Popular Bible Verses from JUHAN 14

Share

“Kue hünzom füi mongsom toxpu; ku mongsom tuita kue hünzom ang koxpu; kue ija hünzom ang chaxwannue koxkya ningle koxkya chichang. Hünzom ang mong male tamchu abanle taxngo, tamchu taxza.

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

Jisu-e thüi: “Hünzom ang mong taxma; hünzome Zang to onglax ilaxle ku tochu onglax mi.

Ikoxle fongmix ija Otsao Chasa, Apae owa ku mün ma ahüi angkya hex, chixe hünzom hama pangnusa apuale fa angkya changle, ile kue hünzom füi akax daokyabu pangnu texle atak ang tomüi.

“Owae ku kaxtombu pongle koppuix, üntoxle ija kax ma laxle tüipuix; changle chixe ku to mongkünkya a. Owae ku to mongkün puix, Apae chix to künüi; kuechu wüi chix to mongkünüi ilaxle ku lailai to chix hato ngaile ahoüi.”

Kue Apa ma juüi ilaxle hünzom füi jento ngo angkya hanpakma, chixe hünzom ang fongmix mama tuita kox angkya changle. Chix a Zang otsingtsing bama ngaile aho angkya Chasa changle. Chix a chaxwannue pongle kop ang tho angkya oli münchang; chemthüikoxle chaxwannue chix münngün tamchu ojao münawan. Ikoxle hünzome chix awanpu, chemthüikoxle chix a hünzom füi ngole tamchu hünzom ma ngole.

Ilaxle hünzome ku mün ma chempang juüi hex, ija kue moküi; ile Hosa ma Hopa fuazangle naxchang ang. Hünzome ku ma, ku mün ma tüta li jukoxchu, ija kue mokle koxüi.

“Hünzome ku to mong jangkünba, hünzome ku kaxtombu kax ma laxlax.

Apa hom to ngwotnui tüihu le; ku hünzom hanpakma ngwotnui achwon ang pao angkya changle. Ibu ile chichang thüikoxba kue hünzom hama ija chiakax ngose.

Tamchu ku paolaxle ngwotnui achwon füima, ku tamchatle nguiüi, ilaxle ma hato hünzom laxlax tox angkya changle; ija khoma ku ojongto ngo angkya hex, hünzomchu ikhato ngo angkya changle.

Thoma-e chix ang thüi: “Jowanpa, nang ochito pao angkya hex kwome münawan; jangchangba ikhato ngui angkya lomtang chemle awan manüi?”