Popular Bible Verses from JOHAN 19

Share

Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.

Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!”

Jumonü küyimki Jisunü abe le apinü amuzhokhi jingyanrü zhipde angükhea, apinü abe ki tha, “Aliberü, nü tsührü kheahang!” Jushu apinü jingyanbuh ki tha, “Nü be kheahang!” Tüsho ju kim chingnü jingyanbuhnü alibe ju anihbuh yam ching bede yü.

Tüshe küyimki arünü Jisu kilim arübah api shea ngükhea, arünü ajingbo müyihshak. Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk.

Tümüde amüsühyu dünjipü thsüde harü rhimokheah, “Api robo khülang she müyihshak.” Tüsho kheaküshe amüsühyu püpünü thachoh, “Arünü düchipashungbuh kheak arünü akheahbah.”

Tüsho apinü sangkim hanbah Ibri yunü Golgotha de ajikhi kuro dangpung ching yü

Tüsho bonungrübonü ayang kuthran thsübah aku kheak thranjih, tüsho arünü api kheak mürümmuchu shulünkhim phuyujih.