Popular Bible Verses from LUKA 8

Share

Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

Chuleh, hampa lingnei lak ah kethate chu zia gual hi a hiu: Thu a het phat ua leh, a chiau a; damsung khawsak lungkhamnate, hausaknate leh nopsaknate’n a hun dêp ah; a ga piting ngai sek puau hi.

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

Chuleh, a kiang un, “La ginnau khoilam ah um ahi tam?” a tia. Amau chun lau ma ma leh maksa tak in, “Zia pa hi khoilam bang mi a hita, tui leh thiguale thu a pia, a thu a awi ziang uh hi?” a kitiu a.

Lamgei ah kethate kha, thu chu a het phat ua leh diabol chu a hung ah, a gin ua hukdam ahi lona ding un a lunggil ua kipat thu chu a lamang ta sek hi.

Kipuang lo ding ah thugûk bangma a um pua’n, hetdok lo leh lang lo ding ah selgûk bangma a um diak pawngal a.

Numei chun, kisêl zo lo ding ka hi ti a kihiat phatin, kithing kawm kawm in a hung ah, a ma-âng in a hung bokkhup ah, bang ziak ah vakhoi a hem ti leh, a natna a hung dam ngal dante chu mipite het in a kiang in a hung gen tai. Jesu chun a kiang in, “Ka chanu, la ginna la dampi ahi; thamuang tak in chia ta’n,” a tia.

A kiang in a hung ua, a kaitho un: “Hotupa, hotupa, mangthai ding ka hitau hilam!” a tiu a. Ziaphat chun a hung tho ah, thigua leh tuifawn kisep vut vut chu a hun vau a; tichun, a hung chawl ua, a thip dîl dêl ziang tai.