Popular Bible Verses from Ranehlö 37

Share

Heūv ngaich ang Yôsĕf, ngaich vë-eny e nö i yik mëmre: ngaich chā-a nö ṙūhölre kumnyah elmat tö ò.

Töhāngenlōn ök Israĕl tö Yôsĕf mötlö tö yik kūön ò nö ṙòkhöre, pò ò nö kūön ò nö köiny; ngaich angā-aṅ nö vī tö-aṙū-uti inyut ò tömirūnö mat.

Ngaich yik mëm ò nö meuk ök yöng cha nö hāngenlōn tö ò nö mötlö tö yik mëm ò nö ṙòkhöre; kunyāha elmat cha-a ngaich tö ò, ngaich ötkô nö vë-ekūö ò.

Tahëng ök heūvö ò tö hēktöre, ngaich vë-eny u angā-aṅ nö in yik mëmre, nö ngöṙô, Yĕh meuk, heūv heūvö chin, hēk; ngaich, yĕh meuk, ngam tavūöi, chingëṅt, kahuk sīön nup taneūsömat inrē afukngöre nö salāmö chu.

Kunyāha elmat yik mëm ò nö ngaich; ngaich pöri ök yöng ò kikōnyö nö haköpngö ngam ṙô nö ellōnre.

Ngöṙô angā-aṅ tö cha vë-ekūö yīö chin, hangihtöre yin tö ngih heūvö aheūv chu: Yĕhmeuk, tö hī lang öi nyëk kūö nup rōi sāiny öi el panô-òṅ, ngaich meūkö ök rōi sāiny nyahëk chu nö chōholre, chiphakaṙen ngaich nö sökhaka, ngaich, yĕhmeuk, nup nyahëk yīö rōi sāiny nö yihtöre nö havīṙöre, ngaich afukngöre nö salām ök nyahëk chu rōi sāiny.

Yĕh tā-a, lökten, töi fëlngen ò, ngaich sukten ò nö ël në tö-ūlö, ngaich ngöṙô min ayī-ö, Kā-ayö ök tö nup töṙeūla tötlöök: ngaich min ayī-ö meuk lāinyngen nup heūvö ò.

Ngaich lök umuh yik aṅ Mitiā inrē, mi-inyih; tūöklen Yôsĕf chā-a ngaich nö ṙā-ang ël ök tö-ūlö, ngaich inyihngen Yôsĕf nö i yik aṅ Ismael nö nëthöt anāi tö rupīö. Ngaich chā-a nö kēten ò nö i Aikup.

Ngöṙô chā-a tö höö, Yĕhmeuk, yih ön ngòh yōm heūvö.

Ngaich meūkan chā-a nö marôvat, ngaich urēhĕkūö ò nö röhta nö in cha, halēn ellōnre chā-a ngaich nö lā-al ò nö fëlngen ò.

Ngaich Rūpön nö ngöṙô tö cha, Un kitaknyu mahām; sukten ò ël ngih tö-ūlö ngih elinchōnngö; uh pöri ṙātö eltīre in ò: pò ò nö hòṅ ṙānyen ò nö ṙā-ang eltī cha, nö havanten ò nö ik yöng ò kikōnyö.