Popular Bible Verses from NASEPTE 5

Share

Tuachi’n Peter leh Sawltah dangten adawng ua, “Mihing thu sangin Pasian thu ka man zawh ding uh ahi,” achi uhi.

Tualeh nichin in Pasian biehinn leh inn chin ah Jesu khu Khrist ahi chia thuhil leh gen akhawl thei sih uhi.

Hinanleh Peter in, “Anania Hagau Siengthou sol ding leh gam man sekhat im ding a, Setan in na lungtang aluodim bangchidan ahiei? Gam khu zua lou a aum lai in, nanga hilou ahiei mah? na zua nua in zong nangma thuthu hinalai lou ahiei mah? Bangdinga tambang sil bawl dinga na lungtang a ngaituo na hiei? Mihing sol na hi sih a, Pasian sol na hi zaw hi,” achi hi. Anania in tam thu azah tahin apua a, ashita hi. Tuachi’n tam thu za zousie azau mama ta uhi.

Tuaziehin tuin noute kungah ka gen ahi, tam mite apat kihemkhie unlen, hichiin umsah kuom unlen, hata un, asil tup uleh asilbawlte uh mihing akipan ahileh, bangma louin ahing mang ding hi. Hinanleh Pasian akipan ahileh, na sumang zou sih ding uhi, Tuachilouin pen Pasian dou nahi kha zaw ding uhi.”