Popular Bible Verses from MANEUTNYI 2

Share

Ngaich ngam Tēv, nö hang ṙô cha nö halöinyöre, fēḵĕlre ngaich ngam Tēv tö ngam kinlēḵngô in Aprahām, in Isāk, in Yāköp inrē. Ngëichkö yik kūön Israĕl ngaich ngam Tēv, ngaich ngam Tēv nö akahngen cha.

Ngaich ngö inlahen irô-òten nuk töṙōl sumkam, kapah ngaich ök rācha aṅ Aikup; ngaich yik kūön Israĕl nö halöinyöre tökūö ök inkövöre, ngaich peuiny chā-a, ngaich ök ṙô cha nö söllö nö im Tēv.

Pōyö ngaich ngam nyīö, ngaich angā-aṅ nö kēten ò, nö ik kikānö kūön Fërō, ngaich angā-aṅ nö kūön ò nö kikōnyö. Ngaich kaheuk minë-eny ò angā-aṅ nö Môsös, ngaich ngöṙô Pò chu tūöklen ò nö ṙā-ang el mak.

Ngaich ngöṙô ök kūön Fërō kikānö tö ò, Kēngö ngam nyīö man, harūkan nö kūön chu, kētö raneushö meh chin min. Ngaich ngam kikānö nö kē ngam nyīö, ngaich harūkan.

Ngaich ök kikānö kūön Fërō nö peūtöre nö vōk, el ök tahël; ngaich yik kūön alaha ò kikānö nö kiröön kāha ök tahël; ngaich meuk ök kuvôkö angā-aṅ nö i nuk chōn, ngaich tīnngö yik kikānö angā-aṅ kūön alahare nö kē-ĕr e.

Ngaich ngö inlahen hē nuk sakāmö anū-ö, hē Môsös nö ngaich nö pōyö, ngaich chuh i yip holre angā-aṅ, ngaich meuk nuk lumngan cha: ngaich angā-aṅ nö meuk ök aṅ Aikup, nö chökhutī tök Hīprū, ök aṅ i yik hol ò. Chingā, chingā, angā-aṅ tö kūöre, ngaich hē ò nö öt maheūṅku tö tarik; ngaich angā-aṅ nö fëlngö ök aṅ Aikup, ngaich hayunngen ò nö el kuyāyö.