Popular Bible Verses from Ranehlö 49

Share

Öt ṙāken Yūtā an min ngam tinkung minā-aṅ, öt rēhĕn ngam kinchīrö mahayöng nö ṙākö hôi kalröön ò hanöng saha Siloh nö yih; in ò min yip tarik nö hang chöngö ò.

Pak an Yôsĕf nö tö ṙôngu, tö ṙôngu nö pak, ranghö öp töhëmlö mak; vinngö nup pak ò nö i kaha kinlōngö: Chökhutī yip lumreny tö ò, lirënyan, öthakôlò, ò inrē

Ngaich pöri ngam linreny ò im kumlēḵ nö ngöhakṙen, vītu inrē nö kalēḵ minë takeun kël ò lökten i tī ngam Tökeuheūttöre chöngö in Yāköp; (aṅ in e ap yōmpököre, ap ihong in Israĕl). Lökten im Tēv ngam Yöng meh, ngam hamòlṙen meh min; lökten im Tökeuheūttöre chöngö, ngam mahakôlò meh min, tö inkôlò aṅ lātulöng el halīöngö inkôlò aṅ el ngam mai nup töhulalhaka lataṙeū, inkôlò teh, chūök kanūönö inrē

Yūtā, më-eṅ man min ha-öiny yip hanöngkisānö meh: i likeun yip tökunyāhaṅ elmat tö meh min ngam eltī meh; ikūö meh min yip kikōnyö kūön ngam yöng meh nö sōntöre. Kūön lāyön ön Yūtā, kakūönö, ṙeū-eung im pôḵre man ngaich kū-ö tö lātulöng: sōntöre angā-aṅ: sā fanātö lāyön angā-aṅ, sā kan lāyön inrē; chiāp min maharōilen ò?

Rūpen, lanòh chu man më-eṅ, kumlēḵ chu, ranehlö nganë-eṅ chu inrē, yöngkūö im ineū-euṅ, yöngkūö inrē i minā-aṅ, Tö taṙēichlöng sā mak, hö-ö pöri më-eṅ min īnu tö kinëtö chöngö; pò meh chuh el chamam ngam yöngre kikōnyö; ngaich hachōichngen e më-eṅ: pòn chuh i chūök hunlālö chu angā-aṅ.