Popular Bible Verses from T. YÔHAN 13

Share

Hĕng ön ngih tufömngöre chöngö, kahëtö Chu in yīö, Hāngenlōn yin tö höö; sā hanāngenlōn Chu tö yīö, ngatī yī-ö kö hāngenlōn tö höö. In e inkaha yin min tö taṙòkhöre tarik, öi mahaköp in Chu, yē yīö kö hāngenlōn tö höö. (Mt 26.31-35; Mk 14.27-31; Lk 22.31-34)

Yē Chu Chū-ö Öich Mā, Mahaköphöti inrē, Öich söich röön yīö, hòṅ kö ngatī-i yin yī-ö söich röön höö. Mahachōten yīö Chin, hòṅ yīö ngatī, sā tī Chu tö yīö.

Ngaich ngö ṙô Yēsū, nö sapṙô ò, Öt akahalōn man töngamuh, tö ngih la-en Chu; uhē-ĕren man min akahalōn.

Kô-ò ṙô Chin tö yīö Öt pōyö ön ngòh mahalenṙen tö ngam yöngṙenre; ngatī ngòh tötīni nö öt pōyö tö ngam tamīngöre.

Akahalōn yin yih ngaich tö u; tökôlò yin, yē yīö la-evṙen tö u.

Ngaich hē ngam nyina-aṅ, Anga-aṅ nö choholre, ṙātö nuk hilāre Anga-aṅ, ngaich kēḵ ök chanūt ngaich nyëk ṙatre. Asënyö mak ngaich Anga-aṅ nö ël ök chūök mak; ngaich söich röön yik haköptöre; chūtö u ngaich, nö aṅtī tö ök chanūt nyanëkṙat Ò.