprezan, mon retourn avek de group.

Ziska aprezan, bann Izraelit pa manz sa morso lavyann ki lo laans, akoz Bondye ti tous sa misk lo laans Zakob.

Zakob ti dir, “Bondye mon papa, Abrahanm e Bondye mon papa, Izaak! Ou, SENYER ki ti dir mwan: Retourn dan ou pei kot ou fanmir, e mon pou fer ou dibyen.

Delivre mwan, mon sipliy ou, dan lanmen mon frer Ezai, akoz mon per li. Mon per ki vin atak mwan, e touy bann manman avek zot zanfan.