Popular Bible Verses from PAWTDAWNA THU 10

Share

Ziaphatchun, Mosi kiang in LALPA’n, “Zia ka thilmak bawlte hi a âng ua ka tâklat theina ding in, Pharaoh kiang ah chia in; ama tawh a miliante lungthim la ka hi’tâk ta’ngal in: Chuleh, la chate leh la tute tiang in Aiguptate bang gual ah a la soisa ka hem ti leh, a lak ua tepte’na thilmak ka bawlte hi la gen theina ding leh, keima hi LALPA chu ka hi ti a hettheina ding un,” a tia.

LALPA chun Mosi kiang in, “La khut chu van lam in vak jak tiam in, Aigupta gam sung ah thimna, khoikhâk thei hial ding ah thim a ji’n theina dingin,” a tia. Mosi’n a khut van lam in a vak jak ah; tichun, Aigupta gam pumpi ah chun ni thum hial thimpi a jing tai. A kimutua thei le um talo in, ni thum sung chu a um nau mun ah kipat kichawndok thei le a um ta puau a; himaleh, Israelte chênna zosia chu a vak zing a.

Tichun, Mosi’n a tiangkhut chu Aigupta gam chung ah a jakdok tai; LALPA’n zia ni sun nitum leh jan khawvak in zia gam zosia ah chun sualam thigua a hânsak ah; chuleh, jingkal a hung hi’phatin, sualam thigua chun khaubepi a hun tok lut tai. Khaubepite chu Aigupta gam pumpi chun a vak jak tau ah, Aigupta gam pumpi chu a dapsuak ziang tau hi; zia gual ah khaubepi tam hi tu’ma khan hetkhâk a la hikha nai pua, tu’nung inle zia gual hi um kit diak ta pua’n a.